1 Samɩɛl 22:3 - A SƐB-SÕW

³ A Daviir tɩ yi n a Adulam, ɛ́ cen Mowab tẽw Misɩpe. Ʋ tɩ yel'ɩ a Mowab tẽw nãà: «Sàw a ɩ̃ sãà nɩ a ɩ̃ mã wa kpɩɛr a fʋ zie, ɛ́ gù ɩ̃ tɩ bãw bom nɛ a Naaŋmɩn na bɔbr k'ʋʋ ɩ m a.»

1 Samɩɛl 22:3 ပူးပေါင်းရင်းမြစ်များ

Yele-za-pɛr-tib 47:11

A Zuzɛb tɩ ƴãw nɩ a ʋ sãà nɩ a ʋ yɛbr a Eziptɩ tẽw zi-vla zie, Aramɩsɛsɩ vuo pʋɔ, mɛ̃ a lɛ a Faarawɔ̃ na tɩ ƴãw a nʋɔr kʋ̀ ʋ a. Ʋ tɩ kʋ̀ bɛ nɩ tẽsɔwr bɛ so a.

2 Samɩɛl 8:2

Ʋ mɩ̀ tɩ zɛb'a tʋ̃ɔ́ a Mowab tẽw dem. Ʋ tɩ fɛr bɛ na ƴãw bɛ gã pɩɛrɩ tẽw, ʋʋ bʋ́r bʋ́r bɛ nɩ miw-máná. Ʋ tɩ kʋ n ziir ayi nɩbɛ, ɛ́ bɛr a ziir ata sob dem. Lɛ n'a a Mowab tẽw dem tɩ lɩɛbɩ a Daviir tõ-tõ-biir, a fɛr kɛ́ bɛ mɩ́ ya zu-yar.

Eziptɩ tẽw yib 20:12

«Ƴãwnɛ a fʋ sãà nɩ a fʋ mã, tʋ̃ɔ́ kpɛ a tẽw a mãa, a Sore fʋ Naaŋmɩn na kʋ̀rɛ fʋ a, cɛlɩ.»

1 Timote 5:4

Pɔw-kʋɔr wa tɛr bibiir bɩɩ yan a, bɛlɛ nɛbɛ a fɛrɛ kɛ́ bɛ de niwn tɛr a Naaŋmɩn bɛ na ƴãwnɛ a ɩ-ɩrɩ, a bɛ mɩŋa yir ƴãw, ɛ́ maalɩ a bɛ dɔwrbɛ yáa a san. À ŋá n'a sɩrɩ vɩɛl a Naaŋmɩn zie.

Ƴɛ̀r-dɩrbɛ 11:29

A Sore Vʋʋrʋ tɩ siw nɩ a Zɛfɩte. Ʋ tɩ tu na tɔl a Galaadɩ tẽw vuo pʋɔ, nɩ a Manase tẽw pʋɔ. Al pùorí, ʋ cen a Galaadɩ tẽw Misɩpe, ɛ́ tɩ yi a be kpɛ a Amɔ̃ tẽw.

Urutɩ 4:10

Ɩ̃ mɩ̀ dier'ɩ a Mowab tẽw Urutɩ a Maalon pɔw-kʋɔr, k'ʋʋ ɩ a ɩ̃ pɔw, a kũu yúor cãà pore a ʋ bʋ̃-sori zu, a ʋ yúor taa kpiire a ʋ yɛbr sɔgɔ nɩ a ʋ tẽw yele maalʋ zie ɩ. Nyɩ ɩ n a yele á ŋá dãsɩɛ dem a dɩ̃a.»

Urutɩ 4:17

A sɩman pʋɔ pɔwbɛ tɩ yel'a: «Nowemi tɛr'ɩ bidɛb!» Ɛ́ tɩ bʋɔlɩ a bie yúor kɛ́ Ovɛdɩ. A Ovɛdɩ n'ɩ a Zese sãà ɛ́ a Zese ɩ a Daviir sãà.

1 Samɩɛl 14:47

A Sawul na tɩ dɩ a naalʋ a Ɩsɩrayɛl zu baarɩ a, ʋ tɩ zɛb'ɩ nɩ a ʋ dɔ̃ dem na tɩ jil koli ʋ a: a Mowab tẽw dem, a Amɔ̃ tẽw dem, a Edɔm tẽw dem, a Sova naalʋ-ten nɩ a Filisɩtɛ̃ mɩnɛ, ɛ́ zie za ʋ na mɩ́ tɩ lɩɛbɩ a, ʋ mɩ́ tɩ zɛb'a tʋ̃ɔ́.

1 Samɩɛl 22:2

Lɛ n'a a nɩbɛ bɛl za a na tɩ fɛrɛ a, tɩ ɓã taa a ʋ zie, bɛl za na tɩ tɛr samɛ a, bɛl za nʋ̃ɔ̀ na bɛ tɩ kpɩɛr a, bɛ tɩ faar'a na ta nɩbɛ kɔbr anaar (400). Bɛ tɩ ɓã n taa a ʋ zie, ɛ́ ʋ ɩ a bɛ nɩ-kpɛ̃ɛ.

1 Samɩɛl 22:4

Ʋ tɩ tɛr bɛ na cen nɩ a Mowab tẽw nãà zie, bɛ tɩ kpɩɛr a ʋ zie, a lɛn daar za a Daviir na tɩ be a ʋ sɔwlʋ zie a.

1 Samɩɛl 3:18

Lɛ n'a a Samɩɛl tɩ manɩ a ƴɛ̀rʋ za kʋ̀ ʋ, bɛ sɔwl'ʋ bom ɛ. A Eli tɩ yel'a: «Ʋlɛ n'ɩ a Sore! Ʋ ɩ lɛ ʋ na bɔbr a!»