1 Pɩɛr 4:18 - A SƐB-SÕW

¹⁸ Mɛ̃ a lɛ a Sɛb-sõw na yel a: «A nɩ-mɩŋa wa nyɛ̃ a faafʋ hanɩ nɩ a, ŋmɩŋmɩn n'a a na ŋmɛ̃ a nɩr na bɛ bãw kɛ́ Naaŋmɩn be na a zie, nɩ a yel-bier-maalɛ zie?»

1 Pɩɛr 4:18 ပူးပေါင်းရင်းမြစ်များ

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Zʋkpaɩ 11:31

A nɩ-mɩŋa mɩ́ páw nɩ a ʋ sã-ya a tẽw zu ka, a na ɩ à ŋá a, a nɩ-faa nɩ a yel-bier-maalɛ mɩ̀ na páw nɩ a alɩ bome nɛ bɛ na sɛw taa nɩ a.

Zeremi 25:29

Bʋ̃ʋ n'ʋ vɛ̃, a tẽ-kpɛ̃ɛ ɩ̃ na so a n'ʋ ɩ̃ tine nɩ a kpɩɛrʋ ɩ̃ na na ɩ a wa a, ɛ́ nyɩɩm kʋ̃ pʋɔ ɩ? Aɩ, ɩ̃ bɛ bɛrɛ nyɩ ɛ. Ɩ̃ bɛrɛ nɩ a zɛbr a waar a tẽ-daa nɩbɛ za zu. A mãa Sore, a kpɛnʋ-za-sob'ʋ yel.»

Ezekɩɛl 18:24

Ɛcɛ a nɩ-mɩŋa wa bɛr a ʋ mɩnʋ, ɛ́ maalɛ a faar al za na bɛ maal'ɩ wob, a nɩ-faa na maalɛ a, ʋ na vʋʋrɛ na bɩɩ? Bɛ kʋ̃ cãà bãwnɩ a mɩnʋ al za ʋ na tɩ tu a ɩ. Ɛcɛ a pùor ʋ na lɛb a, nɩ a yel-bier ʋ na maalɩ a zũú, ʋ na kpi na.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Luka 15:1

A zuru-yar-dierbɛ nɩ a yel-bebe dem tɩ tawr'a tarɛ a Yeezu zie bɛ za, kɛ́ bɛ bɛr wõ a ʋ ƴɛ̀rʋ.

Luka 23:31

Bɛlɛ wa ɩrɛ a dà-ɓaar à ŋá a, ŋmɩŋmɩn n'a bɛ nãà ɩ a dà-kõw?»

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

Nɩ-toni 27:24

wa yel mɛ̃: “Ta zɔrɛ dɛ̃bɩ̃ɛ ɩ, Pol i, a fɛr'a kɛ́ fʋ ta a na-kpɛ̃ɛ niŋé, ɛ́ a Naaŋmɩn nɔnɛ na kʋ̀ b k'aa bɛlɩ dem za nɩ a fʋ̃ʋ na lãw duwre a, bɛ kʋ̃ kpi ɛ!”

Nɩ-toni 27:31

Lɛ n'a a Pol tɩ yel a sojarɩ kʋba (100) nɩ-kpɛ̃ɛ nɩ a sojarɩ: «A nɩbɛ bɛ ŋa bɛ wa cãà be a gbor pʋɔ a, nyɩ kʋ̃ tʋ̃ɔ́ faa nyɩ tʋɔra ɩ.»

Ʋrɔm 1:18

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Ʋrɔm 5:6

Tɩ na bɛ tɩ tɛr fãw na ɩ bom za a, lɛ n'a a Naaŋmɩn daar na wa ta a, a Kɩrɩta kpi yel-bebe dem ƴãw.

Ʋrɔm 5:8

Ɛcɛ, a ʋlɩ bom nɛ na wul k'aa Naaŋmɩn nɔnɛ tɩ nɩ yaga za a, ʋlɛ n'ɩ a Kɩrɩta na kpi a tɩ ƴãw, a lɛn daar tɩ na tɩ cãà ɩ yel-bebe dem a.

1 Korɛ̃tɩ 10:12

A na ɩ à ŋá a, nɩr wa tɩɛrɛ k'ʋʋ àr'ɩ saaƴẽwn a, ʋ gù vla taa lore ɩ.

1 Timote 1:9

Tɩ bãw a yel ŋa pɛr vla: nɩ-mɩŋa ƴãw bɛ n'a a Naaŋmɩn wulu be ɩ, bɛ-wonbɛ nɩ nɩ-gaarɩ ƴãw n'a, nɩbɛ na bɛ zɔrɛ Naaŋmɩn a, nɩ yel-bier-maalbɛ, bɛlɩ dem na bɛ ƴãwnɛ Naaŋmɩn nɩ a bʋ̃-son a ƴãw n'a, sãà-kʋrbɛ nɩ mã-kʋrbɛ, nɩ-kʋrbɛ,

Ebre 4:1

A Naaŋmɩn nʋɔr na cãà ƴãw gã, kɛ́ tɩ na tʋ̃ɔ́ na ta a ʋ pɩ̃ɛnʋ zie a, nyɩ ɩ tɩ gù vla bɛ taa wa nyɛ̃ k'aa nyɩ kãw bɛ tʋ̃ɔ́ ta ɩ.

Zakɩ 5:6

Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

2 Pɩɛr 3:7

Ɛ́ a dɩ̃a tẽw nɩ a dɩ̃a salom á ŋá a, a Naaŋmɩn ƴɛ̀r-been ŋa cãà na tɛr a cɛlɛ nɩ a vũu a na na dɩ a, ʋ tɛr a na gùre nɩ a ƴɛ̀rʋ-maalʋ bibir nɩ a yel-bier-maalbɛ loba bibir.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:15

k'ʋʋ wa maal'ɩ a nɩbɛ za ƴɛ̀rʋ. Ʋ na wul'ɩ a yel-bebe dem za a bɛ ɩ-faar bɛ na ɩ càar'ɩ ʋ a bɛ bɛ-wonu zũú a, nɩ a zʋmɛ ƴɛ̀r-bie a yel-bebe dem bɛ ŋa na bɛ tɛr ƴãwfʋ a na ƴɛ̀r càar'ɩ ʋ a.»

1 Samɩɛl 15:18

A Sore tɩ tõ fʋ na yel: “Cen. Fʋ na tɩ zɛb'ɩ nɩ a Amalɛkɩ tẽw dem, a yel-bebe dem bɛ ŋa, kʋ bɛ pàw pɛr.”