1 Pɩɛr 5:8 - A SƐB-SÕW

⁸ Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

1 Pɩɛr 5:8 ပူးပေါင်းရင်းမြစ်များ

A Zɔb sɛbɛ 2:2

A Sore tɩ sowr'ɩ a Sɩtaana: «Nyɩnɛ n'a fʋ yi waar?» Ʋ tɩ sɔw na: «A tẽw za n'ʋ ɩ̃ cɔlɩ cɔlɩ.»

Sɛb-sõw yielu 104:21

A gben-pɔlɛ mɩ́ kone na bɔbr'ɩ a bom a na na nyɔw a, a mɩ́ bɔbr'ɩ a dɩb a fʋ zie.

Sɛb-sõw yielu 109:6

À ŋá n'a bɛ ƴɛ̀rɛ a ɩ̃ ƴãw: «Tɩ kaa ír nɩ-faa ʋ ìr àr a ʋ ƴãw, nɩr na manɛ a ʋ sãwna a, ʋ àr a ʋ dʋrʋ lowr.

Zʋkpaɩ 19:12

A nãà suur ɩ na mɛ̃ gbẽw ùoru a, ɛcɛ a ʋ nɔ̃wfʋ ɩb ɩ na mɛ̃ ɓɩɛlʋ na mɩ́ siw mʋ̃ɔ zu a.

Zʋkpaɩ 20:2

Nãà a suur na ìr a ŋmɛ̃ na mɛ̃ gbẽw na ùore a. Nɩr wa damnɛ a nãà suur a, ʋ cɩɛr'ɩ kũu-pire.

Zʋkpaɩ 28:15

Nɩ-kpɛ̃ɛ-po-to-sob na dɔwrɛ nɩbɛ na ɩ bãbàalbɛ a ŋmɛ̃ na mɛ̃ gbẽw na ùore a, mɛ̃ wɛ-dʋ̃-faa bɛ na bʋɔlɛ ursɩ a na ƴaw yi a.

Ɩzayi 50:8

A Sore pɩɛlɩ mɛ̃ na, ʋ na kpɛ m'a. Ãa n'ʋ na sàw tɛr'ɩ mɛ̃ ƴɛ̀rʋ? Ʋ ɩ tɩ lãw cen a ƴɛ̀rʋ-dɩb zie! Ãa n'ʋ na ɩ a ɩ̃ dɔ̃ sob a ƴɛ̀rʋ zie? Ʋ wa àr a ɩ̃ niŋé!

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 51:38

Ƴɛrɛŋa a, a Babɩlɔn tẽw dem za ɩ na mɛ̃ gben na ùore a, bɛ kone na mɛ̃ wɛ-dʋ̃-faar a.

Ezekɩɛl 19:7

Ʋ tɩ da n a bɛ dacine na piw a tẽw tɛr a lɔb, sãw a bɛ tẽ-bɛrɛ bɛr. Bɛlɛ wa wõ a ʋ ùoru a, a tẽw nɩbɛ mɩ́ màwr'ɩ dɛ̃bɩ̃-mawfʋ.

Ezekɩɛl 22:25

A bɛ nɩ-bɛrɛ ŋmɛ̃ na mɛ̃ wɛ-baar na ùore ɛ́ tawr a dʋ̃w a na nyɔw a ɓɛlɛ a. Bɛ kʋrɛ nɩ nɩbɛ, zure a bɛ taabɛ na-bome nɩ a bɛ tɛra, ɩrɛ a pɔw-kɔbɛ nʋɔr dɔwlɛ.

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

A naaŋmɩn-ƴèr-manɛ Oze sɛbɛ 13:8

Ɩ̃ ìr'ɩ a nyɩ ƴãw mɛ̃ ursɩ mã bɛ na nyɔw a bile a, ɩ̃ na 'hel'ɩ a nyɩ nyarʋ, ɩ̃ na 'wɔb nyɩ na mɛ̃ gbẽw-nyãw a, a wɛ-dʋn na taw nyɩ na ɓɛl ɓɛl.

Amɔsɩ 1:2

A Amɔsɩ tɩ yere na: «A Sore be n Sɩyɔ̃ tẽw ùore a yire, ʋ be n a Zerizalɛm tanɛ. A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir, ɛ́ a Karmɛl tãw nyʋɔr ko ʋ za.»

Amɔsɩ 3:4

Gbẽw dãw na ùori tuw pʋɔ ɛ́ bɛ nyɛ̃ bom ɛ? Gbẽw-bile bɛ nyɔw bom a bɛ na wõ n a ʋ kɔkɔr kõ yi a ʋ sɔwlʋ zie e?

Amɔsɩ 3:8

Gbẽw ùor'a, ãa n'ʋ kʋ̃ zɔ dɛ̃bɩ̃ɛ? A Sore Naaŋmɩn ƴɛ̀r'a, ãa n'ʋ na vɛ̃ a ʋ ƴɛ̀rʋ manʋ?

Zakari 11:3

Bɛ wone nɩ a nɩ-bʋʋrɛ cɩ̃ɩnbɛ kon, bʋ̃ʋ n'ʋ vɛ̃, a bɛ kpɛnʋ baar'a. Bɛ wone nɩ a gben na ùore a, bʋ̃ʋ n'ʋ vɛ̃ a tuwr na lanɩ a Zurdɛ̃ a sáw nɩ a za.

Zakari 3:1

A Sore tɩ ɩ na ɩ̃ nyɛ̃ a bàwr-maal-kara Zozue, ʋ àr a Sore malkɩ niŋé. A Sɩtaana tɩ àr'ɩ a Zozue dʋrʋ lowr, k'ʋʋ yel a ʋ sãwna.

Matie 13:39

a dɔ̃ sob na bʋ̀r a narsɩ a n'ɩ a Gɛgɛra, a bʋ̃-dieri deb n'ɩ a tẽw baarʋ daar, ɛ́ a bʋ̃-dieri dierbɛ n'ɩ a malkɩ mɩnɛ.

Matie 24:42

A na ɩ lɛ a, nyɩ bɛr gʋ̃ɔ, nyɩ na bɛ bãw a ʋlɩ bibir a nyɩ Sore na na wa a ƴãw.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Matie 4:1

Al pùorí, a Naaŋmɩn Vʋʋrʋ tɩ tɛr'ɩ a Yeezu cen nɩ a wɛja-kpalɛ pʋɔ, k'aa Gɛgɛra tɩ bɛlɩ ʋ.

Matie 4:11

Lɛ n'a a Gɛgɛra tɩ bɛr ʋ, ɛ́ malkɩ mɩnɛ taw ta kaarɛ a ʋ zie nɩ bʋ̃-dɩrɩ.

Markɩ 4:15

A nɩbɛ bɛ mɩnɛ n'ɩ a sɔ́r nʋɔr be bɛ na bʋ̀r a Naaŋmɩn ƴɛ̀rʋ a: bɛlɛ wa wone ʋ wa báarɛ a, a Sɩtaana mɩ́ wa na wa ír a ƴɛ̀rʋ bɛ na bʋ̀r a bɛ pʋ̃ɔmɩ a.

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Luka 22:31

A Sore tɩ yel'a: «Sɩmʋ̃ ʋ, Sɩmʋ̃ ʋ, Sɩtaana zɛlɩ na k'ʋʋ dam nyɩ mɛ̃ pɔw na tɛtɛwr zɛla a.

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

2 Korɛ̃tɩ 2:11

k'aa Sɩtaana ta bɛ̀lɩ tɩ nyɔw ɛ, bʋ̃ʋ n'ʋ vɛ̃, tɩ bɛ ɩ zɔn a ʋ pʋ-tɩɛrʋ ƴãw ɛ.

Efɛɛzɩ 4:27

Nyɩ ta bɛr vuo kʋ̀ a Gɛgɛra ʋ so nyɩ ɛ.

Efɛɛzɩ 6:11

Nyɩ de a Naaŋmɩn zɛbr bome tʋ̃ɔ́ zɛb tʋ̃ɔ́ nɩ a Gɛgɛra yã-maalʋ.

1 Timote 2:15

Ɛcɛ ʋlɛ wa dɔw bibiir a, ʋ na nyɛ̃ nɩ faafʋ, ʋlɛ wa sɩrɩ sàw be a naaŋmɩn-sàw-deb pʋɔ, a nɔ̃wfʋ nɩ a sonu pʋɔ nɩ tʋɔra-siwru a.

1 Timote 2:9

Ɩ̃ mɩ̀ bɔbr'a k'aa pɔwbɛ mɩ́ su suuru na sɛw taa nɩ a, ɛ́ ƴãw a pɩ̃ɛmɛ a man: ta 'lẽ zu tɩ ƴãw bʋ̃-ƴãwnɩ ɛ, ta ƴãw salm-zɩɛ tokpamɛ bɩɩ lɛw-vɩɛlɩ ɛ, ta su dɛpaal-kpar-vɩɛlɩ vɩɛlɩ ɛ.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

1 Timote 3:2

A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Títɩ̀ 1:8

A fɛr'a k'ʋʋ nɔnɛ a sãanbɛ nyɔwfʋ, ʋ nɔnɛ a vla, ʋ bãw yã, ɛ́ ɩ nɩ-mɩŋa nɩ nɩ-sõw, bãw ʋ tʋɔra tɛrʋ.

Títɩ̀ 2:12

Ʋ wule tɩ na kɛ́ tɩ zawrɩ a ɩ-faar nɩ a tẽw ŋa zu yel-bɔbrɩ bɛr, tʋ̃ɔ́ bãw yã, ɛ́ ɩ nɩ-mɩn na tɛr Naaŋmɩn ƴãwfʋ a, vʋʋrɛ nɩ a dɩ̃a zie ŋa pʋɔ,

Títɩ̀ 2:2

Yel a dɛb-nyamɛ kɛ́ bɛ mɩ́ nyɔw bɛ tʋɔra a dɩb nɩ a nyub pʋɔ, kɛ́ bɛ ƴãwnɛ bɛ tʋɔra, kɛ́ bɛ bãw yã, ɛ́ tɛr naaŋmɩn-sàw-deb na vɩɛl a, nɩ nɔ̃wfʋ nɩ kanyir.

Títɩ̀ 2:4

lɛ n'a bɛ na wul a pɔw-pɔ́lɛ́ bɛ nɔnɛ a bɛ sɩrbɛ nɩ a bɛ bibiir,

Títɩ̀ 2:6

Mɩ̀ kpaalɛ a pɔ́lɛ́ kɛ́ bɛ bãw yã

Zakɩ 4:7

A na ɩ lɛ a, nyɩ mɩ́ bɛr nyɩ tʋɔra kʋ̀ a Naaŋmɩn. Nyɩ mɩ́ bà gbɛ́r a Gɛgɛra niŋé, ʋʋ na zɔ na zãá nɩ nyɩ.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

Yel-wula 12:10

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.

Yel-wula 12:12

A na ɩ à ŋá a, cɩlɛ salom i, nɩ nyɩɩm za na kpɩɛr a ʋ zu a! Ɛcɛ, baw-bio páw nyɩ na, nyɩɩm tẽsɔw nɩ kʋ̃ɔ-kpɛ̃ɛ ɛ! Bʋ̃ʋ n'ʋ vɛ̃, a Gɛgɛra siw na wa a nyɩ zie, ɩ suur tɛwr, ʋ na bãw k'aa vuo na cɛ ʋ a ɩ n ŋmalelɛ a.»

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 20:2

Ʋ tɩ nyɔw nɩ a wa-bɩɛ, a tẽ-kor waab, a pɛr lɛ k'aa Gɛgɛra bɩɩ Sɩtaana, ʋ tɩ nyɔw ʋ na 'lẽ nɩ a bãzɔl-tɩbrʋ ʋl, ɛ́ gù yome túr (1 000).

Ƴɛ̀r-dɩrbɛ 14:5

Lɛ n'a a Samsɔ̃ nɩ a ʋ sãà nɩ a ʋ mã tɩ ìr lo a Tɩmɩna sɔ́r. Bɛ na tɩ tarɛ a Tɩmɩna divɛ̃ tɩɩr póru ƴãw a, gbẽw-pɔl kãw tɩ ƴaw na yi ùore tuore nɩ a Samsɔ̃.