1 Samɩɛl 2:2 - A SƐB-SÕW

² A Sore bɛ tɛr ʋ tɔ ɩ, a tɩ Naaŋmɩn yõ n'ʋ ɩ Pìir. Naaŋmɩn bɛ be, a bɛ ɩ a ʋl yõ ɩ.

1 Samɩɛl 2:2 ပူးပေါင်းရင်းမြစ်များ

2 Samɩɛl 22:3

A ɩ̃ Naaŋmɩn ɩ n pìir, ɩ̃ na mɩ́ taw lanɩ a yel-faa daar a, Zɛbr-kur-pãgala na mɩ́ piw mɛ̃ a, zɛbr-yir-kpɛ̃w pʋɔ ɩ̃ na mɩ́ nyɛ̃ faafʋ a. Ʋl zie n'a ɩ̃ mɩ́ sɔwlɩ, a po-to-fãw dem bɛ tʋ̃ɔ́ páw mɛ̃ ɩ.

2 Samɩɛl 22:32

Ãa n'ʋ ɩ Naaŋmɩn, ʋ bɛ ɩ a Sore? Ãa n'ʋ ɩ pìir a tɩ ƴãw, ʋ bɛ ɩ a tɩ Naaŋmɩn?

2 Samɩɛl 7:22

Fʋ sɩrɩ na ɩ kpɛ̃ɛ, Sore Naaŋmɩn i! Fʋ bɛ tɛr fʋ tɔ ɩ, ɛ́ Naaŋmɩn bɛ be be a bɛ ɩ a fʋ̃ʋ ɛ, mɛ̃ a lɛ tɩ na wõ bɛ yere a kʋralɛ a.

1 Na-mɩnɛ 8:23

ɛ́ puori à ŋá: «Sore e, Ɩsɩrayɛl Naaŋmɩn i, Naaŋmɩn bɛ be be mɛ̃ a fʋ̃ʋ, a saa-zu a salom zu ɛ, nɩ a pile a tẽw zu ɛ. Fʋ mɩ́ maal'a tɛr a fʋ wõ-taa nɩ nɔ̃wfʋ a fʋ tõ-tõ-biir zie, a lɛn daar bɛ na mɩ́ sàwr a fʋ nʋɔr nɩ bɛ pʋɔ za a.

Sɛb-sõw yielu 111:9

A Sore tõ na bɛ tɩ faa a ʋ nɩ-bʋʋrɛ, ʋ maal'ɩ bɛ nɩ wõ-taa na be kʋralɛ a. A Sore ɩ n sõw ɛ́ bɛ tɛr dɩ̃ɛnʋ ɛ.

Sɛb-sõw yielu 18:2

Ʋ tɩ yel a: Sore e, ɩ̃ nɔnɛ fʋ na, fʋ̃ʋ n'ɩ a ɩ̃ fãw.

Sɛb-sõw yielu 18:31

A Naaŋmɩn sɔ́r vɩɛl'ɩ ʋ za, a ʋ ƴɛ̀rʋ bɛ tɛr bʋnʋ ɛ. Bɛlɩ dem za na mɩ́ zɔ kpɛ a Sore naayir a, ʋ ɩ na mɛ̃ zɛbr-kur-pãgala na mɩ́ piw bɛ a.

Sɛb-sõw yielu 71:19

Naaŋmɩn i, a fʋ mɩnʋ do n saa, ɛ́ fʋ maalɩ yel-bɛrɛ bɛrɛ! Naaŋmɩn i, ãa n'ʋ ŋmɛ̃ mɛ̃ a fʋ̃ʋ a?

Sɛb-sõw yielu 71:3

Ɩ a pì-kpɛ̃w ɩ̃ na mɩ́ taw lanɩ a, zɛbr-yir-kpɛ̃w pʋɔ ɩ̃ na mɩ́ nyɛ̃ a faafʋ a. Fʋ̃ʋ sɩrɩ n'ɩ a ɩ̃ pìir, a ɩ̃ zɛbr-yir-kpɛ̃w.

Sɛb-sõw yielu 73:25

A tẽw zu ka a, fʋ̃ʋ yõ n'ʋ ɩ̃ bɔbr, ɛ́ ãa n'ʋ ɩ̃ na lɛb tɛr a tẽ-vla pʋɔ ƴãw pʋɔ a fʋ ƴãw?

Sɛb-sõw yielu 86:8

A naaŋmɩmɛ pʋɔ a, kãw za bɛ be be ŋmɛ̃ mɛ̃ a fʋ̃ʋ a ɩ, Sore e, ton mɩ̀ bɛ be be ŋmɛ̃ taa nɩ a fʋ tome ɩ.

Sɛb-sõw yielu 89:6

Sore e, a salom zu malkɩ mɩnɛ, bɛ danɛ fʋ, a fʋ nɔ-ɓãa-yele fʋ na maalɛ a ƴãw, a bɛ lãw, ʋ danɛ a fʋ na ŋmɛ̃ fʋ ŋmɛ̃a a.

Sɛb-sõw yielu 89:8

A malkɩ mɩnɛ lãw pʋɔ a, a Naaŋmɩn bɛ tɛr dɩ̃ɛnʋ ɛ, ʋ bɛ tɛr dɩ̃ɛnʋ a bɛlɩ dem za na jil koli ʋ a zie ɩ.

Sɛb-sõw yielu 99:3

A nɩbɛ, bɛ íre a fʋ yúor: — fʋ̃ʋ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a. Fʋ ɩ n sõw.

Sɛb-sõw yielu 99:5

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw a ʋ naalʋ-dà-kɔw pɛr. — A Sore ɩ n sõw.

Sɛb-sõw yielu 99:9

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw tori a ʋ tãw-sõw, bʋ̃ʋ n'ʋ vɛ̃, A Sore tɩ Naaŋmɩn ɩ n sõw.

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Ɩzayi 40:18

Ãa n'ʋ nyɩ na de a Naaŋmɩn man nɩ? Bʋ̃ʋ n'ʋ nyɩ na de ʋ ŋmɛ̃ taa nɩ ʋ?

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 44:8

Nyɩɩm, ɩ̃ nɩ-bʋʋrɛ ɛ, nyɩ ta zɔrɛ dɛ̃bɩ̃ɛ màwr ɛ. Ɩ̃ bɛ yel a yel ŋa kʋ̀ nyɩ koro za ɛ́ ɩ nyɩ bãw ʋ ɛ? Nyɩmɛ bɛ n'ɩ a ɩ̃ dãsɩɛ dem ɛ? Mãa bɛ wa n'ʋ a, Naaŋmɩn lɛb'a be be e? Ʋ̃ʋ'hʋ̃, Pìir kãw bɛ lɛb ka be ɩ, ɩ̃ bɛ bãw a kãw za ɩ.»

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 6:3

Bɛ tɩ cɩɩrɛ na yere kʋ̀rɛ taa: «Sõw, sõw, sõw, a Sore, a kpɛnʋ-za-sob! A ʋ yúor-vɩɛlʋ-danʋ paal'ɩ a tẽw za!»

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Levitɩ mɩnɛ 11:44

A mãa a, ɩ̃ ɩ n a Sore nyɩ Naaŋmɩn: nyɩ ɩrɛ mɛ̃ nɩ-son a, ɩ̃ na ɩ sõw a ƴãw. A na ɩ à ŋá a, nyɩ ta tʋɔr a dʋ̃-cãcãpili á ŋá na damnɛ a tẽsɔw zu a, dɛwr nyɩ tʋɔra ɩ.

Levitɩ mɩnɛ 11:45

Mãa n'ɩ a Sore na ɩ kɛ̀ nyɩ yi a Eziptɩ tẽw pʋɔ, k'ɩ̃ɩ tʋ̃ɔ́ ɩ a nyɩ Naaŋmɩn a. Nyɩ ɩ son, ɩ̃ na ɩ sõw a ƴãw.»

Levitɩ mɩnɛ 19:2

k'ʋʋ tɛr a wulu á ŋá a Ɩsɩrayɛl nɩbɛ lãw za zie: «Nyɩ ɩ nɩ-son, a mãa Sore nyɩ Naaŋmɩn na ɩ sõw a ƴãw!»

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

Ʋrɔm 4:8

Zu-nʋ̃ɔ̀ sob'ɩ a nɩr ʋl a Sore na bɛ de a ʋ yel-bier bin gùre nɩ ʋ a.»

Wulu-ayi-sob 3:24

«Sore Naaŋmɩn i, fʋ tĩ na wul mɛ̃ fʋ na ɩ kpɛ̃ɛ nɩ fʋ na tɛr kpɛnʋ a. Ŋmɩn kãw za bɛ be a salom zu bɩɩ a tẽw zu na tʋ̃ɔ́ tõ tome bɩɩ maalɩ nɔ-ɓãa-yele mɛ̃ a fʋ dem a ɩ!

Wulu-ayi-sob 32:20

Lɛ n'a ʋ tɩ yel: “Nɩr bɛ sàwr dier a bɛ ƴɛ̀rʋ ɛ, nɩ-faar bʋʋrɛ sɩrɩ nɛbɛ. Ɩ̃ kʋ̃ cãà kaarɛ a bɛ zie ɩ, ɛ́ nyɛ̃ a lɛ a na na ŋmɛ̃ bɛ a.

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Wulu-ayi-sob 4:35

Nyɩɩm'a, ʋ ɩ na nyɩ nyɛ̃ a yele á ŋá, kɛ́ nyɩ tʋ̃ɔ́ bãw k'aa Sore yõ n'ʋ ɩ Naaŋmɩn, ŋmɩmɛ bɛ be be pʋɔ a ʋ ƴãw ɛ.

Wulu-ayi-sob 4:39

A na ɩ à ŋá a, nyɩ bãwnɩ a, ɛ́ tɛr a yel ŋa a nyɩ tɩɛrʋ pʋɔ: a Sore yõ n'ɩ a Naaŋmɩn, a saa-zu, a salom zu, nɩ a pile ka a tẽw zu. Ŋmɩn-yoru bɛ be be pʋɔ a ʋ ƴãw ɛ.

1 Pɩɛr 1:16

Bʋ̃ʋ n'ʋ vɛ̃, bɛ sɛb'ɩ a Sɛb-sõw pʋɔ: «Nyɩ ɩ nɩ-son, ɩ̃ na ɩ sõw a ƴãw.»