1 Pɩɛr 3:8 - A SƐB-SÕW

⁸ Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Pɩɛr 3:8 ပူးပေါင်းရင်းမြစ်များ

Sɛb-sõw yielu 103:13

Mɛ̃ a lɛ sãà na mɩ́ zɔrɛ a ʋ bibiir nɩbaalʋ a, lɛ n'a a Sore zɔrɛ a bɛlɩ dem na zɔrɛ ʋ a nɩbaalʋ.

Zʋkpaɩ 28:8

Nɩr na zɔrɛ a bãbàalbɛ nɩbaalʋ a, ʋ na so nɩ a nɩr na kpɛ naalʋ ʋ na pɛ̃wnɛ nɩbɛ libie dier'ɩ dɔwlɛ yaga a tɛra.

Matie 18:33

A mɩ̀ bɛ tɩ fɛr kɛ́ fʋ zɔ a fʋ tɔ sob nɩbaalʋ mɛ̃ a lɛ ɩ̃ na zɔ a fʋ nɩbaalʋ a ɩ?”

Luka 10:33

Ɛcɛ Samaari tẽw dɛb kãw na tɩ cere ʋ yɔb zie a, wa ta na nyɛ̃ nɩr na gã a, ɛ̀ nɩbaalʋ kpɛ ʋ.

Nɩ-toni 2:1

A Pãtɩkɔtɩ cuw bibir na wa vɩɛ a, a yɛbr tɩ ɓã n taa bɛ za zi-been.

Nɩ-toni 27:3

A bio daarɩ́, tɩ tɩ ta n Sɩdɔ̃ siw. A Ziliyisɩ tɩ maal'a tɛr a Pol nɩ nɩsaalʋ, ʋ tɩ kʋ̀ ʋ nɩ sɔ́r k'ʋʋ cen tɩ puori a ʋ bárɩ, bɛ tʋ̃ɔ́ kaa a ʋ zie.

Nɩ-toni 28:7

Zie kãw tɩ pɩɛl'ɩ a be, bɛ yel kɛ́ a kʋ̃ɔ-kpɛ̃ɛ-sɔgɔ-tẽw nɩ-kpɛ̃ɛ za na dɩ Pibiliyisɩ a, ɛ́ ʋlɛ so ʋ. Ʋ tɩ tɛr tɩ na mɛ̃ ʋ bárɩ a, ɛ̀ tɩ kpɛ a be bibie ata.

Nɩ-toni 4:32

A nɩ-yaga bɛl za, na tɩ sàw de a Yeezu yele a, tɩ lãw nɩ soci-been nɩ tɩɛr-been. Kãw za bɛ mɩ́ tɩ yere kɛ́ ʋl yõ so a ʋ bʋ̃-tɛrɩ ɛ, ɛcɛ a bɛ bʋ̃-tɛrɩ za mɩ́ tɩ ɩ n a bɛ za dem.

Ʋrɔm 12:10

Nyɩ nɔnɛ taa mɛ̃ yɛbr a, nɩ nyɩ pʋɔ za, nyɩ ƴãwnɛ taa ciere taa.

Ʋrɔm 15:5

A Naaŋmɩn na ɩ su-nyɔwra nɩ mɔwlʋ sob a, ʋ ɩ nyɩ cɔwrɛ a Yeezu Kɩrɩta, wone taa vla a nyɩ cara pʋɔ.

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

1 Korɛ̃tɩ 12:26

A ƴã-gã-ɓɛrmɛ kãw wa wone tuo a, a ƴã-gã-ɓɛrmɛ za lãw nɩ ʋ na wone a tuo. A ƴã-gã-ɓɛrmɛ kãw wa nyɛrɛ ƴãwfʋ a, a ƴã-gã-ɓɛrmɛ za pʋɔ nɩ a ʋ nʋ̃ɔ̀ pʋɔ.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Efɛɛzɩ 4:31

Bom nɛ za na ɩ pʋ-sãwna, suur, su-ɩb, zɛbr-gɔmɛ bɩɩ zʋmɛ a, nyɩ ɩ a za bɔr a nyɩ zie, lãwnɩ a po-tuolu bʋʋrɛ za.

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

Filib 2:3

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na.

Filib 3:16

Alɛ saa ŋmɛ̃ ŋmɩŋmɩn a, nyɩ ɩ tɩ cãà lo a ʋlɩ sɔr-been nɛ.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

Ebre 13:1

Nyɩ cãà nɔnɛ taa mɛ̃ yɛbr a.

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Zakɩ 5:11

Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 2:17

Nyɩ ƴãwnɛ a nɩsaalbɛ za, nyɩ nɔnɛ a nyɩ yɛbr, nyɩ zɔrɛ a Naaŋmɩn, nyɩ ƴãwnɛ a na-kpɛ̃ɛ.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

2 Pɩɛr 1:7

Nyɩ nɔnɛ taa mɛ̃ yɛbr a, ƴãw pʋɔ a Naaŋmɩn ƴãwfʋ ƴãw, ɛ́ pãa baa tɛr a nɔ̃wfʋ ƴãw pʋɔ a yɛbr nɔ̃w-taa ƴãw.

1 Zã 3:14

Tɩɩm a, tɩ bãw na kɛ́ tɩ yi n a kũu pʋɔ kpɛ nyɔ-vʋʋrʋ pʋɔ, tɩ na nɔnɛ a tɩ yɛbr a ƴãw. Sob nɛ na bɛ tɛr a nɔ̃wfʋ a cãà na be a kũu pʋɔ.