1 Samɩɛl 8:8 - A SƐB-SÕW

⁸ À à ŋá bɛ na ɩrɛ a fʋ zie a dɩ̃a a, lɛ tɔr za n'a bɛ ɩ a ɩ̃ zie, a lɛn daar za ɩ̃ na tɛr bɛ yi n a Eziptɩ tẽw wa tɩ tɔ a dɩ̃a a. Bɛ zawrɛ mɛ̃ na bɛrɛ, ɛ́ puore ŋmɩn-yoru.

1 Samɩɛl 8:8 ပူးပေါင်းရင်းမြစ်များ

Eziptɩ tẽw yib 32:1

A nɩbɛ na tɩ nyɛ̃ a Moyiir ʋ cɛlɛ a tãw lɛb-siwfʋ a, bɛ ɓã n taa a Aarɔ̃ zie yel ʋ: «Ìr! Maalɩ ŋmɩn na na de tɩ niwn a kʋ̀ tɩ. Bʋ̃ʋ n'ʋ vɛ̃, tɩ bɛ bãw ʋlɩ bom nɛ na ɩ a Moyiir a ɩ, a nɩr ŋa na ɩ tɩ yi a Eziptɩ tẽw a.»

Ƴɛ̀r-dɩrbɛ 13:1

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ, a Sore de bɛ ƴãw a Filisɩtɛ̃ mɩnɛ nuru pʋɔ, yome lɩz'a ayi.

Ƴɛ̀r-dɩrbɛ 6:1

A Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ, a Sore de bɛ ƴãw a Madian tẽw dem nuru pʋɔ, yome ayopõi.

Ƴɛ̀r-dɩrbɛ 4:1

A Ehudɩ kũu pùorí a, a Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ.

Ƴɛ̀r-dɩrbɛ 2:20

A Sore suur tɩ ìr'ɩ a Ɩsɩrayɛl nɩbɛ ƴãw, ʋ yel à ŋá: «A nɩ-bʋʋrɛ bɛ ŋa na faa sãw a ɩ̃ wõ-taa bɛr a, a wõ-taa ʋl ɩ̃ na ƴãw a bɛ sãàkʋm-kore tuur a, bɛ na bɛ bɛr wõ m'a,

Wulu-ayi-sob 9:24

Ɩ̃ na dɛ bãw nyɩ a ʋlɩ bibir nɛ a n'a nyɩ ɩrɛ a bɛ-wõ-ɩb a Sore zie.

Eziptɩ tẽw yib 17:2

Lɛ n'a a nɩbɛ tɩ bɔ a Moyiir nɔhaarʋ, yel ʋ à ŋá: «Nyɩ kʋ̀ tɩ kʋ̃ɔ tɩ nyũ!» A Moyiir tɩ sɔw bɛ na: «Bʋ̃ʋ n'ʋ so nyɩ bɔbr mɛ̃ nɔhaarʋ? Bʋnʋ ƴãw n'a nyɩ yel kɛ́ nyɩ ɩ a Sore kaa?»

Eziptɩ tẽw yib 16:3

Bɛ tɩ yere na: «A Sore nãá nɩ̃ɛ tɩ ɩ tɩ kpi a Eziptɩ, a be tɩ na mɩ́ tɩ zɩ̃ kɔw nɛnɛ nɩ dʋwr, ɛ́ mɩ́ dɩ bʋ̃-dɩrɩ tɩ sɛw a! Bʋ̃ʋ n'ʋ vɛ̃, nyɩ tɛr tɩ na wa n a wɛja-kpalɛ ŋa pʋɔ kɛ́ nyɩ wa bɛr tɩ tɩ kpi kɔ̃ tɩ za!»

1 Samɩɛl 8:7

A Sore tɩ yel'ɩ a Samɩɛl: «Bɛr wõ a Ɩsɩrayɛl nɩbɛ, sàw a bɛ zɛlʋ. Bʋ̃ʋ n'ʋ vɛ̃, fʋ̃ʋ bɛ n'ʋ bɛ zawrɛ bɛrɛ ɩ, mãa n'ʋ. Bɛ bɛ cãà bɔbr k'ɩ̃ɩ dɩrɛ naalʋ a bɛ zu ɛ.

1 Samɩɛl 8:9

Lɛ so, sàw a bɛ zɛlʋ, ɛcɛ taa vɛnɛ a bɛ kpãàfʋ ɛ: manɩ vla kʋ̀ bɛ, a lɛ a nãà na na kaarɛ a bɛ zie a, a lɛ ʋ na na dɩrɛ a naalʋ a bɛ zu a.»

Zeremi 34:14

Ɩ̃ tɩ yel bɛ na: Alɛ wa maalɩ yome ayopõi a, a nyɩ kãw za na mɩ́ lɛb'a bɛr a ʋ yɛb na ɩ a Ebre bʋʋrɛ, ɛ́ wa kʋɔrɩ ʋ tʋɔra a ʋ zie a, ʋ so ʋ tʋɔra. Ʋ na mɩ́ ɩ n a fʋ gbãgbaa yome ayʋɔb, al pùorí, fʋ lɛb bɛr ʋ, ʋ so ʋ tʋɔra. Ɛcɛ a nyɩ sãàkʋm-kore bɛ tɩ bɛr wõ ɩ, bɛ bɛ tɩ cɛlɩ be ɩ.

Ezekɩɛl 2:3

Ʋ tɩ yel mɛ̃ na: «Nɩsaal bie e, ɩ̃ tone fʋ nɩ a Ɩsɩrayɛl nɩbɛ zie, a nɩ-bʋʋr-gaarɩ bɛ ŋa na ìr a ɩ̃ zu a. Bɛlɛ nɩ a bɛ sãàkʋm-kore zawrɩ mɛ̃ na bɛr wa tɩ tɔ a dɩ̃a.

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.