1 Pɩɛr 3:7 - A SƐB-SÕW

⁷ Lɛ mɩ̀ n'a, a nyɩɩm sɩrbɛ, nyɩ lãw kpɩɛr'ɩ a nyɩ pɔwbɛ, ɛ́ bãwnɩ a bɛ na bɛ tɛr fãw a. Nyɩ ƴãwnɛ bɛ, nyɩɩm nɩ a bɛl nɛbɛ lãw a gbã-dɩ-bom na ɩ a nyɔ-vʋʋrʋ a Naaŋmɩn na kʋ̀ nyɩ a. Nyɩ ɩrɛ a lɛ kɛ̀ bom za ta piw a nyɩ puoru ɛ.

1 Pɩɛr 3:7 ပူးပေါင်းရင်းမြစ်များ

A Zɔb sɛbɛ 42:8

Ƴɛrɛŋa a, nyɩ bɔ nadɛɛ ayopõi nɩ pʋ́rɩ ayopõi cen nɩ tɩ páw nɩ a ɩ̃ tõ-tõ-bie Zɔb. Nyɩ na tɩ de a na maal'ɩ nyɩw-a-za-bàwr a nyɩ ƴãw, ɛ́ a ɩ̃ tõ-tõ-bie Zɔb puori kʋ̀ nyɩ. A ʋl ƴãw n'a ɩ̃ kʋ̃ dɔwrɩ nyɩ a nyɩ gẽgẽ-ƴɛ̀rʋ ƴãw ɛ, nyɩɩm na bɛ yel a yel-mɩŋa a ɩ̃ ƴãw mɛ̃ a lɛ a ɩ̃ tõ-tõ-bie Zɔb na yel a.»

Matie 18:19

«Ɩ̃ mɩ̀ cãà na lɛb yere kʋ̀rɛ nyɩ, a tẽw zu ka a, nɩbɛ ayi a nyɩ pʋɔ wa wõ taa zɛlɛ bom a, a ɩ̃ Sãà na be a tẽ-vla pʋɔ a, na kʋ̀ bɛ na.

1 Korɛ̃tɩ 7:3

A sɩr, ʋ tone a sɩr tome a ʋ pɔw zie, ɛ́ a pɔw mɩ̀ tone a pɔw tome a ʋ sɩr zie.

Efɛɛzɩ 3:6

A Naaŋmɩn yel-sɔwla ʋl n'ɩ ŋa: a Yel-nʋ̃ɔ̀ zũú, a Yeezu Kɩrɩta pʋɔ, ʋ ɩ na a nɩ-bʋʋr-yoru mɩ̀ pʋɔ a gbã-dɩ-bʋ̃-been nɛ pʋɔ, bɛ pʋɔ a ƴã-gã-been nɛ pʋɔ, nɩ a nɔ-been nɛ ʋ na ƴãw a pʋɔ.

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Efɛɛzɩ 5:33

Alɛ saa ŋmɛ̃ ŋmɩŋmɩn a, a fɛr'a kɛ́ nyɩ kãw za mɩ́ nɔnɛ a ʋ pɔw mɛ̃ a ʋl mɩŋa a, ɛ́ pɔw za ƴãwnɛ a ʋ sɩr.

Efɛɛzɩ 6:18

Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za.

Kɔlɔsɩ 3:19

Sɩrbɛ ɛ, nyɩ nɔnɛ a nyɩ pɔwbɛ, nyɩ ta mɩ́ sãwnɛ niwn ƴãwnɛ bɛ ɩ.

1 Tesalonikɩ 4:4

Kɛ́ ŋa za a nyɩ pʋɔ mɩ́ bãw a pɔw deb, mɩ́ de nɩ sonu nɩ ƴãwfʋ,

Títɩ̀ 3:7

k'aa ʋ maalʋ ŋa ɩ tɩ ɩ nɩ-mɩn a ʋ niŋé, ɛ́ ɩ nyɔ-vʋʋrʋ na be kʋralɛ a gbã-dɩrbɛ, mɛ̃ a lɛ tɩ na tɩɛrɛ a.

Ebre 1:14

A malkɩ mɩnɛ za bɛ ɩ bʋ̃-vʋbɛ na tɛr tõ-nɛ́ɛ, Naaŋmɩn mɩ́ tõ kɛ́ bɛ tɩ sõw a bɛlɩ dem na na nyɛ̃ a faafʋ a ɩ?

1 Pɩɛr 3:1

Lɛ mɩ̀ n'a, a nyɩɩm pɔwbɛ, nyɩ sàwr a nyɩ sɩrbɛ nʋɔr, kɛ̀ bɛ mɩnɛ saa wa zawrɩ a Naaŋmɩn ƴɛ̀rʋ sàw deb a, bɛ̃ɛ sàw de ɛ́ nɩr bɛ ƴɛ̀r ƴɛ̀rʋ ɛ, a bɛ pɔwbɛ na ɩrɛ vla a ƴãw.