1 Pɩɛr 3:4 - A SƐB-SÕW

⁴ A nyɩ vɩɛlʋ, a ɩ a nyɩ nɩsaal ʋl na sɔwlɩ a vɩɛlʋ, su-nʋ̃ɔ̀ tɩɛrʋ nɩ ƴã-ɓaarʋ tɩɛrʋ vɩɛlʋ na bɛ tɛr sãwfʋ a. A vɩɛlʋ ŋa ɩ n bʋ̃-sɩza a Naaŋmɩn zie.

1 Pɩɛr 3:4 ပူးပေါင်းရင်းမြစ်များ

Sɛb-sõw yielu 131:2

Ɩ̃ nɩ̃ɛ bɛ mɩ́ damnɛ ɩ, ɛ́ ɩrɛ zoom zoom, mɛ̃ bie na zɩ̃ a ʋ mã gbɛ́ɛ zu a, ɩ̃ bɛ mɩ́ damnɛ ɩ, ɛ́ zɩ̃ zoom mɛ̃ a bi-cãpile ŋa a.

Sɛb-sõw yielu 147:6

A Sore mɩ́ nyɔw nɩ a bãbàalbɛ bɛ lɛb ìr, ɛ́ siwri a nɩ-faar tɩ tɔ n a tẽw.

Sɛb-sõw yielu 149:4

Bʋ̃ʋ n'ʋ vɛ̃, nʋ̃ɔ̀ ɩrɛ nɩ a Sore a ʋ nɩ-bʋʋrɛ ƴãw, ʋ mɩ́ faa nɩ a bãbàalbɛ, ɩ bɛ nyɛ̃ ƴãwfʋ.

Sɛb-sõw yielu 25:9

Ʋ mɩ́ ɩ n a bãbàalbɛ bɛ lo a mɩnʋ sɔ́r, ʋ mɩ́ wul'ɩ a ʋ sɔ́r a bãbàalbɛ.

Sɛb-sõw yielu 45:13

A Tɩ́ɩ̀r tẽw dem, a nɩ-bʋʋrɛ bɛl na tɛr a zuo a nɩbɛ za a na waar'ɩ nɩ bome a fʋ kʋ̀b, kɛ́ bɛ ɩ lɛ fʋ nɔnɛ bɛ.

Sɛb-sõw yielu 51:6

Fʋ̃ʋ yõ, fʋ̃ʋ yõ tẽtẽ n'ʋ ɩ̃ sãw, ʋlɩ bom nɛ na bɛ vɩɛl a fʋ zie a, ʋlɛ n'ʋ ɩ̃ maalɩ. Lɛ so, fʋ̃ʋ wa ƴɛ̀rɛ a, fʋ mɩ́ tɛr'ɩ yel-mɩŋa, fʋ bɛ tɛrɛ sãwna bɛ yere a fʋ ƴɛ̀rʋ-dɩb pʋɔ ɩ.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Zeremi 51:59

Seraya, na ɩ Neriya bidɛb nɩ Maaseya yãw a, tɩ ɩ n a sojarɩ nɩ-kpɛ̃ɛ ʋl na tone a Zuda tẽw nãà, Sedesɩasɩ, tome a. A Sedesɩasɩ naalʋ-dɩb yome anaar sob daar, a Seraya tɩ bɩɛlɩ ʋ na cen nɩ a Babɩlɔn. Zeremi mɩ̀ tɩ sɛb'ɩ sɛb-pila zu a kpɩɛrʋ al za na sɛw k'aa páw a Babɩlɔn a, a ƴɛ̀rʋ al za bɛ na sɛb a tẽ-kpɛ̃ɛ ŋa ƴãw a.

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Matie 21:5

“Nyɩ yel a Sɩyɔ̃ tẽw dem: a nyɩ nãà n'ɩ ŋan waar a nyɩ zie, siwr ʋ tʋɔra zɔm bõw-nyãw, bõw-nyãw bile.”»

Matie 23:26

Faarizɩ̃ɛ zɔ̃w i! De niwn pɛ́w a koli-nyúura pʋɔ, lɛ n'a a zikur mɩ̀ na vɩɛl.

Matie 5:5

Zu-nʋ̃ɔ̀ dem'ɩ a soci-baalʋ dem, bɛ na páw nɩ a tẽw a Naaŋmɩn na yel k'ʋʋ na tɩr a a.

Luka 11:40

Dãbole bɛ ŋa! A sob nɛ na ír a bome na mɩ́ sãá bɛ nyɛ̃ a, ʋlɛ bɛ n'ʋ mɩ̀ ír a nɩsaal pʋɔ ɩ?

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Ʋrɔm 1:23

Bɛ de nɩ a Naaŋmɩn na bɛ tɛr kũu daar a yúor-vɩɛlʋ-danʋ tɛw nɩ nɩsaal na ɩ bʋ̃-kpiira a dasule, tɛw nɩ bʋ̃-pɩgɛ nɩ dʋ̃-gbɛ́ɛ-anaɩ nɩ bʋ̃-vuri dasuli.

Ʋrɔm 2:29

Ɛcɛ a Zifʋ tɔr za n'ɩ a sob nɛ na ɩ ʋ nɩ ʋ pʋɔ a, ɛ́ a yʋ̀ɔr ŋmãafʋ ɩ socir pʋɔ ŋmãafʋ a, yʋ̀ɔr ŋmãafʋ na yi Naaŋmɩn Vʋʋrʋ zie ɛ́ bɛ yi Wulu na sɛb a pʋɔ a. A Zifʋ tɔr za ŋa bɛ nyɛrɛ a ʋ danʋ nɩsaalbɛ zie ɩ, Naaŋmɩn zie n'a ʋ nyɛrɛ a ʋ danʋ.

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Ʋrɔm 7:22

A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 4:16

Alɛ so tɩ bɛ be za nãà bàl bɛr ɛ. A tɩ nɩsaal ʋl na sãá a saa sãwnɛ cere a, a tɩ nɩsaal ʋl na be a pʋ̃ɔmɩ a, lɩɛbɛ nɩ paala bibir za.

Galasi 5:23

nɩsaal bàálʋ-ɩb, tʋɔra-nyɔwfʋ. A Moyiir wulu bɛ diwr a yele á ŋá taabɛ bɛrɛ ɩ.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

Kɔlɔsɩ 3:3

Nyɩ sɩrɩ na lãw nɩ a Kɩrɩta kpi, ɛ́ a nyɩ nyɔ-vʋʋrʋ lãw nɩ ʋ sɔwlɩ be a Naaŋmɩn zie.

1 Tesalonikɩ 4:11

Nyɩ ƴãw fãw be ƴã-ɓaarʋ pʋɔ, nyɩ kaarɛ a nyɩ mɩŋa yele zie, ɛ́ tone nɩ a nyɩ nuru mɛ̃ a lɛ tɩ na yel kʋ̀ nyɩ a.

2 Tesalonikɩ 3:12

Tɩ yere na kʋ̀rɛ a nɩbɛ bɛ ŋa, ɛ́ kpaalɛ bɛ a Sore Yeezu Kɩrɩta yúor ƴãw, kɛ́ bɛ tone zoomlɛ, ɛ́ dɩrɛ a bɛ nuru bome.

1 Timote 2:2

a na-mɩnɛ nɩ a bɛlɩ dem za na dɩ nɩ-kpɛ̃ɛnʋ a ƴãw: kɛ̀ tɩ taa nyɛrɛ damnʋ ɛ, ɛ́ tɛr ƴã-ɓaarʋ a tɩ nyɔ-vʋʋrʋ pʋɔ, ƴãwnɛ a Naaŋmɩn ɛ́ tɛr ɩb na sɛw taa nɩ a.

2 Timote 2:25

Bàalʋ bàalʋ lɛ n'a a sɛw k'ʋʋ mɩ́ wule a bɛlɩ dem na mɩ́ ŋmɛ a ʋ ƴɛ̀rʋ lɔb a. Ãa bãw, Naaŋmɩn nãà ɩ na bɛ lɩɛbɩ a bɛ ɩb bãw a yel-mɩŋa,

Títɩ̀ 3:2

Kɛ́ bɛ ta tʋʋr nɩr za ɩ, kɛ́ bɛ ciir nɔhaarʋ ɛ́ tɛr su-ɓaarʋ ɩb, ɛ́ ɩ nɩsaal-bàalʋ kʋralɛ a nɩbɛ za zie.

Zakɩ 1:21

A na ɩ à ŋá a, nyɩ ír dɛwr za bɛr a nyɩ zie nɩ a po-tuolu yel-bɛ-sɛwrɩ za. Nyɩ sàw de a ƴɛ̀rʋ nɩ su-nʋ̃ɔ̀ a Naaŋmɩn na ƴãwnɛ a nyɩ pʋɔ a, a ƴɛ̀rʋ ŋa na tʋ̃ɔ́ na faa nyɩ.

1 Pɩɛr 1:23

Nɩsaal na na wɛ a, ʋlɛ bɛ n'ʋ ɩ nyɩ lɛb dɔw ɛ, a Naaŋmɩn ƴɛ̀rʋ na vʋʋrɛ ɛ́ be kʋralɛ a, ʋlɛ n'ʋ ɩ nyɩ lɛb dɔw.

1 Pɩɛr 3:15

Ɛcɛ nyɩ ƴãwnɛ a Kɩrɩta na ɩ Sore a, a nyɩ socie pʋɔ. Ɛ́ a Naaŋmɩn ƴãw nyɩ na ƴãw a nyɩ tɩɛrʋ a, nyɩ cɔbrɩ gù a tɩɛrʋ ŋa manʋ nɩr za nãà wa sowre nyɩ a pɛr a.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»