1 Samɩɛl 13:9 - A SƐB-SÕW

⁹ Lɛ n'a a Sawul tɩ yel: «Nyɩ wa n a nyɩw-a-za-bàwr bom nɩ a ƴã-ɓaarʋ bàwr bome wa kʋ̀ m.» Ɛ́ ʋ tɩ maalɩ a nyɩw-a-za-bàwr ʋ tʋɔra.

1 Samɩɛl 13:9 ပူးပေါင်းရင်းမြစ်များ

2 Samɩɛl 24:25

A be n'a a Daviir tɩ mɛ a bàwr-maal-kuur a Sore ƴãw, maalɩ nyɩw-a-za-bagɛ nɩ ƴã-ɓaarʋ bagɛ kʋ̀ a Sore. A Sore tɩ wul'ɩ a ʋ nɔ̃wfʋ, ɛ́ a bʋ̃-faa na tɩ lo a Ɩsɩrayɛl zu a baarɩ.

1 Na-mɩnɛ 3:4

Bibir kãw, a nãà tɩ cen nɩ Gabaɔ̃ k'ʋʋ tɩ maalɩ bàwr. Bʋ̃ʋ n'ʋ vɛ̃, be n'a a maalʋ-zi-kpɛ̃ɛ za tɩ be. A Salomɔ̃ tɩ kʋ n nyɩw-a-za-bàwr dʋn túr (1 000) a Gabaɔ̃ bàwr-maal-kuur zu.

Sɛb-sõw yielu 37:7

Ɩ gbili a Sore niŋé, ɛ́ tɩɛrɛ ʋ. Taa nyɛrɛ nɩ a sob nɛ yele na cere vla a suur ɛ, a nɩr na mɩ́ tɛr libelibe a ɩ.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Zʋkpaɩ 20:22

Ta yere: «Ɩ̃ na yáa nɩ a faa bɛ na maalɩ mɛ̃ a san ɛ!» Nɩ̃ɛ vɛ̃ kɛ́ ƴãw a fʋ tɩ́ɛrʋ a Sore ƴãw, ʋʋ na faa fʋ na.

Zʋkpaɩ 21:27

A nɩ-faar bàwr ɩ n bʋ̃-faa faa, bɛ na baa mɩ́ maalɩ ʋ nɩ tɩ́ɛrʋ na bɛ vɩɛl a.

Zʋkpaɩ 21:3

Fʋ na tuur a mɩnʋ nɩ a lɛ-na-tu-sɔr-a, alɛ n'a a Sore nɔnɛ zuo a bagɛ.

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

Wulu-ayi-sob 12:5

A zie ʋl ʋ na na kaa ír a nyɩ dɔwlʋ za pʋɔ, kpɩɛr a be, ɛ́ mɩ́ wul k'aa be n'a ʋ be a, be yõ n'a nyɩ na mɩ́ cen tɩ puor'ʋ.

Wulu-ayi-sob 12:6

Be n'a nyɩ na mɩ́ wa n a nyɩ nyɩw-a-za-bagɛ nɩ a nyɩ lãw-taa bagɛ, a nyɩ tɛra ziir pie sob, a nyɩ nuru bome, a de-kʋ̀b bome nyɩ na nɔnɛ wa n a, bɩɩ nyɩ na wa n nʋɔr nyɩ na kõ a íru ƴãw a, de nɩ a nyɩ nĩi, a nyɩ píir nɩ a nyɩ bʋʋr bil-dãw-dɔwrɩ.

1 Samɩɛl 14:18

A Sawul tɩ yel'ɩ a bàwr-maalɛ Ahiya: «Ƴãw bɛ taw pɩɛl'ɩ a Naaŋmɩn wõ-taa daga a ka.» — A ʋlɩ bibir nɛ a, a Naaŋmɩn wõ-taa daga tɩ be n a Ɩsɩrayɛl nɩbɛ zie. —