1 Samɩɛl 10:2 - A SƐB-SÕW

² Fʋ̃ʋ wa bɛr mɛ̃ a, fʋ na tuor'ɩ nɩbɛ ayi a Selsa, a Bɛ̃zamɛ tẽw tʋr-bɔw nʋɔr, a Arasɛl yaa ƴãw. Bɛ na yel fʋ na: “A bòn-nyan fʋ na cen tɩ bɔ a, bɛ nyɛ̃ a na. Ƴɛrɛŋa a, a fʋ sãà yiir'ɩ a bòn-nyan yele ɛ́ tɩɛrɛ a nyɩ yele. Ʋ tɩɛrɛ nɩ a lɛ ʋ na na ɩ tɩ lɛb nyɛ̃ a ʋ bie a.”

1 Samɩɛl 10:2 ပူးပေါင်းရင်းမြစ်များ

Yele-za-pɛr-tib 35:16

A Zakɔb nɩ a ʋ yir dem tɩ ìr'ɩ a Betɛl. Bɛ tɩ cãà na zãá nɩ a Efarata blã, a lɛn daar a Arasɛl na dɔw a. A dɔwfʋ tɩ kpɛmɛ na.

Yele-za-pɛr-tib 48:7

Ɩ̃ na tɩ yi a Mezopotami lɛb waar a, ɩ̃ tɩ cɛ nɩ blã na ta a Efarata, a Kanãa tẽw, ɛ́ a fʋ mã Arasɛl kpi a ɩ̃ nuru pʋɔ a sɔ́r zu. A be n'a ɩ̃ ũù ʋ a sɔ́r nʋɔr, a Efarata, bɛ na bʋɔlɛ ƴɛrɛŋa Bɛtɩlɛm a.»

Zeremi 31:15

À ŋá n'a a Sore yere: «Kon kone na yire Arama tẽw pʋɔ, mʋta-zɩ̃ɩ kon a, Arasɛl'ʋ kone a ʋ bibiir, ɛ́ bɛ sàwr bɛ na mɔwl'ʋ, a ʋ bibiir na bɛ cãà a ƴãw.»

Zozue 18:28

Sela, Elɛfʋ, Zebizitɩ mɩnɛ tẽw, a pɛr lɛ k'aa Zerizalɛm, Givea nɩ Kɩrɩyatɩ-Yeyarim: tẽ-bɛrɛ pie nɩ anaar nɩ a tẽli-kpɔwlɩ. À á ŋá za n'a tɩ ɩ a Bɛ̃zamɛ dɔwlʋ yie zie bɛ na so a.

1 Samɩɛl 10:16

A Sawul tɩ yel'ɩ a sãà-yɛb: «Ʋ manɩ na kʋ̀ tɩ kɛ́ bɛ lɛb'a nyɛ̃ a bòn-nyan.» Ɛcɛ a naalʋ-dɩb yele a, ʋ bɛ manɩ kʋ̀ a ʋ sãà-yɛb a lɛ a Samɩɛl na yel a ɩ.