1 Samɩɛl 13:4 - A SƐB-SÕW

⁴ A Ɩsɩrayɛl nɩbɛ za tɩ wõ n a yel ŋa: a Sawul kʋ n a Filisɩtɛ̃ mɩnɛ nãà-lɩɛrɛ, ɩ a Filisɩtɛ̃ mɩnɛ suur ìr a Ɩsɩrayɛl ƴãw. Lɛ n'a a zɛbr-nɩbɛ za tɩ ɓã taa a Sawul zie a Gilgal.

1 Samɩɛl 13:4 ပူးပေါင်းရင်းမြစ်များ

Yele-za-pɛr-tib 34:30

A Zakɔb tɩ yel'ɩ a Sɩmɩ̃ɔ nɩ a Levi: «Yel'ʋ nyɩ bɔ kʋ̀ m ƴãw a tẽw dem hɩ̃ɛn mɛ̃, a Kanãa tẽw dem nɩ a Perizitɩ mɩnɛ. Bɛ na ɓã n taa wa a ɩ̃ ƴãw. Bɛ na tʋ̃ɔ́ mɛ̃ na ɛ́ kʋ mãa nɩ a ɩ̃ yir dem pàw pɛr, a ɩ̃ nɩbɛ na bɛ saalɩ a ƴãw.»

Yele-za-pɛr-tib 46:34

Nyɩ na sɔw ʋ na: “Dʋn n'a tɩ guole a tɩ pɔ̀lʋ daarɩ́ za wa tɔ a ƴɛrɛŋa, mɛ̃ a tɩ sãàkʋm-kore a.” Lɛ n'a bɛ na sàw nyɩ kpɩɛr a Gosɛn vuo pʋɔ. Bʋ̃ʋ n'ʋ vɛ̃, a Eziptɩ tẽw dem bɛ nɔnɛ a píir nɩ a bʋ-guolbɛ za ɩ.»

2 Samɩɛl 10:6

A Amɔ̃ tẽw dem tɩ nyɛ̃ na k'aa bɛ ɩb ŋa ɩ na a Daviir bɛ cãà nɔnɛ a bɛ yele towtow ɛ. Lɛ n'a bɛ tɩ dà sojarɩ tùr-lɩzɛr (20 000) a Siiri ten Bɛtɩ-Erehovʋ nɩ Sova pʋɔ, sojarɩ túr (1 000) a nãà Maaka sojarɩ pʋɔ, nɩ sojarɩ tùr-pie nɩ ayi (12 000) a Tɔɔvʋ tẽw pʋɔ.

Eziptɩ tẽw yib 5:21

Bɛ tɩ yel bɛ na: «A Sore, ʋ jɩ́r a lɛ nyɩ na ɩ a, ɛ́ bãw a nyɩ yele kʋ̀ nyɩ! Nyɩmɛ nɛbɛ so a Faarawɔ̃ nɩ a ʋ tõ-tõ-nɩ-bɛrɛ bɛ cãà bɔbr kɛ́ bɛ mɩ́ nyɛ̃ tɩ ɛ. Nyɩ ƴãw bɛ nɩ zɛbr-sɔ-kpɛ̃ɛ a nũú kɛ́ bɛ kʋ n tɩ!»

Zakari 11:8

Cuw-been pʋɔ a, ɩ̃ diw nɩ cɩ̃ɩnbɛ ata bɛr. Al pùorí, ɩ̃ tɩ bàl'ɩ a ɩ̃ píir ƴãw, ɛ́ a ɩ̃ píir mɩ̀ bàl a ɩ̃ ƴãw.

Zozue 5:9

Al pùorí, a Sore tɩ yel'ɩ a Zozue à ŋá: «Dɩ̃a a, ɩ̃ ír'ɩ a Eziptɩ tẽw vĩ bɛr nyɩ.» Alɛ n'a so bɛ por a zie nɛ kɛ́ Gilgal, a yúor ŋa n'ʋ ʋ cãà tɛr wa tɔ a dɩ̃a.

1 Samɩɛl 10:8

Fʋ na de nɩ niwn a ɩ̃ ƴãw siw a Gilgal. Mãa a, ɩ̃ na siw na wa páw fʋ a pùorí, nyɩw-a-za-bàwr nɩ ƴã-ɓaarʋ bàwr maalʋ ƴãw. Fʋ na gù m'ɩ bibie ayopõi. Mãa wa wa a, ɩ̃ na yel'ɩ bom nɛ a na fɛr kɛ́ fʋ ɩ a kʋ̀ b.»

1 Samɩɛl 27:12

Lɛ so a Akisɩ tɩ ƴãw a ʋ tɩɛrʋ yaga za a Daviir ƴãw, ʋ tɩ tɩɛrɛ nɩ ʋ pʋɔ à ŋá: «A Daviir ɩ n ɩb na bɛ vɩɛl towtow a, a ʋ nɩ-bʋʋrɛ Ɩsɩrayɛl zie, a na ɩ à ŋá a, ʋ na ɩ n a ɩ̃ tõ-tõ-bie kʋralɛ.»