1 Pɩɛr 4:3 - A SƐB-SÕW

³ A dãwdãw nyɩ na tɩ tu a pɩ̃ɔ-yele pùor a, a tɛra vʋla, a dãa-kuolu, a dɩ̀rʋ́, a nyub nɩ a tɩbɛ maalʋ na bɛ vɩɛl towtow a, nyɩ tɩ maal'ɩ a sɔ-kʋra pʋɔ dem pʋ-tɩɛrʋ tɩ sɛw.

1 Pɩɛr 4:3 ပူးပေါင်းရင်းမြစ်များ

2 Samɩɛl 13:28

Al pùorí, ʋ tɩ yel'ɩ a ʋ tõ-tõ-biir à ŋá: «Nyɩ piwre a Amɩnɔ̃ vla! A divɛ̃ wa ɩ nʋ̃ɔ̀ kpɩɛr ʋ a, ɩ̃ na yel nyɩ na: “Nyɩ ŋmɛ a Amɩnɔ̃!”, nyɩ ŋmɛ ʋ kʋ a lɛn daar. Nyɩ ta zɔrɛ dɛ̃bɩ̃ɛ ɩ, mãa n'ʋ yel kɛ́ nyɩ ɩ a lɛ. Nyɩ kpɛ socir, ɛ́ wul kɛ́ dɛbr n'ɩ nyɩ!»

1 Na-mɩnɛ 21:26

Ʋ tɩ ɩ n ɩb na bɛ maal'ɩ wob a, ʋ na tɩ tu a tɩbɛ pùor mɛ̃ a Amoritɩ mɩnɛ a, bɛl a Sore na tɩ diw ɛ́ bɛr vuo kʋ̀ a Ɩsɩrayɛl nɩbɛ a.

2 Bibie za yel-manɩ 15:8

A Asa na tɩ wõ a ƴɛ̀r-bie á ŋá nɩ a naaŋmɩn-ƴɛ̀r-manɛ Odɛdɩ ƴɛ̀rʋ a, ʋ tɩ lɛb'a kpɛmɛ ɛ́ ɩ a tɩbɛ za bɔr a Zuda nɩ a Bɛ̃zamɛ ten pʋɔ. Ʋ mɩ̀ tɩ ɩ n a lɛ a ten al ʋ na tɩ zɛb de a Efarayim tan vuo pʋɔ a pʋɔ. Ʋ tɩ lɛb'a maalɩ a Sore bàwr-maal-kuur na be a Ŋmɩn-yir-kpɛ̃ɛ càará dɩ̃dɔrɩ́ a ƴãw.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 5:11

Baw-bio páw nɩ a bɛlɩ dem na mɩ́ cɔ̃w ìr tu a dã-kpɛn pùor, a zie mɩ́ tɩ libre, ɛ́ bɛ nyúur a divɛ̃ a damnɛ bɛ a!

Ɩzayi 65:4

Bɛ zɩnɛ nɩ a yàa bɔwrɩ pʋɔ, bɛ kpɩɛrɩ tan bɔwrɩ pʋɔ. Bɛ 'wɔbr'ɩ dobaa nɛn, ɛ́ a bɛ labɛ mɩ́ paalɩ bʋ̃-dɩ-dɛgɛ.

Zeremi 16:11

A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Ezekɩɛl 44:6

Fʋ na yel'a kʋ̀ a Ɩsɩrayɛl nɩbɛ, a nɩ-gaarɩ bɛ ŋa, a lɛ a mãa Sore Naaŋmɩn na yere a: A nyɩɩm Ɩsɩrayɛl nɩbɛ, nyɩ ƴãw nɩ manʋ nɩ a ɩb na bɛ maal'ɩ wob nyɩ na ɩ a.

Ezekɩɛl 45:9

À ŋá n'a a Sore Naaŋmɩn yere: «Ɩsɩrayɛl na-mɩnɛ ɛ, a man nɩ lɛ! Nyɩ bɛr a po-to-fãw-ɩb nɩ a bome fab. Nyɩ sàwr a lɛ-na-tu-sɔr-a nɩ a mɩnʋ, nyɩ bɛr a ɩ̃ nɩ-bʋʋrɛ na-bome zub lɛ! A mãa Sore Naaŋmɩn n'ʋ ƴãw a nʋɔr kʋ̀ nyɩ!

Markɩ 7:22

a pɔw-gaa-yel-bier, a tɛra nɔ̃w-zuo, a po-tuolu, a nɩsaal-libelibe ɩb, a pɩ̃ɔ-yele, a nyuur, a zʋmɛ, a pɔ̀lʋ, a dãbolu.

Nɩ-toni 17:30

Ɛcɛ a Naaŋmɩn vɩɛ nɩ a zɔnʋ daar yele á ŋá bɛr, ɛ́ pãa bʋɔlɛ a nɩsaalbɛ za a ziir za, kɛ́ bɛ za lɩɛbɩ a bɛ ɩb.

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

1 Korɛ̃tɩ 12:2

Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

Galasi 5:19

A nɩsaalʋ tõ-toni sãá nɩ nyɩraalɛ, alɛ n'ɩ á ŋá: pɩ̃ɔ-yele, dɛwr, faalʋ,

Galasi 5:21

nyɛ̃ a fʋ tɔ bom bɔbr, dãa kuolu, dɩ tɩ gãw nɩ taa, nɩ a yele á ŋá taabɛ. Nyɩ páw bãwnɩ a, mɛ̃ a lɛ ɩ̃ na tɩ dãw yel kʋ̀ nyɩ a, a bɛlɩ dem na tɛr a ɩ-ɩrɩ á ŋá taabɛ a kʋ̃ nyɛ̃ zie a Naaŋmɩn Naalʋ pʋɔ ɩ.

Efɛɛzɩ 5:18

Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

1 Tesalonikɩ 4:5

ɛ́ ta sàw a tɩɛr-faar so ʋ mɛ̃ a nɩ-bʋʋr-yoru na bɛ bãw a Naaŋmɩn a ɩ.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

1 Pɩɛr 1:14

Mɛ̃ bibiir na sàwr nʋɔr a, nyɩ ta tu a dãwdãw tɛra vʋla pùor ɛ, a lɛn daar nyɩ na tɩ cãà ɩ zɔn a ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.