1 Samɩɛl 5:4 - A SƐB-SÕW

⁴ A bio daarɩ́ biɓaar-pipi, bɛ tɩ lɛb'a ìr nyɛ̃ a Dagon ʋ lɛb lo gã a tẽw, a Sore wõ-taa daga niŋé. A Dagon ƴã-gan yõ n'ʋ tɩ be be, a zu nɩ a nuru tɩ ŋma na gã a ʋ yir dɩ̃dɔr zu.

1 Samɩɛl 5:4 ပူးပေါင်းရင်းမြစ်များ

Ɩzayi 27:9

Nyɛ̃ a lɛ a Zakɔb sãwna na na baarɩ a, nyɛ̃ a ʋlɩ bom nɛ a ʋ yel-bier suur páwfʋ na na wa n a: bɛ na ƴɛ́r'ɩ a bàwr-maal-kube kʋsɛbɛ za a ɩ mɛ̃ tã-zɔ̃ a. A dà-barɩ nɩ a parfɛ̃ bʋ̃-nyɩwrɩ kʋ̃ cãà bà àr ɛ.

Ɩzayi 40:20

Ʋlɩ sob na ɩ nã́w sob zuo a de-kʋ̀b bom ŋa tɔ tɩrʋ ƴãw a, kaa na ír dàa na bɛ pʋ̃ɔnɛ a. Al pùorí ʋ bɔ nuru tõ-tone na bãw vla na tʋ̃ɔ́ maalɩ tɩɩb ʋ kpɛmɛ àr a.

Zeremi 10:11

Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

Zeremi 10:14

Lɛ n'a a nɩbɛ za dɛ mɩ́ àr lɛ, bol, bɛ bãw bom pɛr ɛ. Vĩ ɩrɛ nɩ a kur-nyɩlbɛ za, a bɛ ŋmɩn-bɛlmɛ ƴãw. A dasuli á ŋá ɩ n bɛlʋ: vʋʋrʋ bɛ be a pʋɔ ɩ.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 50:2

«Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Mise 1:7

Bɛ na ŋmɛr'ɩ a ʋ ŋmɩmɛ dasuli za bɛr, ɛ́ a bʋ̃-kʋ̀rɩ́ ʋ na páw a, bɛ na lɔb a na ƴãw vũu-zɛlɛ pʋɔ. Ɩ̃ na ƴãw na bɛ ŋmɛr a ʋ tɩbɛ cʋmcʋm, bʋ̃ʋ n'ʋ vɛ̃, ʋ dà n a bome á ŋá za nɩ a ʋ pɔw-yɛm ɩ-ɩrɩ sã-ya libie. A mɩ̀ na lɩɛb'ɩ pɔw-yɛm ɩ-ɩrɩ a mɩnɛ sã-ya libie.»

1 Samɩɛl 6:5

A na ɩ à ŋá a, nyɩ maalɩ bome na ŋmɛ̃ mɛ̃ a nyɩ mãsuwe a, nɩ a 'wɔn na sãw a nyɩ tẽw bɛr a, ɛ́ nyɩ na zɛw nɩ a Ɩsɩrayɛl Naaŋmɩn yúor-vɩɛlʋ-danʋ. A mɩnɛ kãw, ʋ na bɛr'a bɛ cãà wule a ʋ kpɛnʋ a nyɩ zu, a nyɩ ŋmɩmɛ zu nɩ a nyɩ tẽw zu ɛ.