1 Pɩɛr 3:9 - A SƐB-SÕW

⁹ Nyɩ ta mɩ́ yáa a yel-faa san ɛ, bɩɩ yáa a zʋm san ɛ. Nyɩ nɩ̃ɛ mɩ́ ƴɛ̀r nɔ-vla, bʋ̃ʋ n'ʋ vɛ̃, maalʋ n'ʋ a Naaŋmɩn yel k'ʋʋ na kʋ̀ nyɩ na, a lɛn daar ʋ na bʋɔlɩ nyɩ a.

1 Pɩɛr 3:9 ပူးပေါင်းရင်းမြစ်များ

Yele-za-pɛr-tib 42:25

Al pùorí, ʋ tɩ ƴãw na bɛ paalɩ a bɛ vʋɔrɩ nɩ ble, ɛ́ lɛb ƴãw ŋa za libie a ʋ vʋɔra pʋɔ, ɛ́ kʋ̀ bɛ sɔ́r bʋ̃-dɩrɩ. Lɛ n'a a tõ-tõ-biir tɩ ɩ bɛ.

Zʋkpaɩ 17:13

Sob nɛ na mɩ́ maalɩ a faa yáa a vla a, kpɩɛrʋ bɛ be na yi zaa a ʋ yir ɛ.

Zʋkpaɩ 20:22

Ta yere: «Ɩ̃ na yáa nɩ a faa bɛ na maalɩ mɛ̃ a san ɛ!» Nɩ̃ɛ vɛ̃ kɛ́ ƴãw a fʋ tɩ́ɛrʋ a Sore ƴãw, ʋʋ na faa fʋ na.

Zʋkpaɩ 28:10

Nɩr wa tɛr nɩsaal-dẽdẽ mɩnɛ tu n sɔr-faa a, ʋ na lo n a ʋl mɩŋa bɔw ʋ na tuw a pʋɔ. Ɛcɛ nɩbɛ na bɛ tɛr sãwna a na so a nʋ̃ɔ̀.

Matie 19:29

Ɛ́ sob nɛ za nãà wa bɛr yie, yɛbr, yeepuuli, sãà, mã, bibiir bɩɩ póru a mãa ƴãw a, ʋ na páw nɩ à á ŋá gb'a a kʋba (100) dɔwlɩ, ɛ́ cãà páw a nyɔ-vʋʋrʋ na be kʋralɛ a ƴãw pʋɔ.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Matie 5:39

Ɛcɛ mãa yere na kʋ̀rɛ nyɩ: nɩr na ɩrɛ a kpɩɛr nyɩ a, nyɩ ta mɩ́ yáa a san ɛ. Nɩr wa ɓa b a dʋrʋ kɔrɩ́ a, fʋ̃ʋ lɛb cɩɩlɩ a gʋba kɔr kʋ̀ ʋ ʋ ɓa.

Matie 5:44

Ɛcɛ mãa yere na kʋ̀rɛ nyɩ: nyɩ nɔnɛ a nyɩ dɔ̃ dem, ɛ́ puore kʋ̀rɛ a bɛlɩ dem na dɔwrɛ nyɩ a.

Markɩ 10:17

A Yeezu na tɩ lore a sɔ́r a, nɩr kãw tɩ zɔ na wa lo gbĩ dume a ʋ niŋé ɛ́ sowri ʋ: «Wul-wul-kara a, fʋ̃ʋ na ɩ nɩ-vla a, bʋ̃ʋ n'ʋ ɩ̃ na ɩ tʋ̃ɔ́ páw a nyɔ-vʋʋrʋ na be kʋralɛ a?»

Luka 10:25

Lɛ n'a Naaŋmɩn wulu bãw-bãw-kara kãw tɩ ìr ŋmãa a Yeezu pùor sowr'ʋ: «Wul-wul-kara a, bʋ̃ʋ n'ʋ ɩ̃ na ɩrɛ páw a nyɔ-vʋʋrʋ na be kʋralɛ a?»

Luka 18:18

Zifʋ mɩnɛ nɩ-kpɛ̃ɛ kãw tɩ sowr'ɩ a Yeezu: «Wul-wul-kara a, fʋ̃ʋ na ɩ nɩ-vla a, bʋ̃ʋ n'ʋ a fɛr k'ɩ̃ɩ ɩrɛ tʋ̃ɔ́ páw a nyɔ-vʋʋrʋ na be kʋralɛ a?»

Ʋrɔm 12:14

Nyɩ mɩ́ ƴɛ̀r nɔ-vla a bɛlɩ dem na dɔwrɛ nyɩ a ƴãw, nyɩ mɩ́ ƴɛ̀r nɔ-vla ɛ́ ta ŋmɩɛr ƴãwn bɛ ɩ.

Ʋrɔm 12:17

Nyɩ ta yarɛ nɩr kãw za yel-faa san ɛ. Nyɩ ƴãw fãw ɩrɛ a vla a nɩsaalbɛ za niŋé.

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

Ʋrɔm 8:30

A bɛlɩ dem a Naaŋmɩn na tɩ dãw bãwnɩ a, ʋ bʋɔlɩ bɛ na mɩ̀, a bɛlɩ dem ʋ na bʋɔlɩ a, ʋ mɩ̀ ɩ na bɛ lɩɛbɩ nɩ-mɩn, a bɛlɩ dem ʋ na ɩ bɛ lɩɛbɩ nɩ-mɩn a, ʋ mɩ̀ ɩ na kɛ̀ bɛ pʋɔ a ʋ yúor-vɩɛlʋ-danʋ pʋɔ.

Galasi 3:14

À ŋá n'a a ɩ, k'aa maalʋ a Naaŋmɩn na yel k'ʋʋ na kʋ̀ n a Abraham a, mɩ̀ ta a nɩ-bʋʋr-yoru a Yeezu Kɩrɩta ƴãw, ɛ́ a sàw-deb zũú, tɩ za páw a Vʋʋrʋ a Naaŋmɩn na yel k'ʋʋ na tɩr'a a.

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

1 Tesalonikɩ 5:15

Nyɩ gù vla nɩr za taa mɩ́ wa maalɛ faa yaarɛ nɩ a faa san ɛ. Ɛcɛ nyɩ nɩ̃ɛ mɩ́ ƴãw fãw maalɛ a vla kʋralɛ, a nyɩ cara pʋɔ nɩ a nɩbɛ za zie.

Ebre 12:17

Nyɩ bãwnɩ a na, a pùorí ʋ na wa bɔbr k'aa ʋ sãà ƴɛ̀r nɔ-vla kʋ̀ ʋ a, ʋ bɛ sàw a lɛ kʋ̀ ʋ ɛ. Ʋ tɩ bɔ n a lɛ ʋ na na ɩ lɩɛbɩ a yele a gu, ʋ na saa tɩ lɔbr nuru zɛlɛ kone nɩ a.

Ebre 6:14

Ʋ tɩ yel a: «Yel-mɩŋa za, ɩ̃ na maalɩ fʋ na, ɛ́ ɩ a fʋ bʋʋrɛ bɛ yãwmɛ yaga za.»

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Samɩɛl 26:11

Ɛcɛ a Sore taa sàwr ɩ̃ wa zɛwr nũu tʋɔr'ɩ a ʋ nɩ-kabra ɩ! Ɩ tɩ de a kafin a ʋ zu-sɔw, nɩ a kʋ̃ɔ kʋɔr cere nɩ, ɛ́ bɛr ʋ.»