1 Samɩɛl 6:3 - A SƐB-SÕW

³ Bɛ tɩ sɔw na: «Nyɩmɛ wa bɛrɛ a Ɩsɩrayɛl Naaŋmɩn wõ-taa daga a, nyɩɩm ta bɛr ʋ ʋ lɛb kul zawla ɩ. Nyɩ nɩ̃ɛ ƴãw fãw kʋ̀ ʋ sãwna ír-bɛrʋ bom. Lɛ n'a nyɩ na sanɩ, ɛ́ bãw bʋ̃ʋ n'ʋ so a Naaŋmɩn ŋa tɩ wule nyɩ a ʋ kpɛnʋ bɛ tɛr bɛ́rʋ.»

1 Samɩɛl 6:3 ပူးပေါင်းရင်းမြစ်များ

A Zɔb sɛbɛ 10:2

Ɩ̃ na yel'ɩ a Naaŋmɩn: ta ɩrɛ mɛ̃ mɛ̃ sãwna sob a ɩ, wul mɛ̃ a bom nɛ ɩ̃ na ɩ sãw fʋ a.

Eziptɩ tẽw yib 23:15

A dãw-niwn sob na ɩ n a dipɛ̃ na bɛ ƴãw dãbɩl a cuw: a Abɩb cuw pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a bibie ayopõi ƴãw, mɛ̃ a lɛ ɩ̃ na yel kʋ̀ nyɩ a. Bʋ̃ʋ n'ʋ vɛ̃, a cuw ʋl pʋɔ n'a nyɩ yi a Eziptɩ. Nyɩ bɛ waar wa nyɛrɛ mɛ̃ nɩ nũ-zawlɛ ɩ.

Eziptɩ tẽw yib 34:20

Ɛcɛ a bõw-nyãw bil-daa dãw-niwn sob a, nyɩ na tɛw nɩ ʋ nɩ pele bɩɩ bʋle, bɩɩ nyɩ na ŋmɛ ʋ nɩ a kpalimí kʋ. A nyɩ nɩbɛ dɛbli-dãw-dɔwrɩ bɛl a, nyɩ na mɩ́ ya na de bɛ. Nyɩ bɛ waar a ɩ̃ zi-sõw pʋɔ nɩ nũ-zawlɛ ɩ.

Eziptɩ tẽw yib 8:15

Lɛ n'a a tɩtɩlbɛ tɩ yel a Faarawɔ̃: «Naaŋmɩn fãw ton n'ɩ a yel ŋa!» Ɛcɛ, mɛ̃ a lɛ a Sore na tɩ yel a, a Faarawɔ̃ tɩ kpãa nɩ tobr bɛ bɛr wõ a Moyiir nɩ a Aarɔ̃ ɛ.

Levitɩ mɩnɛ 5:6

Al pùorí, a sãwna suur páwfʋ ƴãw a, ʋ na wa n nɩ pɛr-nyãw bɩɩ bʋ-nyãw wa maal'ɩ bàwr kʋ̀ a Sore a yel-bier-ír-bɛrʋ ƴãw. Lɛ n'a a bàwr-maalɛ pãa na tu a yel-bebe suur-dɩ-kʋ̀b tub a ʋ ƴãw.»

Levitɩ mɩnɛ 6:6

Vũu na bɛ kpiire a na dɩrɛ nɩ a bàwr-maal-kuur zu bɛ tɛr kpiiru daar ɛ.»

Wulu-ayi-sob 16:16

Yũon za a, a nyɩ nɩ-bʋʋrɛ dɛbr za na mɩ́ cen nɩ a Sore nyɩ Naaŋmɩn niŋé, a zie ʋl ʋ na na kaa ír a: a Dipɛ̃-na-bɛ-ƴãw-dãbɩl-a cuw daar, a Dàrʋ cuw daar, nɩ a Sɛwr cuw daar. Bɛ bɛ cere a be nũ-zawl ɛ.

1 Samɩɛl 5:11

Bɛ mɩ̀ tɩ bʋɔl'ɩ a Filisɩtɛ̃ mɩnɛ na-mɩnɛ za wa yel bɛ: «Nyɩ lɛb tɩr a Ɩsɩrayɛl Naaŋmɩn wõ-taa daga bɛr ʋ cen a ʋ tẽw, alɛ bɛ ɩ lɛ, tɩ za na kpi na.» Dɛ̃bɩ̃-kpɛ̃ɛ tɩ sɩrɩ na nyɔw a tẽw nɩbɛ za, bʋ̃ʋ n'ʋ vɛ̃, a Sore mɩ̀ tɩ wul'ɩ a ʋ kpɛnʋ yaga za a be.

1 Samɩɛl 5:7

A Asɩdɔdɩ tẽw dem na tɩ nyɛ̃ a lɛ a na ŋmɛ̃ bɛ a, bɛ yel'a: «A Ɩsɩrayɛl Naaŋmɩn wõ-taa daga ta cãà be a tɩ zie ɩ, bʋ̃ʋ n'ʋ vɛ̃, ʋ wule tɩ nɩ a ʋ kpɛnʋ, ɩrɛ nɩ a kpɩɛr tɩ yaga za, a tɩɩm nɩ a tɩ ŋmɩn Dagon.»

1 Samɩɛl 5:9

Ɛcɛ ʋ na dɛ wa tarɛ a be a, a Sore wul'ɩ a ʋ kpɛnʋ a tẽw dem. Dɛ̃bɩ̃-kpɛ̃ɛ tɩ gã na. Mãsuur tɩ nyɔw nɩ a tẽw dem za, a bibiir nɩ a nɩ-bɛrɛ.

1 Samɩɛl 6:8

Nyɩ na de nɩ a Sore wõ-taa daga dɔwlɩ a torko zu. Ɛ́ a salm-zɩɛ bome nyɩ na kʋ̀rɛ a Naaŋmɩn a sãwna san-yaafʋ ƴãw a, nyɩ na ƴãw a nɩ dawle pʋɔ bin kɔwlɩ a wõ-taa daga, ɛ́ bɛr a torko ʋ cere,

1 Samɩɛl 6:9

ɛ́ nyɩ jɩ́rɛ: a na-nyamɛ wa lo a Ɩsɩrayɛl tẽw sɔ́r, tu a Bɛtɩ-Semɛsɩ lowr a, a na wul'a k'aa Ɩsɩrayɛl Naaŋmɩn sɩrɩ n'ʋ tɩ ƴãw tɩ a dɔwrʋ á ŋá za. Ɛcɛ alɛ bɛ wa tu a sɔ́r ʋl a, tɩ na bãw na kɛ́ ʋlɛ bɛ n'ʋ ƴãw tɩ a kpɩɛrʋ á ŋá ɩ, tab'a a mɩ̀ ta tɩ.»