1 Samɩɛl 4:3 - A SƐB-SÕW

³ A Ɩsɩrayɛl nɩbɛ na tɩ cɛ a tɩ lɛb'a cen a bɛ laɩ pʋɔ. A Ɩsɩrayɛl nɩbɛ nɩ-kore tɩ yel'a: «Bʋ̃ʋ n'ʋ so a Sore bɛr a Filisɩtɛ̃ mɩnɛ zɛb tʋ̃ɔ́ tɩ a dɩ̃a? Tɩ cen a Silo tɩ de a Sore wõ-taa daga wa n ʋ wa be a tɩ sɔgɔ, ɛ́ faa tɩ a tɩ dɔ̃ dem nuru pʋɔ.»

1 Samɩɛl 4:3 ပူးပေါင်းရင်းမြစ်များ

2 Samɩɛl 15:25

Lɛ n'a a nãà tɩ yel a Sadɔkɩ: «De a Naaŋmɩn wõ-taa daga lɛb kpɛ n a tẽw pʋɔ. A Sore wa bɔbr a ɩ̃ vla a, ʋ na ɩ na ɩ̃ lɛb wa, ʋ na ɩ na ɩ̃ lɛb nyɛ̃ a wõ-taa daga nɩ a ʋ zi-sõw.

1 Bibie za yel-manɩ 17:1

A nãà Daviir na wa kpɛ a ʋ yir baar'a, ʋ yel'ɩ a naaŋmɩn-ƴɛ̀r-manɛ Natan: «Mãa n'ɩ ŋan kpɩɛr sɛɛdɩr dàar yir pʋɔ, ɛcɛ a Naaŋmɩn wõ-taa daga nɩ̃ɛ be pɛn-sɛw pʋɔ.»

Sɛb-sõw yielu 74:1

Asafʋ yielu na wule yã a. Naaŋmɩn i, bʋ̃ʋ n'ʋ so fʋ zawrɩ tɩ bɛr a baarɩ? Bʋ̃ʋ n'ʋ so fʋ cãà nyɛ̃ nɩ tɩ suur, tɩɩm na ɩ a fʋ zaw píir a?

Sɛb-sõw yielu 74:11

Bʋ̃ʋ n'ʋ so fʋ bɛ dam damnʋ za, ɛ́ cʋɔbɩ a nuru zɩ̃ nɩ?

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Ɩzayi 58:3

Ɛcɛ bɛ yere nɩ a ɩ̃ zie: «Bʋnʋ ƴãw n'a tɩ na mɩ́ tɛr a mʋta-tuo fʋ̃ʋ bɛ mɩ́ wa nyɛ̃ a a? Tɩ na mɩ́ dɩ tuo síwre tɩ tʋɔra fʋ̃ʋ bɛ mɩ́ wa bãwnɩ a a?» Lɛ n'a ɩ̃ sɔwr à ŋá: A nyɩ mʋta-tuo tɛrʋ bibir a, nyɩ mɩ́ kaarɛ nɩ a nyɩ mɩŋa yele zie, ɛ́ dɔwrɛ a nyɩ tõ-tõ-biir.

Ɩzayi 59:1

A Sore nũu bɛ ɩ ŋmãa zuo a nyɩ faafʋ ƴãw ɛ, a ʋ tobe bɛ wõw zuo a wob ƴãw ɛ.

Ɩzayi 59:2

Ɛcɛ a nyɩ sãwna n'a ƴãw bɩwra nyɩɩm nɩ a nyɩ Naaŋmɩn cara pʋɔ. A nyɩ yel-bebe n'a so ʋ lɩɛbɩ a ʋ niwn bɛr zi-yoru, k'ʋʋ ta cãà nyɛrɛ nyɩ ɛ́ wone a nyɩ ƴɛ̀rʋ ɛ.

Zeremi 3:16

«A Sore cãà na lɛb yere: a lɛn daar a, nyɩ na yãwmɛ na ɛ́ dɔw paalɩ a tẽw. Bɛ kʋ̃ lɛb ƴɛ̀rɛ a wõ-taa daga ƴɛ̀rʋ ɛ, nɩr kʋ̃ cãà tɛr a ʋ tɩɛrʋ ɛ, bɛ na yiir ʋ na bɛr, bɛ kʋ̃ bãwnɩ ʋ na bɛ ka be a ɩ, nɩr bɛ lɛb maalɛ bʋ̃-yoru ɛ.

Zeremi 7:4

Nyɩ ta sàw bɛ̀lɛ nyɩ tʋɔra nɩ a ƴɛ̀rʋ á ŋá ɩ: “A ka n'ɩ a Sore yir! A Sore yir! A Sore yir a, a ka n'a.”

Sɔr-nɛ́ɛ 10:33

A Ɩsɩrayɛl nɩbɛ tɩ yi n a Sore tãgɛ̃́ cen bibie ata. A Sore wõ-taa daga tɩ de bɛ nɩ niwn, k'ʋʋ tɩ bɔ a zie bɛ na na tʋ̃ɔ́ maalɩ a laɩ a bɛr bɛ.

Sɔr-nɛ́ɛ 10:35

A daw-sõw na mɩ́ tɩ lore a sɔ́r a, a Moyiir mɩ́ tɩ yel'a: «Ìr àr, Sore e, a fʋ dɔ̃ dem zɔ yaarɩ, bɛ zɔ bɔr a fʋ niŋé!»

Sɔr-nɛ́ɛ 31:6

A Moyiir tɩ ƴãw nɩ bɛ za cen a zɛbr zie, bɛlɛ nɩ a bàwr-maalɛ Pɩnasɩ, a Eleazaar bidɛb, na tɩ tɛr a bʋ̃-son nɩ a wɩɩr cen nɩ a zɛbr tib bãwfʋ tɩrʋ ƴãw a.

Wulu-ayi-sob 29:24

Ɛ́ a sɔwfʋ na sɔw nɩ à ŋá: «A Sore, a bɛ sãàkʋm-kore Naaŋmɩn, wõ-taa ʋ na tɩ maal'ɩ bɛ, a lɛn daar ʋ na ɩ bɛ yi a Eziptɩ a, ʋlɛ n'ʋ bɛ zawrɩ bɛr so lɛ.

Wulu-ayi-sob 31:26

«Nyɩ de a Naaŋmɩn wulu sɛbɛ ŋa, bin kɔwlɩ a Sore nyɩ Naaŋmɩn wõ-taa daga. Ʋ na be n a be, ɩ dãsɩɛ bom, wule a Ɩsɩrayɛl nɩbɛ sãwna.

2 Timote 3:5

Bɛ na sãá nɩ nɩbɛ na ƴãwnɛ Naaŋmɩn a, ɛcɛ bɛ na zawr'ɩ a Naaŋmɩn ƴãwfʋ fãw bɛr. Ŋmɛlɩ kpaar cɔw a nɩbɛ bɛ ŋa mɩ̀!

Ebre 9:4

A ʋ pʋɔ n'a a salm-zɩɛ bàwr-maal-kuur be, a ʋl zu bɛ na mɩ́ nyɩw a tɩ-suur-zɔ̃-na-nyùur-vla-vla-a. A ʋ pʋɔ mɩ̀ n'a a Wõ-taa daga bɛ na nyɩl salm-zɩɛ pàw ʋ za a mɩ̀ be, ɛ́ a daga pʋɔ a, a salm-zɩɛ duwle na ƴãw a mãan a, nɩ a Aarɔ̃ dabɔl na tɩ pu a, nɩ a kʋsɛ-pamɛ zu a Wõ-taa nɛ-ƴãwnɩ na tɩ sɛb ƴãw a, tɩ be n be.

Zozue 4:7

nyɩ na sɔw bɛ na: “A lɛn daar a Sore wõ-taa daga na tɩ tɔl a Zurdɛ̃ pʋɔ a, a Zurdɛ̃ kʋ̃ɔnɩ ŋmãa nɩ a ʋ niŋé! Sɩza, a Zurdɛ̃ kʋ̃ɔnɩ tɩ ŋmãa na. A kʋsɛbɛ á ŋá n'a ɩ a Ɩsɩrayɛl nɩbɛ mɩ́ cãà bãwnɩ a yel ŋa kʋralɛ.”»

Zozue 6:6

A Nun bidɛb Zozue tɩ bʋɔl'ɩ a bàwr-maalbɛ wa yel bɛ à ŋá: «Nyɩ tuo a Sore wõ-taa daga a nyɩ bawŋmamɛ zu, ɛ́ bàwr-maalbɛ ayopõi de ʋ niwn nɩ ɩ́lɛ́ ayopõi.»

Zozue 7:7

A Zozue tɩ yel'a: «Aa! Sore Naaŋmɩn i, bʋ̃ʋ ƴãw n'a fʋ ɩ tɩ gãw a Zurdɛ̃? Fʋ wa de tɩ kʋ̀ a Amoritɩ mɩnɛ, ɛ́ ɩ tɩ kpi ƴãw n'a bɩɩ? Tɩmɛ nɩ̃ɛ tɩ cãà be a man gãwn ŋa a, alɛ bɛ sa ɩ?

Zozue 7:8

Ɩ̃ zɛlɛ fʋ na, Sore e, ɩ̃ yel kɛ́ bʋnʋ, ƴɛrɛŋa a Ɩsɩrayɛl nɩbɛ na lɩɛb zɔ a bɛ dɔ̃ dem niŋé a?

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:5

Nyɩ na saa bãw à á ŋá za baarɩ a, ɩ̃ cãà na bɔbr k'ɩ̃ɩ lɛb sɩ̃w a nyɩ tɩɛrʋ k'aa Sore na tɩ faa a ʋ nɩ-bʋʋrɛ Ɩsɩrayɛl a Eziptɩ tẽw pʋɔ baar'a, ʋ ɩ n a bɛlɩ dem na bɛ tɩ sàw de ʋ a bɛ kpi.

1 Samɩɛl 1:24

Ʋ na wa kpɩr ʋ a, ʋ tɩ tɛr ʋ na bɛ do a Sore yir a Silo, ʋ na saa tɩ cãà ɩ pʋrɩ a. Ʋ tɩ lãw na tɛr'ɩ yome ata nadɛr, zɔ̃ nɩ vʋɔra, nɩ divɛ̃ nɩ wɔ-gbãw.

1 Samɩɛl 14:18

A Sawul tɩ yel'ɩ a bàwr-maalɛ Ahiya: «Ƴãw bɛ taw pɩɛl'ɩ a Naaŋmɩn wõ-taa daga a ka.» — A ʋlɩ bibir nɛ a, a Naaŋmɩn wõ-taa daga tɩ be n a Ɩsɩrayɛl nɩbɛ zie. —

1 Samɩɛl 4:2

A Filisɩtɛ̃ mɩnɛ tɩ pɩɛr'ɩ a zɛbr ƴãw a Ɩsɩrayɛl nɩbɛ niŋé. A zɛbr tɩ tʋl'ɩ kpãkpã, ɛ́ a Filisɩtɛ̃ mɩnɛ zɛb tʋ̃ɔ́ a Ɩsɩrayɛl nɩbɛ: bɛ tɩ kʋ n a Ɩsɩrayɛl nɩbɛ ta túr anaar (4 000) a zɛbr nɛ pʋɔ.