1 Samɩɛl 4:2 - A SƐB-SÕW

² A Filisɩtɛ̃ mɩnɛ tɩ pɩɛr'ɩ a zɛbr ƴãw a Ɩsɩrayɛl nɩbɛ niŋé. A zɛbr tɩ tʋl'ɩ kpãkpã, ɛ́ a Filisɩtɛ̃ mɩnɛ zɛb tʋ̃ɔ́ a Ɩsɩrayɛl nɩbɛ: bɛ tɩ kʋ n a Ɩsɩrayɛl nɩbɛ ta túr anaar (4 000) a zɛbr nɛ pʋɔ.

1 Samɩɛl 4:2 ပူးပေါင်းရင်းမြစ်များ

A Lãw-mʋɔlɛ 3:40

Tɩ maal jieli a tɩ ɩb kaa vla, ɛ́ lɛb wa a Sore zie.

Levitɩ mɩnɛ 26:37

Bɛ na lore na dine taa mɛ̃ a lɛn daar fʋ na mɩ́ zɔrɛ dɔ̃ sob niŋé a, ɛ́ nɩr kʋ̃ diwr bɛ mɩ̀ ɛ. Bɛ kʋ̃ tʋ̃ɔ́ mɩ́ bà gbɛ́r a bɛ dɔ̃ dem niŋé ɩ.

Sɔr-nɛ́ɛ 14:45

A Amalesitɩ mɩnɛ nɩ a Kanãa tẽw dem na tɩ kpɩɛr a tan al pʋɔ a tɩ yi n a be siw. Bɛ tɩ zɛb'a tʋ̃ɔ́ a Ɩsɩrayɛl nɩbɛ, ɛ́ diw bɛ tɩ sãá nɩ Hɔrma.

Zozue 7:12

A na ɩ à ŋá a, a Ɩsɩrayɛl nɩbɛ kʋ̃ lɛb tʋ̃ɔ́ bà gbɛ́r a bɛ dɔ̃ dem niŋé ɩ, bɛ na mɩ́ lɩɛb'a zɔ, bʋ̃ʋ n'ʋ vɛ̃, bɛ ɩ n nɩbɛ bɛ na na kʋ pàw pɛr a. Nyɩmɛ bɛ wa sãw a bome ɩ̃ na yel kɛ́ nyɩ taa dier a bɛr a nyɩ sɔgɔ a, ɩ̃ kʋ̃ cãà be a nyɩ zie ɩ.

1 Samɩɛl 17:21

A Ɩsɩrayɛl nɩbɛ nɩ a Filisɩtɛ̃ mɩnɛ tɩ pɩɛr'ɩ a zɛbr ƴãw tori taa.

1 Samɩɛl 17:8

A Golɩatɩ tɩ tɛw na àr, ɛ́ cɩɩrɩ yel a Ɩsɩrayɛl zɛbr-nɩbɛ: «Bʋ̃ʋ ƴãw n'a nyɩ dɩ tuo pɩɛrɩ a zɛbr ƴãw? Mɛ̃ ɩ̃ taa ɩ Filisɩtɛ̃, ɛ́ a nyɩɩm ɩ Sawul nɩbɛ? Nyɩ ír nɩr a nyɩ pʋɔ, ʋ wa zɛb'ɩ mɛ̃.

1 Samɩɛl 4:1

Ɛ́ a Samɩɛl mɩ́ tɩ manɩ a ƴɛ̀rʋ ŋa kʋ̀ a Ɩsɩrayɛl nɩbɛ za. Bibir kãw, a Ɩsɩrayɛl nɩbɛ tɩ ìr'a kɛ́ bɛ zɛb'ɩ a Filisɩtɛ̃ mɩnɛ. Evɛn-Ezɛɛr'a a bɛ laɩ tɩ be, ɛ́ a Filisɩtɛ̃ mɩnɛ dem be Afɛkɩ.

1 Samɩɛl 4:10

Lɛ n'a a Filisɩtɛ̃ mɩnɛ tɩ tĩ a zɛbr. Bɛ tɩ zɛb'a tʋ̃ɔ́ a Ɩsɩrayɛl nɩbɛ, ɛ̀ ŋa za mɩ́ zɔ tɩ kul. A zɛb-tʋ̃ɔ́fʋ a Filisɩtɛ̃ mɩnɛ na tɩ zɛb tʋ̃ɔ́ a Ɩsɩrayɛl nɩbɛ a tɩ wõ n a Ɩsɩrayɛl nɩbɛ yaga: soja-gbɛ́ɛ dem tùr-lɩzɛr'ɩ pie (30 000) n'a tɩ kpi,

1 Samɩɛl 4:3

A Ɩsɩrayɛl nɩbɛ na tɩ cɛ a tɩ lɛb'a cen a bɛ laɩ pʋɔ. A Ɩsɩrayɛl nɩbɛ nɩ-kore tɩ yel'a: «Bʋ̃ʋ n'ʋ so a Sore bɛr a Filisɩtɛ̃ mɩnɛ zɛb tʋ̃ɔ́ tɩ a dɩ̃a? Tɩ cen a Silo tɩ de a Sore wõ-taa daga wa n ʋ wa be a tɩ sɔgɔ, ɛ́ faa tɩ a tɩ dɔ̃ dem nuru pʋɔ.»