1 Samɩɛl 13:2 - A SƐB-SÕW

² A Sawul tɩ kaa na ír sojarɩ túr-ata (3 000) a Ɩsɩrayɛl nɩbɛ pʋɔ: túr-ayi (2 000) tɩ be n a ʋ zie, a Mikɩmasɩ nɩ a Bethel tan vuo pʋɔ, ɛ́ túr (1 000) be a Zonatã zie a Bɛ̃zamɛ tẽw Givea. A Sawul tɩ bɛr'ɩ a Ɩsɩrayɛl nɩbɛ ŋmãa na cɛ a, bɛ lɛb kul a bɛ yie pʋɔ.

1 Samɩɛl 13:2 ပူးပေါင်းရင်းမြစ်များ

2 Samɩɛl 20:1

A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

2 Samɩɛl 21:6

Bɛ kʋ̀ tɩ a ʋ bʋʋrɛ nɩbɛ ayopõi, ɛ́ tɩ na yawlɩ bɛ na kʋ a Sore niŋé, a Givea, na ɩ a nãà Sawul a Sore na kaa ír a, tẽ-kpɩɛra a.» A nãà tɩ yel'a: «Ɩ̃ na nyɔw bɛ na kʋ̀ nyɩ.»

2 Samɩɛl 23:29

Netofa tẽw Baana bidɛb Helɛvʋ, Givea tẽw Irivaɩ bidɛb Ɩtaɩ, a Bɛ̃zamɛ tẽw pʋɔ,

Ɛsɩdɩrasɩ 2:27

Mikɩmasɩ tẽw nɩbɛ: lɩz'a ayʋɔb nɩ ayi (122).

Neemi 11:31

A Bɛ̃zamɛ dɔwlʋ yie nɩbɛ tɩ kpɩɛr'ɩ Geva, Mikɩmasɩ, Aya, Betɛl nɩ a tẽli-kpɔwlɩ,

Zozue 18:28

Sela, Elɛfʋ, Zebizitɩ mɩnɛ tẽw, a pɛr lɛ k'aa Zerizalɛm, Givea nɩ Kɩrɩyatɩ-Yeyarim: tẽ-bɛrɛ pie nɩ anaar nɩ a tẽli-kpɔwlɩ. À á ŋá za n'a tɩ ɩ a Bɛ̃zamɛ dɔwlʋ yie zie bɛ na so a.

Zozue 22:6

A Zozue tɩ ƴɛ̀r'ɩ nɔ-vla kʋ̀ bɛ, ɛ́ bɛr bɛ bɛ kule.

Ƴɛ̀r-dɩrbɛ 19:12

A ʋ zu-sob tɩ sɔw na: «Tɩ bɛ tɛwr àrɛ a nɩ-bʋʋr-yoru tẽw ŋa pʋɔ ɩ, Ɩsɩrayɛl nɩr kãw za bɛ ka be ɩ. Tɩ na cen na tɩ ta a Givea.

1 Samɩɛl 10:26

A Sawul mɩ̀ tɩ lɛb'a kul a ʋ yir a Givea. Pɔ́l-kpɛn kãw a Naaŋmɩn na tɩ kaa ír kʋ̀ ʋ a tɩ páw ʋ na kul.

1 Samɩɛl 10:5

Al pùorí, fʋ na ta n a Naaŋmɩn tãgɛ̃́, a be a Filisɩtɛ̃ mɩnɛ sojarɩ na be a. A be a, fʋ̃ʋ wa kpɩɛr a tẽw pʋɔ a, fʋ na tuor'ɩ naaŋmɩn-ƴɛ̀r-manbɛ na yi a maalʋ-zie siwr a: pɛ̀n-ŋmɩɛrbɛ de bɛ nɩ niwn lãwnɩ gãga-ŋmɩɛrbɛ, nɩ weli-pɛblbɛ nɩ korijom-ŋmɩɛrbɛ. Naaŋmɩn-ƴɛ̀r-manɛ ƴã-cɩrʋ na tɛr'ɩ bɛ za.

1 Samɩɛl 13:1

]

1 Samɩɛl 13:11

A Samɩɛl tɩ sowr'ʋ na: «Bʋ̃ʋ n'ɩ à à ŋá fʋ na ɩ a?» A Sawul tɩ sɔw na: «Ɩ̃ nyɛ̃ nɩ a sojarɩ bɛ zɔrɛ yaarɛ ɛ́ bɛrɛ mɛ̃, ɛ́ a fʋ̃ʋ mɩŋa mɩ̀ bɛ waar ɛ, ɛ́ a Filisɩtɛ̃ mɩnɛ ɓã taa a Mikɩmasɩ,

1 Samɩɛl 13:15

A Samɩɛl tɩ bɛr'ɩ a Gilgal ɛ́ tɔl cen ʋ cenu zie. A zɛbr-nɩbɛ ŋmãa tɩ bɩɛl'ɩ a Sawul na tɩ yi a Gilgal ɛ́ cere k'ʋʋ tɩ páw a sojarɩ ŋmãa na tɩ be a Bɛ̃zamɛ tẽw Givea a. A Sawul tɩ sɔr'ɩ a sojarɩ na tɩ cɛ be a ʋ zie a, bɛ tɩ ta n kɔbr ayʋɔb (600).

1 Samɩɛl 13:16

A Sawul, a ʋ bidɛb Zonatã, nɩ a zɛbr-nɩbɛ na tɩ cɛ be a bɛ zie a tɩ be n a Bɛ̃zamɛ tẽw Geva, ɛ́ a Filisɩtɛ̃ mɩnɛ be a bɛ zɛbr laɩ pʋɔ a Mikɩmasɩ.

1 Samɩɛl 13:23

A Filisɩtɛ̃ mɩnɛ sojarɩ bɛ mɩnɛ tɩ cen na tɩ be a Mikɩmasɩ tɔlʋ zie.

1 Samɩɛl 13:5

A Filisɩtɛ̃ mɩnɛ mɩ̀ tɩ ìr'ɩ a Ɩsɩrayɛl ƴãw: bɛ tɩ tɛr'ɩ zɛbr-torkori tùr-lɩzɛr'ɩ pie (30 000), wi-zɔmnbɛ túr-ayʋɔb (6 000), ɛ́ a bɛ sojarɩ yãwmɛ mɛ̃ a kʋ̃ɔ-kpɛ̃ɛ nʋɔr biire a. Bɛ tɩ wa na wa be a Mikɩmasɩ, a Bɛtɩ-Awɛn saa-pɛrɩ́.

1 Samɩɛl 14:31

A ʋlɩ bibir nɛ a, a Ɩsɩrayɛl nɩbɛ tɩ zɛb'a tʋ̃ɔ́ a Filisɩtɛ̃ mɩnɛ, yi n a Mikɩmasɩ tɩ sãá nɩ a Ayalon, ɛ́ pãa ɓɛl bɛ za,

1 Samɩɛl 14:5

A pìir nyɩɩm kãw tɩ àr'ɩ a saa-pɛrɩ́-gʋba-lowr tori a Mikɩmasɩ, ɛ́ a kãw àr a saa-pɛrɩ́-dʋrʋ-lowr tori a Geva.

1 Samɩɛl 14:52

A Sawul naalʋ-dɩb daar za a, ʋ tɩ zɛb'ɩ nɩ a Filisɩtɛ̃ mɩnɛ yaga za. Lɛ so, ʋ na mɩ́ tɩ nyɛrɛ dɛb na kpɛmɛ bɩɩ tɛr kanyir a, ʋ mɩ́ tɩ de ʋ na ƴãw a ʋ sojarɩ pʋɔ.

1 Samɩɛl 15:34

A Samɩɛl tɩ lɛb'a cen a Arama, ɛ́ a Sawul lɛb kul a ʋ tẽw, a Givea.

1 Samɩɛl 24:3

A Sawul tɩ kaa na ír nɩbɛ túr ata (3 000) na ɩ gãdaar a, a Ɩsɩrayɛl zɛbr-nɩbɛ za pʋɔ, cen nɩ a Daviir nɩ a ʋ nɩbɛ na tɩ be zie kãw na tori a tan pʋɔ bʋʋr pìir a bɔb.

1 Samɩɛl 26:2

Lɛ n'a a Sawul tɩ ír sojarɩ túr ata (3 000) na ɩ gãdaar a, a Ɩsɩrayɛl sojarɩ pʋɔ, cen nɩ a Zifɩ wɛja-kpalɛ pʋɔ, k'ʋʋ tɩ bɔ n a Daviir.

1 Samɩɛl 8:11

Ʋ tɩ yel bɛ na: «A nãà na na dɩrɛ naalʋ a nyɩ zu a, nyɩ nyɛ̃ a lɛ ʋ na na kaarɛ a nyɩ zie a: a nyɩ bidɛbr pʋɔ, ʋ na mɩ́ ír'ɩ bɛ mɩnɛ ƴãw bɛ ɩ sojarɩ, dãanɛ a ʋ zɛbr-torkori, ɛ́ ɩ a ʋ wi-zɔmnbɛ, ɛ́ bɛ mɩnɛ mɩ́ de ʋ niwn zɔrɛ, ɛ́ a ʋl mɩŋa torko zɔrɛ tuur.