1 Samɩɛl 9:9 - A SƐB-SÕW

^9-11 Lɛ n'a a Sawul tɩ yel: «A vɩɛl'a! Tɩ cen.» Bɛ tɩ cen nɩ a tẽw ʋl a Naaŋmɩn nɩr na tɩ be a. Bɛ tɩ tuor'ɩ pɔwsɩrali a sɔ́r zu bɛ cere kʋ̃ɔ 'wɔ̃wfʋ. Bɛ tɩ sowri bɛ na: «A yel-nyɛrɛ be n a ka a?» — A dãwdãw a Ɩsɩrayɛl tẽw a, bɛlɛ wa bɔbr kɛ́ bɛ sowri bãw bom a Naaŋmɩn zie a, bɛ mɩ́ tɩ yel'a: «Tɩ cen a yel-nyɛrɛ zie.» Sɩza n'a, a sob ʋl bɛ na bʋɔlɛ “naaŋmɩn-ƴɛ̀r-manɛ” a dɩ̃a a, bɛ tɩ bʋɔlɛ ʋ nɩ “yel-nyɛrɛ”. —

1 Samɩɛl 9:9 ပူးပေါင်းရင်းမြစ်များ

Yele-za-pɛr-tib 25:22

A bibiir tɩ pɔbr'ɩ taa a ʋ púorí, ʋ cɩɩrɩ yel: «Alɛ wa ŋmɛ̃ à ŋá a, bʋnʋ ƴãw n'a ɩ̃ tɛr a pʋɔ?» Ʋ tɩ cen na tɩ sowri a Sore.

2 Samɩɛl 24:11

A Daviir na tɩ ìr a bio daarɩ́ biɓaara a, a Sore tɩ ƴɛ̀r'ɩ a naaŋmɩn-ƴɛ̀r-manɛ Gadɩ na tɩ ɩ a Daviir yã-wule a zie à ŋá:

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

1 Bibie za yel-manɩ 21:9

A Sore tɩ ƴɛ̀r'ɩ a naaŋmɩn-ƴɛ̀r-manɛ Gadɩ, na tɩ ɩ a Daviir yã-wule a, zie à ŋá:

1 Bibie za yel-manɩ 26:28

A Selomitɩ nɩ a ʋ yɛbr nɛbɛ mɩ̀ tɩ kaarɛ a bome al za a naaŋmɩn-ƴɛ̀r-manɛ Samɩɛl, a Kisɩ bidɛb Sawul, a Nɛɛr bidɛb Avɩnɛɛr nɩ a Zowab a mãa na dɩ kɛ́ Seruya a na tɩ de kʋ̀ a Naaŋmɩn a.

1 Bibie za yel-manɩ 29:29

A nãà Daviir ɩ-ɩrɩ, a dãw-niwn dem tɩ tɔ a pɛ-baarɩ, a sɛb'a ƴãw a yel-nyɛrɛ Samɩɛl ɩ-ɩrɩ sɛbɛ pʋɔ, nɩ a naaŋmɩn-ƴɛ̀r-manɛ Natan ɩ-ɩrɩ sɛbɛ pʋɔ, nɩ a yel-nyɛrɛ Gadɩ ɩ-ɩrɩ sɛbɛ pʋɔ.

1 Bibie za yel-manɩ 9:22

A bɛl za bɛ na tɩ kaa ír bɛ ɩ a dɩ̃dɔ-gùrbɛ a tɩ ɩ n nɩbɛ kɔbr ayi dɔwlɩ pie nɩ ayi (212). A bɛ tẽ-yiri pʋɔ n'a bɛ tɩ sɔ́r bɛ. A Daviir nɩ a naaŋmɩn-ƴɛ̀r-manɛ Samɩɛl nɛbɛ tɩ zɩɩlɩ bɛ a bɛ tõ-nʋɔr ŋa na be kʋralɛ a pʋɔ.

2 Bibie za yel-manɩ 16:10

A Asa tɩ nyɛ̃ nɩ nɩ a naaŋmɩn-ƴɛ̀r-manɛ suur, ƴãw bɛ nyɔw ʋ lɔb ƴãw gaso pʋɔ, a ʋ ƴɛ̀r-bie na tɩ ɩ a ʋ suur ìr a ƴãw. A lɛn daar mɩ̀ a, a Asa tɩ tĩ na dɔwrɛ a ʋ nɩ-bʋʋrɛ nɩbɛ bɛ mɩnɛ.

2 Bibie za yel-manɩ 16:7

A lɛn daar, a naaŋmɩn-ƴɛ̀r-manɛ Hanani tɩ wa na wa páw a Zuda tẽw nãà Asa yel ʋ: «Fʋ na faa ɩrɛ ƴãwn Aram tẽw nãà ƴãw, ɛ́ bɛ ɩrɛ ƴãwn a Sore fʋ Naaŋmɩn ƴãw a, fʋ kʋ̃ tʋ̃ɔ́ a Aram tẽw nãà zɛbr-nɩbɛ ɩ.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Ɩzayi 30:10

Bɛ yere nɩ a naaŋmɩn-ƴɛ̀r-manbɛ zie: «Nyɩ taa nyɛrɛ bʋ̃-nyɛrɩ ɛ! Nyɩ taa yere bom na ɩ sɩza a kʋ̀rɛ tɩ ɛ! Nyɩ manɛ yele na nʋmɛ a kʋ̀rɛ tɩ. Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.

Amɔsɩ 7:12

Lɛ n'a a Amasɩa tɩ yel a Amɔsɩ: «Yel-nyɛrɛ ɛ, cen taw zaa a ka. Zɔ cen Zuda tẽw, be n'a fʋ na tɩ tʋ̃ɔ́ tone a fʋ naaŋmɩn-ƴɛ̀r-manɛ tome guole nɩ fʋ tʋɔra.

1 Korɛ̃tɩ 12:17

A ƴã-gan za tɩ ɩ mimir yõ a, nyɩnɛ n'a a tobe nãá tɩ be? Ʋʋ za tɩ ɩ tobe a, nyɩnɛ n'a a nyʋɔr nãá be?

Ƴɛ̀r-dɩrbɛ 1:1

A Zozue kũu pùorí, a Ɩsɩrayɛl nɩbɛ tɩ sowr'ɩ a Sore à ŋá: «A tɩ pʋɔ a, dɔwlʋ buor sob'ʋ na de niwn do tɩ zɛb'ɩ a Kanãa tẽw dem?»

Ƴɛ̀r-dɩrbɛ 18:5

Bɛ lɛb yel ʋ: «Alɛ wa ɩ lɛ a, fʋ̃ʋ sowri a Naaŋmɩn kʋ̀ tɩ, tɩ tʋ̃ɔ́ bãw, a sɔ́r tɩ na lo a na vɩɛl'a bɩɩ ʋ kʋ̃ vɩɛl.»