1 Samɩɛl 11:2 - A SƐB-SÕW

² A Amɔ̃ tẽw dem nãà, Nahasɩ, tɩ yel bɛ na: «À ŋá n'a mãa nɩ a nyɩɩm wõ-taa na ŋmɛ̃: ɩ̃ na kpol'ɩ nyɩ za been been dʋrʋ mimir, k'ɩ̃ɩ ɩ vĩ kpɛ a Ɩsɩrayɛl nɩbɛ za.»

1 Samɩɛl 11:2 ပူးပေါင်းရင်းမြစ်များ

Yele-za-pɛr-tib 34:14

Bɛ tɩ yel bɛ na: «Tɩ kʋ̃ tʋ̃ɔ́ kʋ̀ a tɩ yeepuule dɛb na bɛ ŋmãa yʋ̀ɔr a, ʋ kul ɛ. A na ɩ n vĩ a tɩ zie.

2 Na-mɩnɛ 18:31

Nyɩ ta bɛrɛ wone a Ezekɩasɩ ƴɛ̀rʋ ɛ, nyɩ nɩ̃ɛ bɛrɛ wone a lɛ a Asiiri tẽw nãà na yere kʋ̀rɛ nyɩ a: Nyɩ nyɔw nɩ mɛ̃ báalʋ, nyɩ bɛr nyɩ tʋɔra kʋ̀ m. Lɛ n'a a nyɩ kãw za na mɩ́ dɩrɛ a ʋ divɛ̃ tɩɛ nɩ a ʋ kãkã-tɩɛ wɔmɛ, ɛ́ nyúur a ʋ sa-bie-kʋ̃ɔ-bɔw kʋ̃ɔ,

Sɛb-sõw yielu 44:13

Fʋ kʋɔr'ɩ a fʋ nɩbɛ lo, fʋ bɛ páw bom za a bɛ kʋɔrʋ pʋɔ ɩ.

Eziptɩ tẽw yib 3:6

Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Zʋkpaɩ 12:10

A nɩ-mɩŋa mɩ́ bãw nɩ a ʋ dʋn bʋ̃-bɔbrɩ, ɛcɛ a nɩ-faar bɛ bãw nɩbaal-zɔba kãw za ɩ.

Zeremi 39:7

Al pùorí, ʋ ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn tẽw.

Sɔr-nɛ́ɛ 16:14

Yel-mɩŋa za, fʋ bɛ tɛr tɩ cen nɩ tẽw bʋ̀rʋ nɩ sɩwr na gbɔlɛ a ɩ, fʋ bɛ kʋ̀ tɩ póru nɩ divɛ̃ tɩɩr póru tɩ so a ɩ! Fʋ de tɩ na bʋɔlɛ zɔn bɩɩ? Tɩ bɛ waar ɛ!»

Ƴɛ̀r-dɩrbɛ 16:21

A Filisɩtɛ̃ mɩnɛ tɩ nyɔw ʋ na cɔ̀r a mimie kpol. Bɛ tɩ tɛr ʋ na cen nɩ a Gaza, tɩ de kur-zɩɛ bamɛ 'lẽ nɩ ʋ, ɛ́ fɛr ʋ ƴãw ʋ viire a nɩɛr a gaso pʋɔ ƴɛ́rɛ nɩ a ble.

1 Samɩɛl 11:10

A Yavɛsɩ nɩbɛ tɩ yel'ɩ a Amɔ̃ tẽw dem: «Bio, tɩ na bɛr'ɩ tɩ tʋɔra kʋ̀ nyɩ, ɛ́ nyɩ na ɩ tɩ nɩ a lɛ nyɩ na bɔbr a.»

1 Samɩɛl 12:12

Ɛcɛ nyɩ na wa nyɛ̃ a Amɔ̃ tẽw dem nãà, Nahasɩ, ʋ waar a nyɩ ƴãw a, nyɩ yel mɛ̃ na: “Tɩ bɔbr'ɩ nãà!” Mɛ̃ a Sore bɛ tɩ n'ɩ a nyɩ nãà a.

1 Samɩɛl 17:26

A Daviir tɩ sowr'ɩ a nɩbɛ na tɩ àr pɩɛl'ʋ a: «A sob nɛ na na zɛb tʋ̃ɔ́ a Filisɩtɛ̃ dɔɔ ŋa, ɩ a Ɩsɩrayɛl vĩ baarɩ a, bʋ̃ʋ n'ʋ ʋ na páw? Ãa nɩ̃ɛ n'ɩ a Filisɩtɛ̃ yɔ-ɓil sob ŋa na sàw tʋʋr a Naaŋmɩn na vʋʋrɛ a zɛbr-nɩbɛ a?»