1 Tesalonikɩ 2:3 - A SƐB-SÕW

³ A kpaalʋ tɩ na kpaalɛ a nɩbɛ za a, a bɛ ɩ ziri ɛ, bɛ yi tɩɛr-faar pʋɔ ɩ, ɛ́ tɩ mɩ̀ bɛ bɛ̀lɛ nɩr za ɩ.

1 Tesalonikɩ 2:3 ပူးပေါင်းရင်းမြစ်များ

Sɔr-nɛ́ɛ 16:15

A Moyiir tɩ nyɛ̃ nɩ suur mab, ɛ́ yel a Sore à ŋá: «Taa ŋmɛlɛ kaar a bɛ de-kʋ̀b bom ɛ! Ɩ̃ bɛ dãw de bɛ bom ɛ, bõw mɩ̀ saa n'ʋ a. Ɩ̃ bɛ dãw sãw a bɛ kãw za ɩ.»

Nɩ-toni 13:15

A kanʋ na wa kanɩ a Naaŋmɩn wulu nɩ a naaŋmɩn-ƴɛ̀r-manbɛ sɛbr pʋɔ baar'a, a puoru-dĩo nɩ-bɛrɛ tɩ ƴãw na bɛ yel bɛ: «Yɛbr i, nyɩmɛ wa tɛr sõwfʋ ƴɛ̀r-bie na tʋ̃ɔ́ ƴɛ̀r sõw a nɩbɛ a, nyɩ de a ƴɛ̀rʋ.»

Nɩ-toni 4:36

À ŋá n'a Zuzɛb, a nɩ-toni na kpɔwrɛ bʋɔlɛ Banabasɩ, a pɛr lɛ kɛ́ Mɔwl-mɔwlɛ a, tɩ tɛr púo. Ʋ tɩ ɩ n Levitɩ ɛ́ yi Sɩɩpʋr.

2 Korɛ̃tɩ 11:13

A nɩbɛ bɛ ŋa a, nɩ-ton-bɛlɛbɛlɛ mɩnɛ nɛbɛ, tõ-tõ-biir na bɛ tɛr yel-mɩŋa, ɛ́ bɛ̀lɩ ɩ Kɩrɩta nɩ-toni a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

2 Korɛ̃tɩ 4:5

Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

2 Korɛ̃tɩ 6:8

Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.

2 Korɛ̃tɩ 7:2

Nyɩ tɛr a tɩ tɩɛrʋ a nyɩ socie pʋɔ. Tɩ bɛ sãw nɩr kãw za ɩ, bɛ dɩ nɩr kãw za lɔb ɛ, bɛ nɛb nɩr za ɩ.

1 Tesalonikɩ 2:11

Ɛ́ nyɩ bãw na kɛ́ tɩ ɩ n a nyɩ been been zie mɛ̃ lɛ sãà na mɩ́ ɩrɛ a ʋ bibiir zie a.

1 Tesalonikɩ 4:7

Naaŋmɩn bɛ bʋɔlɩ tɩ faalʋ ƴãw ɛ, sonu ƴãw n'a ʋ bʋɔlɩ tɩ.

2 Tesalonikɩ 2:11

Lɛ so Naaŋmɩn kʋ̀rɛ bɛ bɔrʋ fãw na mɩ́ ɩ bɛ sàw de a ziri a,

2 Pɩɛr 1:16

A tɩ Sore Yeezu Kɩrɩta kpɛnʋ nɩ a ʋ lɛb-waa tɩ na ɩ nyɩ bãw a, suolu bɛ n'a tɩ suoli vla za kʋ̀ nyɩ ɛ. Tɩ nyɛ̃ nɩ a ʋ yúor-vɩɛlʋ-danʋ za nɩ mimir sɩza.

1 Samɩɛl 12:3

Mãa n'ɩ ŋan a Sore nɩ a nyɩ nãà niŋé, mãa wa tɛr sãwna a, nyɩɩm yel: ãa náab'ʋ ɩ̃ zu? Ãa bõw n'ʋ ɩ̃ zu? Ãa n'ʋ ɩ̃ nɛb? Ãa n'ʋ ɩ̃ dɔwrɩ? Ãa n'ʋ ɩ̃ sàw k'ʋ ŋmɛ m nʋɔr nɩ libie k'ɩ̃ɩ sɔwlɩ a ʋ sãwna? Lɛ wa n'a a, ɩ̃ na lɛb'a tɩr bom nɛ za ɩ̃ na de a.»