1 Samɩɛl 7:4 - A SƐB-SÕW

⁴ Lɛ n'a a Ɩsɩrayɛl nɩbɛ tɩ lɔb a Báàl mɩnɛ nɩ a Asɩtarte mɩnɛ bɛr, ɛ́ tone a Sore yõ tẽtẽ tome.

1 Samɩɛl 7:4 ပူးပေါင်းရင်းမြစ်များ

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

1 Na-mɩnɛ 11:5

Ʋ tɩ puor'ɩ a Sɩdɔ̃ tẽw dem ŋmɩn-pɔw Asɩtarte, nɩ a Mɩlkɔm, a Amɔ̃ tẽw dem ŋmɩn-faa na bɛ tɛr yúor póru a.

1 Na-mɩnɛ 8:48

bɛlɛ wa lɛb wa a fʋ zie nɩ a bɛ pʋɔ za nɩ a bɛ sɩ́ɛ za, a tẽw ʋl pʋɔ bɛ na ɩ a gbãgbaar a, bɛlɛ wa lɩɛbɩ niwn cɔw a tẽw fʋ na kʋ̀ a bɛ sãàkʋm-kore a, a tẽ-kpɛ̃ɛ ŋa fʋ na kaa ír a, nɩ a Ŋmɩn-yir-kpɛ̃ɛ ŋa ɩ̃ na ŋmãa a fʋ ƴãw a,

2 Na-mɩnɛ 23:15

A Zozɩasɩ mɩ̀ tɩ ƴãw na bɛ ŋmɛr a Betɛl bàwr-maal-kuur nɩ a maalʋ-zie bɛr, a al a Nevatɩ bidɛb, Zerobowam, na tɩ mɛ, ƴãw a Ɩsɩrayɛl nɩbɛ maalɩ a yel-bier a. Ʋ tɩ nyɩw nɩ a maalʋ-zie bɛr, ŋmɛr a bàwr-maal-kuur bɛr, lɔb a dà-bara ƴãw vũumí, ɛ́ ɩ a za lɩɛbɩ tãpɛlʋ.

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

A naaŋmɩn-ƴèr-manɛ Oze sɛbɛ 14:8

A nɩbɛ na tɩ kpɩɛr a ʋ ɓaarʋ́ a na lɛb'a wa. Bɛ na lɛb'a kʋ́ɔr ble, bɛ na mɩ́ pu na mɛ̃ divɛ̃ tɩɩr púo a, bɛ na tɛr'ɩ yúor mɛ̃ Libã tẽw divɛ̃ a.

Ƴɛ̀r-dɩrbɛ 2:11

Lɛ n'a a Ɩsɩrayɛl nɩbɛ tɩ ɩ bom nɛ na bɛ pɛlɩ a Sore pʋɔ a, ɛ́ puore a Báàl mɩnɛ.

Ƴɛ̀r-dɩrbɛ 2:13

Bɛ tɩ zawr'ɩ a Sore bɛr, ɛ́ puore a Báàl mɩnɛ nɩ a Asɩtarte mɩnɛ.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»

1 Samɩɛl 7:5

Al pùorí, a Samɩɛl tɩ yel'a: «Nyɩ bʋɔlɩ a Ɩsɩrayɛl nɩbɛ za ɓã taa a Misɩpa. Ɩ̃ na puor'ɩ a Sore a nyɩ ƴãw a be.»