1 Samɩɛl 4:4 - A SƐB-SÕW

⁴ Lɛ n'a bɛ tɩ tõ nɩbɛ a Silo bɛ tɩ de a Sore, a Kpɛnʋ-za-sob na zɩ̃ a seribɛ̃ mɩnɛ zu-sɔw a, wõ-taa daga wa n. A Eli bidɛbr ayi, a Hɔfɩnɩ nɩ a Pɩnasɩ, tɩ bɩɛl'ɩ a wõ-taa daga.

1 Samɩɛl 4:4 ပူးပေါင်းရင်းမြစ်များ

2 Samɩɛl 15:24

A bàwr-maalɛ Sadɔkɩ mɩ̀ tɩ be n be, ʋlɛ nɩ a levitɩ mɩnɛ na tuo a Naaŋmɩn wõ-taa daga a. Bɛ tɩ tow nɩ a wõ-taa daga bin, ɛ́ a bàwr-maalɛ Abɩataar maalɛ bagɛ, ɛ́ gù a nɩbɛ za na tɩ yire a tẽw pʋɔ a, tɩ tɔl bɛ za.

2 Samɩɛl 6:2

A zɛbr-nɩbɛ bɛ ŋa nɛbɛ a Daviir tɩ ìr lo n a Baala na be Zuda tẽw a sɔ́r, k'ʋʋ tɩ ɓáw a Naaŋmɩn wõ-taa daga do wa n, a daga ŋa zu yúor na bʋɔlɩ ƴãw a, a Sore, a Kpɛnʋ-za-sob na zɩ̃ a seribɛ̃ mɩnɛ zu-sɔw a, yúor.

2 Na-mɩnɛ 19:15

ɛ́ puori à ŋá: «Sore e, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Sɛb-sõw yielu 80:1

Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Asafʋ na maalɩ a. Fomie bʋ̃-ŋmɩɛrɩ n'a bɛ mɩ́ ŋmɩɛr ƴãwn.

Sɛb-sõw yielu 80:2

Ɩsɩrayɛl cɩ̃ɩnɛ ɛ, bɛrɛ wone. Fʋ̃ʋ na kparɛ a fʋ nɩ-bʋʋrɛ cere nɩ mɛ̃ dʋn a, fʋ̃ʋ a naalʋ-dà-kɔw na be a seribɛ̃ mɩnɛ zu-sɔw a, sãá nyɩwrɛ.

Sɛb-sõw yielu 99:1

A Sore ɩ n nãà, a nɩ-bʋʋrɛ màwr'a. A ʋ naalʋ-dà-kɔw bin nɩ a seribɛ̃ mɩnɛ zu-sɔw, a tẽw damnɛ na.

Ɩzayi 37:16

«Sore kpɛnʋ-za-sob, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Malasɩ 1:9

Ƴɛrɛŋa a, nyɩ pãa puori mɛ̃ kɛ́ nyɛ̃, a mãa nyɩ Naaŋmɩn, nyɩ puori mɛ̃, k'ɩ̃ɩ zɔ a nyɩ nɩbaalʋ. Ɩ̃ na jɩ́r nyɩ na kaa nɩ nɔ̃wfʋ, à à ŋá nyɩ na ɩ a? Mãa n'ʋ sowre nyɩ, a mãa, a Sore Kpɛnʋ-za-sob.

Sɔr-nɛ́ɛ 4:15

A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr.

Sɔr-nɛ́ɛ 4:5

A Ɩsɩrayɛl nɩbɛ mɩ́ wa lɛb lore a sɔ́r a, a Aarɔ̃ nɩ a ʋ bidɛbr na mɩ́ wa na wa yàw a zi-sõw pɛn-yawla na bʋ́r a ziir a, pàw nɩ a daw-sõw na tɛr a wõ-taa kʋsɛ-pamɛ a.

Sɔr-nɛ́ɛ 7:89

A Moyiir na mɩ́ tɩ kpɛ a tuor-taa pɛn-sɛw pʋɔ k'ʋʋ tɩ ƴɛ̀r'ɩ a Sore a, ʋ mɩ́ tɩ wone nɩ a Sore kɔkɔr: a seribɛ̃ ayi cara pʋɔ n'a a kɔkɔr mɩ́ tɩ ƴɛ̀rɛ yire, a daga na tɛr a wõ-taa kʋsɛ-pamɛ a nɔ-pàwra zu. Ʋ mɩ́ tɩ ƴɛ̀rɛ nɩ ʋ na.

1 Samɩɛl 1:24

Ʋ na wa kpɩr ʋ a, ʋ tɩ tɛr ʋ na bɛ do a Sore yir a Silo, ʋ na saa tɩ cãà ɩ pʋrɩ a. Ʋ tɩ lãw na tɛr'ɩ yome ata nadɛr, zɔ̃ nɩ vʋɔra, nɩ divɛ̃ nɩ wɔ-gbãw.

1 Samɩɛl 14:3

Ikavɔdɩ yɛb Ahituvʋ bidɛb, Ahiya, n'ʋ tɩ ɩ a bàwr-maalɛ, su a bàwr-maal-kara nyãa-kpale. A Ikavɔdɩ tɩ ɩ n Pɩnasɩ bidɛb, ɛ́ ɩ Eli na tɩ ɩ a bàwr-maalɛ a Silo a yãw. Nɩr za bɛ tɩ bãwnɩ a Zonatã cenu ɛ.

1 Samɩɛl 2:22

A Eli tɩ kor'a tɩ kor. Ʋ tɩ wone na bɛ manɛ a lɛ a ʋ bidɛbr na tɩ ɩrɛ a Ɩsɩrayɛl nɩbɛ za zie a, ɛ́ mɩ̀ tɩ wõ kɛ́ bɛ ganɛ nɩ nɩ a pɔwbɛ na mɩ́ ɓã taa a tuor-taa pɛn-sɛw dɩ̃dɔrɩ́ a.