1 Samɩɛl 7:1 - A SƐB-SÕW

¹ Lɛ n'a a Kɩrɩyatɩ-Yeyarim tẽw dem tɩ wa de a Sore wõ-taa daga. Bɛ tɩ cen nɩ ʋ nɩ Abinadab yir na be a tãw zu a, tɩ ka nũu ƴãw a ʋ bidɛb Eleazaar, k'ʋʋ gùre a Sore wõ-taa daga.

1 Samɩɛl 7:1 ပူးပေါင်းရင်းမြစ်များ

1 Bibie za yel-manɩ 13:3

Al pùorí, tɩ na ɩ n a tɩ Naaŋmɩn wõ-taa daga ʋ lɛb wa a tɩ zie, bʋ̃ʋ n'ʋ vɛ̃, a Sawul daar a, tɩ bɛ kaa ʋ zie ɩ.»

Sɛb-sõw yielu 132:6

Tɩ wõ na bɛ yel k'aa wõ-taa daga be n Efarata. Tɩ nyɛ̃ ʋ nɩ Yaar vuo pʋɔ.

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Zozue 18:14

A tãw ŋa mʋ̃tɔ̃w-kpɛb-lowr a, a tʋr-bɔw tɩ lɩɛb'a: ʋ tɩ lɩɛb'a tu a saa-pɛrɩ́-dʋrʋ-lowr, cen tɩ ta a Kɩrɩyatɩ-Baal bɛ mɩ̀ na bʋɔlɛ kɛ́ Kɩrɩyatɩ-Yeyarim na ɩ Zuda dɔwlʋ sób a. A Ziir á ŋá n'a a mʋ̃tɔ̃w-kpɛb-lowr tʋr-bɔw tɩ tu tɔl.

Zozue 9:17

Lɛ n'a a Ɩsɩrayɛl nɩbɛ tɩ ìr lo a sɔ́r, ɛ́ bibie ata pùorí a, bɛ tɩ ta n a ten al pʋɔ a nɩbɛ bɛ ŋa na kpɩɛr a: Gabaɔ̃, Kefɩɩra, Beerɔtɩ nɩ Kɩrɩyatɩ-Yeyarim.

1 Samɩɛl 6:21

Bɛ tɩ tõ n nɩbɛ kɛ́ bɛ tɩ yel a Kɩrɩyatɩ-Yeyarim tẽw dem: «A Filisɩtɛ̃ mɩnɛ lɛb'a tɩr a Sore wõ-taa daga. Nyɩ wa de ʋ cen nɩ a nyɩ zie.»

1 Samɩɛl 7:2

A Sore wõ-taa daga bɛ na tɩ bin a Kɩrɩyatɩ-Yeyarim a, a tɩ kɔwr'a, tarɛ yome lɩzɛr, ɛ́ a Ɩsɩrayɛl nɩbɛ za wa ìr bɔbr tuotuo kɛ́ bɛ lɛb taw pɩɛlɩ a Sore.