1 Samɩɛl 7:2 - A SƐB-SÕW

² A Sore wõ-taa daga bɛ na tɩ bin a Kɩrɩyatɩ-Yeyarim a, a tɩ kɔwr'a, tarɛ yome lɩzɛr, ɛ́ a Ɩsɩrayɛl nɩbɛ za wa ìr bɔbr tuotuo kɛ́ bɛ lɛb taw pɩɛlɩ a Sore.

1 Samɩɛl 7:2 ပူးပေါင်းရင်းမြစ်များ

1 Bibie za yel-manɩ 13:3

Al pùorí, tɩ na ɩ n a tɩ Naaŋmɩn wõ-taa daga ʋ lɛb wa a tɩ zie, bʋ̃ʋ n'ʋ vɛ̃, a Sawul daar a, tɩ bɛ kaa ʋ zie ɩ.»

1 Bibie za yel-manɩ 13:5

Lɛ n'a a Daviir tɩ ɓã a Ɩsɩrayɛl nɩbɛ za taa, na tĩ a Eziptɩ tẽw tʋr-bɔw nʋɔr a saa-pɛrɩ́-dʋrʋ-lowr tɩ tɔ n a Hamatɩ tʋr-bɔw nʋɔr a saa-pɛrɩ́-gʋba-lowr a, kɛ́ bɛ cen a Kɩrɩyatɩ-Yeyarim tɩ de a Naaŋmɩn wõ-taa daga wa n.

Zeremi 26:20

A ʋlɩ daar nɛ a, naaŋmɩn-ƴɛ̀r-manɛ kãw mɩ̀ tɩ be n be ƴɛ̀rɛ a Sore yúor ƴãw: Semayahu bidɛb, Uuriyahu, na yi Kɩrɩyatɩ-Yeyarim a tɩ n'ʋ. Ʋ tɩ ƴɛ̀r'ɩ a Zerizalɛm tẽw nɩ a Zuda nɩbɛ ƴãw a Sore yúor ƴãw mɛ̃ a lɛ tɔr za a Zeremi na tɩ ƴɛ̀r a.

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Matie 5:4

Zu-nʋ̃ɔ̀ dem'ɩ a bɛlɩ dem na kone a, bɛ na nyɛ̃ nɩ a Naaŋmɩn mɔwlʋ.

Zozue 9:17

Lɛ n'a a Ɩsɩrayɛl nɩbɛ tɩ ìr lo a sɔ́r, ɛ́ bibie ata pùorí a, bɛ tɩ ta n a ten al pʋɔ a nɩbɛ bɛ ŋa na kpɩɛr a: Gabaɔ̃, Kefɩɩra, Beerɔtɩ nɩ Kɩrɩyatɩ-Yeyarim.

Ƴɛ̀r-dɩrbɛ 2:4

A Sore malkɩ na tɩ ƴɛ̀r a ƴɛ̀r-bie á ŋá za kʋ̀ a Ɩsɩrayɛl nɩbɛ za baar'a, bɛ tɩ ŋmɩɛrɩ cɛlsɩ kone nɩ.

1 Samɩɛl 7:1

Lɛ n'a a Kɩrɩyatɩ-Yeyarim tẽw dem tɩ wa de a Sore wõ-taa daga. Bɛ tɩ cen nɩ ʋ nɩ Abinadab yir na be a tãw zu a, tɩ ka nũu ƴãw a ʋ bidɛb Eleazaar, k'ʋʋ gùre a Sore wõ-taa daga.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»