1 Samɩɛl 8:6 - A SƐB-SÕW

⁶ A Samɩɛl suur tɩ sãwna bɛ na tɩ yel k'ʋʋ kʋ̀ bɛ nãà ʋ kaarɛ a bɛ zie a. Ʋ tɩ puor'ɩ a Sore.

1 Samɩɛl 8:6 ပူးပေါင်းရင်းမြစ်များ

Sɛb-sõw yielu 109:4

Mãa nɔnɛ bɛ na, ɛ́ bɛ yere k'ɩ̃ɩ sãw na, ɛcɛ mãa puore na kʋ̀rɛ bɛ.

Eziptɩ tẽw yib 32:21

Al pùorí, ʋ sowri a Aarɔ̃: «Bʋ̃ʋ n'ʋ a nɩbɛ bɛ ŋa ɩ b fʋ taw bɛ ƴãw a sãwna-kpɛ̃ɛ ŋa pʋɔ?»

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

A naaŋmɩn-ƴèr-manɛ Oze sɛbɛ 13:10

A fʋ nãà na na faa fʋ a, nyɩnɛ n'a ʋ cen? Ɛ́ a fʋ ƴɛ̀r-maalbɛ bɛl na be a fʋ ten za pʋɔ a, nyɩnɛ n'a bɛ cen? A bɛl ƴãw fʋ na tɩ yel: “Kʋ̀ mɛ̃ nãà nɩ nɩ-bɛrɛ!”

Sɔr-nɛ́ɛ 16:15

A Moyiir tɩ nyɛ̃ nɩ suur mab, ɛ́ yel a Sore à ŋá: «Taa ŋmɛlɛ kaar a bɛ de-kʋ̀b bom ɛ! Ɩ̃ bɛ dãw de bɛ bom ɛ, bõw mɩ̀ saa n'ʋ a. Ɩ̃ bɛ dãw sãw a bɛ kãw za ɩ.»

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

1 Samɩɛl 10:19

Ɛ́ dɩ̃a nyɩ wa zawrɩ a nyɩ Naaŋmɩn bɛr, ʋl na sõwne nyɩ a nyɩ kpɩɛrʋ nɩ a nyɩ pʋl-vʋ̃ɔ za pʋɔ a, ɛ́ yel ʋ: “Kʋ̀ tɩ nãà.” A na ɩ à ŋá a, nyɩ wa a Sore niŋé dɔwlʋ dɔwlʋ, yie yie.»

1 Samɩɛl 12:12

Ɛcɛ nyɩ na wa nyɛ̃ a Amɔ̃ tẽw dem nãà, Nahasɩ, ʋ waar a nyɩ ƴãw a, nyɩ yel mɛ̃ na: “Tɩ bɔbr'ɩ nãà!” Mɛ̃ a Sore bɛ tɩ n'ɩ a nyɩ nãà a.

1 Samɩɛl 12:17

Mɛ̃ a ble cɛb daar taa n'ɩ à à ŋá? Ɛcɛ ɩ̃ na puor'ɩ a Sore, ʋʋ na ɩ na a saa tanɩ ɛ́ mĩ. Lɛ n'a nyɩ na nyɛ̃ a nyɩ sãwna na ɩ kpɛ̃ɛ sɛw lɛ a Sore zie a, a nyɩ nãà ŋa nyɩ na zɛlɩ a zũú.»

1 Samɩɛl 12:19

ɛ́ tɩ yel a Samɩɛl: «Puori zɛlɩ a Sore fʋ Naaŋmɩn, a fʋ tõ-tõ-biir ƴãw, tɩ taa kpiir ɛ. Tɩ na zɛlɩ a nãà a, tɩ maal'ɩ yel-bier ƴãw pʋɔ a tɩ yel-bebe ƴãw.»

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.

1 Samɩɛl 15:11

«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.

1 Samɩɛl 7:5

Al pùorí, a Samɩɛl tɩ yel'a: «Nyɩ bʋɔlɩ a Ɩsɩrayɛl nɩbɛ za ɓã taa a Misɩpa. Ɩ̃ na puor'ɩ a Sore a nyɩ ƴãw a be.»