1 Samɩɛl 13:3 - A SƐB-SÕW

³ Bibir kãw, a Zonatã tɩ kʋ n a Filisɩtɛ̃ mɩnɛ nãà-lɩɛrɛ na tɩ be a Geva a. A Filisɩtɛ̃ mɩnɛ tɩ wõ a na. Lɛ n'a a Sawul tɩ ƴãw bɛ pɛblɩ wɩ́ɛ a tẽw za pʋɔ yel à ŋá: «A Ebre mɩnɛ, bɛ wõ a yel ŋa.»

1 Samɩɛl 13:3 ပူးပေါင်းရင်းမြစ်များ

2 Samɩɛl 2:28

A Zowab tɩ ƴãw na bɛ pɛblɩ a wɩ́ɛ. Lɛ n'a a ʋ sojarɩ tɩ bɛr a Ɩsɩrayɛl nɩbɛ diwfʋ, ɛ́ a zɛbr baarɩ.

2 Samɩɛl 20:1

A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

2 Samɩɛl 23:14

A Daviir tɩ be n a ʋ sɔwlʋ zie, ɛ́ Filisɩtɛ̃ bɛ mɩnɛ tɩ be a Bɛtɩlɛm.

Ɩzayi 10:29

Ʋ gãwnɛ nɩ a fʋɔla ɛ́ yere: «Tɩ na gã nɩ Geva ìr.» Dɛ̃bɩ̃ɛ ɩrɛ nɩ a nɩbɛ bɛ màwr a Arama. A nɩbɛ nyɔw nɩ zɔba a Givea, a Sawul tẽ-kpɛ̃ɛ.

Zakari 14:10

A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.

Zozue 18:24

Kefaar-Amona, Ofini, Geva: tẽ-bɛrɛ pie nɩ ayi nɩ a tẽli-kpɔwlɩ.

Zozue 21:17

Tẽ-bɛrɛ á ŋá n'a bɛ de a Bɛ̃zamɛ dɔwlʋ ziir pʋɔ: Gabaɔ̃ nɩ a ʋ dʋn mʋ̃ɔ 'wɔbrʋ ziir, Geva nɩ a ʋ dʋn mʋ̃ɔ 'wɔbrʋ ziir,

Ƴɛ̀r-dɩrbɛ 3:27

Ʋ na tɩ tarɛ wa báarɛ a, ʋ pɛbl'ɩ wɩ̀ɛ a Efarayim tan vuo pʋɔ, bʋɔlɩ a Ɩsɩrayɛl nɩbɛ ɓã taa, ɛ́ de bɛ niwn bɛ yi a tãw zu siwr.

Ƴɛ̀r-dɩrbɛ 6:34

A Sore Vʋʋrʋ tɩ paal'ɩ a Zedeɔ̃, ʋ pɛblɩ a wɩ́ɛ bʋɔl'ɩ a Aviezɛɛr dɔwlʋ nɩbɛ bɛ tu ʋ.

1 Samɩɛl 10:5

Al pùorí, fʋ na ta n a Naaŋmɩn tãgɛ̃́, a be a Filisɩtɛ̃ mɩnɛ sojarɩ na be a. A be a, fʋ̃ʋ wa kpɩɛr a tẽw pʋɔ a, fʋ na tuor'ɩ naaŋmɩn-ƴɛ̀r-manbɛ na yi a maalʋ-zie siwr a: pɛ̀n-ŋmɩɛrbɛ de bɛ nɩ niwn lãwnɩ gãga-ŋmɩɛrbɛ, nɩ weli-pɛblbɛ nɩ korijom-ŋmɩɛrbɛ. Naaŋmɩn-ƴɛ̀r-manɛ ƴã-cɩrʋ na tɛr'ɩ bɛ za.

1 Samɩɛl 13:16

A Sawul, a ʋ bidɛb Zonatã, nɩ a zɛbr-nɩbɛ na tɩ cɛ be a bɛ zie a tɩ be n a Bɛ̃zamɛ tẽw Geva, ɛ́ a Filisɩtɛ̃ mɩnɛ be a bɛ zɛbr laɩ pʋɔ a Mikɩmasɩ.