1 Pɩɛr 5:9 - A SƐB-SÕW

⁹ Nyɩ bà gbɛ́ɛ a ʋ niŋé ɛ́ kpɛmɛ a naaŋmɩn-sàwfʋ pʋɔ, ɛ́ bãwnɩ a tuo á ŋá tɛɛ za mɩ̀ na gùre a nyɩ yɛbr na be a tẽ-daa zu a.

1 Pɩɛr 5:9 ပူးပေါင်းရင်းမြစ်များ

Luka 22:32

Ɛcɛ ɩ̃ puor'a kʋ̀ b, kɛ́ a fʋ naaŋmɩn-sàw-deb taa bɔrɛ ɩ. Fʋ̃ʋ wa lɛb wa baar'a, fʋ̃ʋ tɩɛ a fʋ yɛbr.»

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

1 Korɛ̃tɩ 10:13

A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

Efɛɛzɩ 4:27

Nyɩ ta bɛr vuo kʋ̀ a Gɛgɛra ʋ so nyɩ ɛ.

Efɛɛzɩ 6:16

Ɛ́ baa zuo a za, nyɩ de a naaŋmɩn-sàwfʋ ʋ ɩ a zɛbr-kur-pãgala, ʋ na sõw nyɩ na nyɩ kpiiri a pime vũu a Faalʋ sob na tɛbr'ɩ nyɩ a.

Kɔlɔsɩ 2:5

Mãa saa bɛ be a nyɩ sɔgɔ a, a ɩ̃ tɩɛrʋ za be n a nyɩ zie, ɛ́ nʋ̃ɔ̀ kpɩɛr mɛ̃ na, ɩ̃ na nyɛ̃ nyɩ bɛ lɛb pùor ɛ́ cãà kpɛmɛ a nyɩ Kɩrɩta sàw-deb pʋɔ a.

1 Tesalonikɩ 3:3

k'aa kpɩɛrʋ tɩ na nyɛrɛ a ƴɛrɛŋa a, taa wa damnɛ nyɩ kãw za ɩ. Bʋ̃ʋ n'ʋ vɛ̃, nyɩɩm mɩŋa za bãwnɩ a na tɩ na be a kpɩɛrʋ á ŋá ƴãw a.

1 Timote 6:12

Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

2 Timote 3:12

Mɔ̃ mɩ̀, a bɛlɩ dem za na bɔbr kɛ́ bɛ vʋʋrɛ nɩ Naaŋmɩn ƴãwfʋ lãwnɩ a Kɩrɩta Yeezu a, bɛ na nyɛ̃ nɩ dɔwrʋ.

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Ebre 11:33

A sàw-deb zũú, bɛ tɩ zɛb'a tʋ̃ɔ́ na-mɩnɛ ten, ɛ́ tɩ tu a mɩnʋ pùor, ɛ́ páw a alɩ bome nɛ a Naaŋmɩn na yel k'ʋʋ na tɩr a a. Bɛ tɩ pàw nɩ gben nɛ́ɛ,

Ebre 12:8

A Naaŋmɩn bɛ wa kpãanɛ nyɩ mɛ̃ a lɛ ʋ na kpãanɛ a ʋ bibiir za a, nyɩ ɩ n zɩ̃-yir-bibiir, nyɩ bɛ ɩ a bibiir tɛɛ za ɩ.

Zakɩ 4:7

A na ɩ lɛ a, nyɩ mɩ́ bɛr nyɩ tʋɔra kʋ̀ a Naaŋmɩn. Nyɩ mɩ́ bà gbɛ́r a Gɛgɛra niŋé, ʋʋ na zɔ na zãá nɩ nyɩ.

1 Pɩɛr 1:6

Nyɩ̀ cɩlɛ nɩ nyɩ za a al ƴãw, yel-kpɩɛrɩ bʋʋrɛ za saa na ɩ nyɩ tɛr pʋ-sãwna blã a ƴɛrɛŋa a.

1 Pɩɛr 2:21

À á ŋá tɔr za ƴãw n'a bɛ bʋɔlɩ nyɩ. A Kɩrɩta mɩŋa mɩ̀ wõ n tuo a nyɩ ƴãw, a ɩ wulu ʋ kʋ̀ nyɩ kɛ́ nyɩ tuur a ʋ gbɛ́ɛ,

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

1 Pɩɛr 4:13

Nyɩ nɩ̃ɛ cɩlɛ nyɩ na pʋɔ a Kɩrɩta tuo pʋɔ a ƴãw, kɛ́ nyɩ mɩ̀ wa tʋ̃ɔ́ be a nʋ̃ɔ̀ nɩ a cɩlʋ pʋɔ, a lɛn daar a ʋ yúor-vɩɛlʋ-danʋ nãà wa sãá a.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 6:11

Lɛ n'a bɛ tɩ kʋ̀ ŋa za kpar-pla wogo, ɛ́ yel bɛ kɛ́ bɛ cãà alɛ blã, ɛ́ gù a bɛ tõ-tõ-taabɛ nɩ a bɛ yɛbr a na fɛr kɛ́ bɛ kʋ mɛ̃ a bɛl a nʋɔr tɩ paalɩ.

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.