1 Pɩɛr 4:7 - A SƐB-SÕW

⁷ A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Pɩɛr 4:7 ပူးပေါင်းရင်းမြစ်များ

Yele-za-pɛr-tib 19:35

Bɛ tɩ lɛb'a ɩ a bɛ sãà nyũ a divɛ̃ kuoli a ʋlɩ tɩ̃ɩsɔw nɛ. A pɔwya-bile tɩ cen na tɩ gã nɩ ʋ. A sãà bɛ tɩ bãwnɩ a ʋ pɔwyaa gaa nɩ a ʋ ìru ɛ.

Yele-za-pɛr-tib 6:13

Lɛ n'a a Naaŋmɩn tɩ yel a Nowe: «Mãa zie a, a nɩsaalbɛ yele baar'a. Bɛlɛ nɛbɛ so a po-to-fãw-ɩb paalɩ a tẽ-daa. A na ɩ lɛ a, ɩ̃ na sãw bɛ na bɛr lãwnɩ a tẽw.

Ekilezɩasɩ 7:2

Yir kuor na kone a cenu sa yir bɛ na dɩrɛ cuw a. A kũu n'ɩ a nɩsaal za baarʋ zie, ɛ́ a fɛr'a k'aa nɩ-vʋʋrɩ mɩ́ tɛr a ʋ tɩɛrʋ.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ezekɩɛl 7:6

A baar'a: a kpɩɛrʋ pɛ-baara waar'a, ʋ na lo n a nyɩ zu, ʋ ta na!

Matie 24:42

A na ɩ lɛ a, nyɩ bɛr gʋ̃ɔ, nyɩ na bɛ bãw a ʋlɩ bibir a nyɩ Sore na na wa a ƴãw.

Matie 25:13

A Yeezu tɩ yel bɛ na: «A na ɩ lɛ a, nyɩ bɛr gʋ̃ɔ ɛ́ gùre, nyɩ na bɛ bãw a bibir nɩ a tɛm a ƴãw.»

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Luka 22:46

Ʋ tɩ yel bɛ na: «Bʋ̃ʋ n'ʋ ɩ nyɩ gúre? Nyɩ ìr puore k'aa bɛ̀lʋ taa tarɛ nyɩ ɛ.»

Ʋrɔm 12:12

Nyɩ cɩlɛ a nyɩ tɩɛrʋ nyɩ na ƴãw a Sore ƴãw a zũú. Nyɩ nyɔw nyɩ tʋɔra a kpɩɛrʋ pʋɔ, nyɩ puore kʋralɛ.

1 Korɛ̃tɩ 15:24

Al pùorí, a yele za nʋɔr na kʋ na, a lɛn daar a Kɩrɩta nãà wa sãw nɩ-kpɛ̃ɛnʋ dɩb za bɛr a, sãw fãw za nɩ kpɛ̃w bʋʋrɛ za bɛr ɛ́ de a naalʋ kʋ̀ a Naaŋmɩn Sãà a.

1 Korɛ̃tɩ 7:29

Yɛbr i, yel ŋa n'ʋ ɩ̃ bɔbr k'ɩ̃ɩ yel: a nɩdaar bɛ cãà zãá ɩ. Dɩ̃a na ta a, a pɔw-tɛrbɛ, bɛ ɩ mɛ̃ bɛ bɛ tɛr pɔwbɛ a,

Efɛɛzɩ 6:18

Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za.

Filib 4:5

Nyɩ ɩ a nyɩ nɔ̃wfʋ-ɩb sãá nɩbɛ za nyɛ̃. A Sore pɩɛl'a.

Kɔlɔsɩ 4:2

Nyɩ su zu a puoru ƴãw, a ɩ nyɩ bɛr gʋ̃ɔ ɛ́ puore a Naaŋmɩn barka.

2 Timote 4:5

Ɛcɛ a fʋ̃ʋ a, nyɔw fʋ tʋɔra a yele za pʋɔ, sàw de a tuo, tone a Yel-nʋ̃ɔ̀ hieru tome, tone a fʋ Naaŋmɩn tõ-tõ-bie tome za vla.

Títɩ̀ 2:12

Ʋ wule tɩ na kɛ́ tɩ zawrɩ a ɩ-faar nɩ a tẽw ŋa zu yel-bɔbrɩ bɛr, tʋ̃ɔ́ bãw yã, ɛ́ ɩ nɩ-mɩn na tɛr Naaŋmɩn ƴãwfʋ a, vʋʋrɛ nɩ a dɩ̃a zie ŋa pʋɔ,

Ebre 10:25

Tɩ ta mɩ́ zawrɩ a tɩ lãw ziir cenu mɛ̃ a lɛ bɛ mɩnɛ na ɩ mili a ɩ. Nyɩ nɩ̃ɛ ɩ tɩ kpaalɛ taa, nyɩ na baa nyɛ̃ a Sore bibir ʋ pɩɛlɛ a.

Ebre 9:26

Alɛ bɛ ɩ lɛ, a nãá fɛr'a ʋ wõ tuo gb'aa yaga, a lɛn daar a tẽ-daa na tĩ kɛ́ be a. Ɛcɛ, gb'a been daadaa n'a, a daar na wa ta a, ʋ sãá a ƴɛrɛŋa, k'ʋʋ de ʋ mɩŋa maal'ɩ bàwr ír a yel-bier bɛr.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 3:7

Lɛ mɩ̀ n'a, a nyɩɩm sɩrbɛ, nyɩ lãw kpɩɛr'ɩ a nyɩ pɔwbɛ, ɛ́ bãwnɩ a bɛ na bɛ tɛr fãw a. Nyɩ ƴãwnɛ bɛ, nyɩɩm nɩ a bɛl nɛbɛ lãw a gbã-dɩ-bom na ɩ a nyɔ-vʋʋrʋ a Naaŋmɩn na kʋ̀ nyɩ a. Nyɩ ɩrɛ a lɛ kɛ̀ bom za ta piw a nyɩ puoru ɛ.

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

Yel-wula 16:15

«Nyɛ̃, ɩ̃ waar'a mɛ̃ nyãnyuge a! Zu-nʋ̃ɔ̀ sob'ɩ sob nɛ na bɛr gʋ̃ɔ ɛ́ tɛr a ʋ bʋ̃-suuri, k'ʋʋ taa wa cere nɩ ƴã-gã-zawla bɛ nyɛ̃ a ʋ faalʋ a ɩrɛ ʋ vĩ a ɩ.»