1 Samɩɛl 1:2 - A SƐB-SÕW

² A Ɛlkana tɩ tɛr'ɩ pɔwbɛ ayi: a dãw-niwn sob dɩ kɛ́ Ana, ɛ́ a ayi sob dɩ kɛ́ Penina. A Penina tɩ tɛr'ɩ bibiir, ɛ́ a Ana bɛ tɩ tɛr ɛ.

1 Samɩɛl 1:2 ပူးပေါင်းရင်းမြစ်များ

Yele-za-pɛr-tib 11:30

A Saraɩ bɛ tɩ tɛr bie ɩ, pɔw ãan tɩ n'ʋ.

Yele-za-pɛr-tib 25:21

Ɛcɛ a Erebeka tɩ ɩ n pɔw-ãan. Lɛ n'a a Ɩzaakɩ tɩ zɛlɩ a Sore a ʋ pɔw ƴãw. A Sore tɩ wõ n a ʋ zɛlʋ, ɛ́ ɩ a Erebeka tɛr pʋɔ.

Yele-za-pɛr-tib 29:31

A Sore na tɩ nyɛ̃ a Zakɔb ʋ bɛ nɔnɛ a Leya man a Arasɛl a, ʋ kʋ̀ n a Leya dɔwfʋ, ɛ́ a Arasɛl ɩ pɔw-ãan.

Yele-za-pɛr-tib 4:19

Lemɛkɩ tɩ kul'ɩ pɔwbɛ ayi: a kãw dɩ Ada ɛ́ a kãw dɩ Sila.

Yele-za-pɛr-tib 4:23

A Lemɛkɩ tɩ yel'ɩ a ʋ pɔwbɛ: «Ada nɩ Sila a, nyɩ bɛrɛ wone a ɩ̃ ƴɛ̀rʋ, Ɩ̃ pɔw-nɔnɩ i, nyɩ ƴãw tobr: Bɛlɛ wa ŋmɛ m a, ɩ̃ mɩ́ kʋ n nɩr, bɛlɛ wa ŋmɛ m ƴãw bàalʋ a, ɩ̃ mɩ́ kʋ n bibile.

Matie 19:8

A Yeezu tɩ sɔw bɛ na: «Nyɩ na bɛ wone ƴɛ̀rʋ a n'a so a Moyiir sàw kɛ́ nyɩ mɩ́ zawrɩ a nyɩ pɔwbɛ bɛr, alɛ bɛ ɩ lɛ a, a pɛr-tib daar a, a bɛ tɩ ɩ à ŋá ɩ.

Luka 1:7

Ɛcɛ bɛ bɛ tɩ tɛr bie ɛ, a Elizabɛr na tɩ ɩ pɔw-ãan a ƴãw, ɛ́ bɛ za ayi mɩ̀ lɛb tɩ kor baar'a.

Luka 2:36

Pɔw-naaŋmɩn-ƴɛ̀r-manɛ kãw mɩ̀ tɩ be n a be, Ana, Fanɩɛl pɔwyaa, na tɩ ɩ a Asɛɛr yir dɔwlʋ nɩr a. Ʋ tɩ kor'ɩ yaga. Ʋ na tɩ kul a sɩr maalɩ yome ayopõi a n'a,

Ƴɛ̀r-dɩrbɛ 13:2

Dan dɔwlʋ nɩr kãw tɩ be n be, yi Sorea, a yúor dɩ kɛ́ Manoa. A ʋ pɔw tɩ ɩ n pɔw-ãan, bɛ dɔw bie ɩ.

Ƴɛ̀r-dɩrbɛ 8:30

Ʋ tɩ dɔw nɩ bidɛbr lɩz'a ata nɩ pie, ʋ na tɩ tɛr pɔw-yaga yaga a ƴãw.