1 Pɩɛr 4:1 - A SƐB-SÕW

¹ A na ɩ à ŋá a Kɩrɩta wõ a tuo a ʋ ƴã-gan pʋɔ a, a nyɩɩm mɩ̀, nyɩ tɛr a tɩɛrʋ ŋa kpɛ̃w za mɛ̃ zɛbr bom a: nɩr na wõ tuo a ʋ ƴã-gan pʋɔ a, ʋ ír'ɩ nũu a yel-bier pʋɔ,

1 Pɩɛr 4:1 ပူးပေါင်းရင်းမြစ်များ

Ɩzayi 1:16

Nyɩ pɛ́w nyɩ tʋɔra, nyɩ so a nyɩ dɛwr bɛr, nyɩ ír a nyɩ ɩ-faar bɛr a ɩ̃ niŋé, nyɩ bɛr a yel-faa maalʋ.

Ezekɩɛl 16:41

bɛ na nyɩw nɩ a fʋ yie. Bɛ na ɩ n a ƴɛ̀rʋ bɛ na dɩ n fʋ ƴãw fʋ a dɔwrʋ a ʋ tu pɔw-yaga yaga mimirí. Ɩ̃ na ɩ n a fʋ pɔw-yɛm tome nʋɔr kʋ, ɛ́ fʋ kʋ̃ lɛb tʋ̃ɔ́ mɩ́ ya a fʋ sɛnbɛ ɩ.

Markɩ 3:3

A Yeezu tɩ yel'ɩ a nũ-kũu sob: «Ìr wa a sɔwlɩsɔw ka.»

Ʋrɔm 6:11

A nyɩɩm mɩ̀ a, nyɩ bãw kɛ́ nyɩ kpi na bɛ cãà pʋɔ a yel-bier pʋɔ ɩ, ɛ́ vʋʋrɛ a Naaŋmɩn ƴãw lãwnɩ a Yeezu Kɩrɩta.

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Ʋrɔm 6:7

Bʋ̃ʋ n'ʋ vɛ̃, sob nɛ na kpi a, ʋ bɛ cãà dɩ a yel-bier san a Naaŋmɩn wulu zie ɩ.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

Efɛɛzɩ 6:13

Alɛ so, nyɩ de a Naaŋmɩn zɛbr bome, lɛ n'a a bibi-faa bibir nyɩ kʋ̃ sàw bɛ tʋ̃ɔ́ nyɩ ɛ, ɛ́ cãà tʋ̃ɔ́ àr saaƴẽwn à á ŋá za pùorí.

Wulu-ayi-sob 27:10

Nyɩ bɛrɛ wone a ʋ ƴɛ̀rʋ, nyɩ sàwr a ʋ nɛ-ƴãwnɩ nɩ a ʋ wulu ɩ̃ na kʋ̀rɛ nyɩ a dɩ̃a a.»

Filib 2:5

Nyɩ ɩrɛ à à ŋá a nyɩ cara pʋɔ, mɛ̃ a lɛ bɛ na mɩ́ ɩrɛ bɛlɛ wa lãw nɩ a Yeezu Kɩrɩta a.

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.

Ebre 4:10

Bʋ̃ʋ n'ʋ vɛ̃, sob nɛ na ta a Naaŋmɩn pɩ̃ɛnʋ zie a mɩ́ baar'ɩ a ʋ tome ɛ́ pɩ̃ɛnɩ, mɛ̃ a lɛ a Naaŋmɩn na baarɩ a ʋ dem ɛ́ pɩ̃ɛnɩ a.

1 Pɩɛr 2:21

À á ŋá tɔr za ƴãw n'a bɛ bʋɔlɩ nyɩ. A Kɩrɩta mɩŋa mɩ̀ wõ n tuo a nyɩ ƴãw, a ɩ wulu ʋ kʋ̀ nyɩ kɛ́ nyɩ tuur a ʋ gbɛ́ɛ,

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.