1 Pɩɛr 5:5 - A SƐB-SÕW

⁵ Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

1 Pɩɛr 5:5 ပူးပေါင်းရင်းမြစ်များ

2 Bibie za yel-manɩ 6:41

Ɛ́ ƴɛrɛŋa a, Sore Naaŋmɩn i, ìr wa a fʋ pɩ̃ɛnʋ zie, fʋ̃ʋ nɩ a daga ʋl na wule a fʋ fãw a. Sore Naaŋmɩn i, ɩ a fʋ faafʋ pàw a fʋ bàwr-maalbɛ mɛ̃ pɛn na pàw bɛ a. A fʋ nɩbɛ na sàw de fʋ a, bɛ lɔbr nʋ̃ɔ̀ cɛlsɩ a bɛ nʋ̃ɔ̀ pʋɔ.

A Zɔb sɛbɛ 22:29

Sɩza, a Naaŋmɩn mɩ́ ɩ n a pɔ̀lʋ dem tɩɛrʋ a sãw, ɛcɛ, ʋ mɩ́ ɩ n a bɛlɩ dem na siwre bɛ tʋɔra a yele maalɩ.

A Zɔb sɛbɛ 29:14

Ɩ̃ mɩ́ tɩ su n a mɩnʋ mɛ̃ bʋ̃-suura a, a lɛ-na-tu-sɔr-a tɩ n'ɩ a ɩ̃ kpar-kpɛ̃ɛ nɩ a ɩ̃ zu-pɛn-vila.

Sɛb-sõw yielu 132:16

A faafʋ n'ʋ ɩ̃ na su a ʋ bàwr-maalbɛ mɛ̃ kparʋ a, ɛ́ a ʋ nɩbɛ lɔbr nʋ̃ɔ̀ cɛlsɩ.

Sɛb-sõw yielu 132:9

A mɩnʋ, a pàw a fʋ bàwr-maalbɛ mɛ̃ kparʋ a, ɛ́ a fʋ nɩbɛ lɔbr nʋ̃ɔ̀ cɛlsɩ!

Sɛb-sõw yielu 138:6

A Sore na saa be a saa-zu a, ʋ nyɛrɛ nɩ a bãbàalbɛ, ɛ́ a pɔ̀lʋ dem mɩ́ zãá, ʋʋ nyɛ̃ bɛ bãw.»

Zʋkpaɩ 25:7

Bɛlɛ wa yel fʋ: «Do wa a ka!», alɛ sa bɛ nãà wa siwri fʋ nɩ-kpɛ̃ɛ niŋé a.

Zʋkpaɩ 3:34

A Sore mɩ́ ɩ n a nɩ-ɩ-laarbɛ la, ɛcɛ, ʋ mɩ́ ɩrɛ nɩ nɔ̃wfʋ ɩb a su-siwri dem zie.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Ezekɩɛl 26:16

A kʋ̃ɔ-kpɛ̃ɛ nʋɔr nɩbɛ na-mɩnɛ na siw nɩ a bɛ naalʋ-dà-kɔwr zu, bɛ na yaa nɩ a bɛ bʋ̃-suur-vɩɛlɩ vɩɛlɩ nɩ a bɛ kpar-mawrɩ bɛr. Bɛ na ɩ n dɛ̃bɩ̃ɛ tɛwr, ɛ́ bɛ na zɩ̃ n tẽsɔw. Bɛ kʋ̃ bɛr a mawfʋ ɛ, ɛ́ pʋl-vʋ̃ɔ na tɛr bɛ nɩ yaga za a fʋ zũú.

Levitɩ mɩnɛ 19:32

«Nyɩ mɩ́ ìr àr a dɛb-nyãw na pɛlɩ zu a niŋé, nyɩ mɩ́ tɛr ƴãwfʋ yaga a dɛb-nyãw zie. À ŋá n'a nyɩ na ƴãwnɛ mɛ̃. Mãa n'ɩ a Sore nyɩ Naaŋmɩn.»

Luka 22:26

A nyɩɩm zie a, à ŋá bɛ n'a ɩ. A ʋlɩ sob na ɩ a nyɩ za kpɛ̃ɛ a, ʋ nɩ̃ɛ ɩrɛ mɛ̃ a nyɩ za bibile a, ɛ́ a ʋlɩ sob na dɩ nɩ-kpɛ̃ɛnʋ a ɩrɛ mɛ̃ a tõ-tone a.

Ʋrɔm 12:10

Nyɩ nɔnɛ taa mɛ̃ yɛbr a, nɩ nyɩ pʋɔ za, nyɩ ƴãwnɛ taa ciere taa.

Ʋrɔm 13:14

Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.

Efɛɛzɩ 5:21

Nyɩɩm na ƴãwnɛ a Kɩrɩta a, nyɩ sàwr taa nɛ́ɛ.

Filib 2:3

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

1 Timote 5:1

Dɛb-nyãw wa sãw a, ta yere ʋ tanɛ nɩ ʋ ɛ, ɛcɛ kpaalɛ ʋ mɛ̃ fʋ sãà n'ʋ a. Ɩrɛ a pɔlbili zie mɛ̃ yɛbr nɛbɛ a,

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Pɩɛr 4:1

A na ɩ à ŋá a Kɩrɩta wõ a tuo a ʋ ƴã-gan pʋɔ a, a nyɩɩm mɩ̀, nyɩ tɛr a tɩɛrʋ ŋa kpɛ̃w za mɛ̃ zɛbr bom a: nɩr na wõ tuo a ʋ ƴã-gan pʋɔ a, ʋ ír'ɩ nũu a yel-bier pʋɔ,

1 Pɩɛr 4:5

Ɛcɛ a Naaŋmɩn na cɔbrɩ baarɩ na maal'ɩ a nɩ-vʋʋrɩ lãwnɩ a nɩ-kũuni a ƴɛ̀rʋ a, ʋl zie n'a bɛ nãà wa manɩ a pɛr.