1 Samɩɛl 8:3 - A SƐB-SÕW

³ Ɛcɛ a ʋ bidɛbr bɛ tɩ tu ʋ ɛ. A libie tɩ bɛ̀lɩ na nyɔw bɛ, bɛ dier a bome a nɩbɛ na kʋ̀rɛ bɛ a, ɛ́ mɩ́ dɩ a ƴɛ̀rʋ a bɛ tori ɛ.

1 Samɩɛl 8:3 ပူးပေါင်းရင်းမြစ်များ

2 Samɩɛl 15:4

A Abɩsalɔm mɩ́ tɩ cãà yel ƴãw pʋɔ: «Bʋ̃ʋ pãa ɩ a! Mãa tɩ ɩ ƴɛ̀r-dɩrɛ a tẽw ŋa pʋɔ a, mãa zie n'a a bɛlɩ dem za na tɛr yele na sɛw nɩ ƴɛ̀rʋ-dɩb a, nãá mɩ́ wa, ɩ̃ɩ nãá mɩ́ dɩ n a ƴɛ̀rʋ kʋ̀ bɛ a tu yel-mɩŋa.»

Sɛb-sõw yielu 15:5

Ʋ bɛ mɩ́ pɛ̃w a ʋ libie bɔbr'ɩ dɔwlɛ ɩ, ʋ bɛ sàwr bɛ ŋmɩɛr ʋ nʋɔr nɩr na bɛ sãw a nyɔwfʋ ƴãw ɛ. Sob nɛ na ɩrɛ à à ŋá a bɛ be za na lo ɩ.

Sɛb-sõw yielu 26:10

A bɛ nuru tõ n tõ-faar na bɛ maal'ɩ wob a, a paal'ɩ bʋ̃-kʋ̀rɩ a nɩbɛ na ŋmɛ n bɛ a nʋɔr a.

Eziptɩ tẽw yib 18:21

A al na baa cɛ a ƴãw a, kaa ír a nɩbɛ pʋɔ nɩbɛ na ɩ nɩbɛ a, nɩbɛ na zɔrɛ Naaŋmɩn, nɔnɛ a yel-mɩŋa, ɛ́ kʋ̃ sàw bɛ ŋmɛ bɛ nʋɔr a. Ƴãw bɛ ɩ nɩbɛ túre, nɩbɛ kɔbr, nɩbɛ lɩz'a ayiri nɩ piir nɩ nɩbɛ piir nɩ-bɛrɛ.

Eziptɩ tẽw yib 23:6

«Nyɩ kʋ̃ dɩ a ƴɛ̀rʋ a bɛ tori ɛ nyɩ kʋ̀ a bãbàal na zɛlɛ a nyɩ sõwfʋ a ɩ.

Eziptɩ tẽw yib 23:8

Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a bɛlɩ dem na nyɛrɛ a tɩ́ɛrʋ, ɛ́ mɩ́ ɩ a nɩ-vɩɛlɩ ƴɛ̀rʋ-dɩb a bɛ tori ɛ.»

Ekilezɩasɩ 2:19

Ʋ na ɩ n yã-bãwnɛ bɩɩ dabol sob? Ãa n'ʋ na tʋ̃ɔ́ bãw? Ɛcɛ ʋ na so nɩ a ɩ̃ bom za ɩ̃ na tõ n yã-bãwfʋ páw a tẽw zu ka a. A yel ŋa mɩ̀ ɩ n bàlʋ zawla!

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Ɩzayi 33:15

— Sob nɛ na tuur a mɩnʋ ɛ́ yere a yel-mɩŋa a n'ʋ. Ʋ mɩ́ zawr'ɩ a tɔnɛ bɛ na mɩ́ ɩ a po-to-fãw-ɩb páw a, ʋ bɛ sàwr a bɛlɩ dem na bɔbr kɛ́ bɛ ŋmɛ ʋ nʋɔr a ɩ. Ʋ mɩ́ pàw nɩ a tobe tɛr, k'ʋʋ ta wõ nɩ-kʋ ƴɛ̀rʋ ɛ. Ʋ mɩ́ pàw nɩ a ʋ mimie, k'ʋʋ ta jɩ́r a yel-faa ɩ.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Wulu-ayi-sob 16:19

Nyɩ taa dɩrɛ ƴɛ̀r-ziri ɛ, nyɩ taa owre a nɩbɛ a ƴɛ̀rʋ-dɩb pʋɔ ɩ. Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a nɩbɛ na nyɛrɛ a tɩɛrʋ, ɛ́ mɩ́ ɩ a nɩ-mɩn ƴɛ̀rʋ-dɩb bɛ tu sɔ́r ɛ.

1 Timote 3:3

ʋ ta ɩ dã-nyúure ɩ, ɛ́ ta ɩ nɔ-haa-bɔbrɛ ɩ. Ʋ ɩ nɩsaal-bàalʋ, ʋ ta ɩ zɛb-ŋmarɛ nɩ libi-nɔ̃wnɛ ɩ.

1 Timote 6:10

A faalʋ za nyɩwr sɩrɩ n'ɩ a libi-nɔ̃w. Bɛ mɩnɛ na tu a pùor a, bɛ bɔr a zãá nɩ a naaŋmɩn-sàw-deb ɛ́ ƴãw bɛ tʋɔra kpɩɛrʋ yaga pʋɔ.

1 Samɩɛl 12:2

Dɩ̃a na ta a, ʋlɛ n'ʋ na kaarɛ a nyɩ zie, mãa kor'a pɛlɩ zu, — a ɩ̃ bidɛbr ɩ n nɩ-bɛrɛ mɛ̃ a nyɩɩm a. — Ɩ̃ kaa nɩ a nyɩ zie a ɩ̃ pɔ̀lʋ daar za wa tɔ a dɩ̃a.

1 Samɩɛl 2:35

Al pùorí, ɩ̃ na kaa na ír bàwr-maalɛ na bɛ lɛbr pùor a, a ɩ̃ ƴãw. Ʋ na ɩrɛ nɩ lɛ za ɩ̃ na bɔbr a. Ɩ̃ na kʋ̀ ʋ nɩ nɩbɛ na ɩrɛ bàwr-maalbɛ lɩɛrɛ taa bɛ tɛr bɛ́rʋ a, bɛ pɩɛlɩ a ɩ̃ nɩ-kabra.