1 Pɩɛr 3:3 - A SƐB-SÕW

³ Nyɩ ta mɩ́ ɩ a nyɩ vɩɛlʋ ɩ ƴã-gan vɩɛlʋ ɛ: a zu nyɩ na mɩ́ 'lẽ gãgoli a, a tokpamɛ nɩ a salm-zɩɛ pɩ̃ɛmɛ, a dɛpaal bʋ̃-suuri.

1 Pɩɛr 3:3 ပူးပေါင်းရင်းမြစ်များ

Yele-za-pɛr-tib 24:22

A nyɔ̃wmɩ na wa nyũ baar'a, a dɛb de nɩ salm-zɩɛ nyɔ-bãw na tɩbrɛ ta gɩram ayʋɔb a, nɩ salm-zɩɛ nuru bamɛ ayi, kãw za na tɩbrɛ zuo gɩram kʋba a (100), kʋ̀ a pɔwsɩrale,

Yele-za-pɛr-tib 24:47

Ɩ̃ tɩ sowr'ʋ na: “Ãa pɔwyaa nɛ b?” Ʋ sɔw: “Betuwɛl pɔwyaa nɛ m, ɛ́ ɩ Mɩlka nɩ Nahɔɔr yãw.” Lɛ n'a ɩ̃ tɩ ƴãw ʋ a bãw a nyʋɔrɩ́, ɛ́ ƴãw ʋ a bamɛ a nurú.

Yele-za-pɛr-tib 24:53

Al pùorí, ʋ ír salm-pla nɩ salm-zɩɛ pɩ̃ɛmɛ nɩ kparɩ a ʋ tuor pʋɔ kʋ̀ a Erebeka. Ʋ mɩ̀ tɩ kʋ̀ n bʋ̃-vɩɛlɩ vɩɛlɩ a powle yɛ-dɛb nɩ a ʋ mã.

2 Na-mɩnɛ 9:30

A Zezabɛl tɩ wõ n a lɛ a yele za na ɩ a. Lɛ n'a ʋ tɩ ƴãw mimi-laara, ɛ́ maalɩ ʋ tʋɔra tɩ vɩɛl vɩɛl. Ɛ́ a Yehu na wa ta a Izireyɛl a, ʋ cen tɩ àr a tokoro vʋɔr ƴãw.

Sɛb-sõw yielu 45:9

A mɩ́ɩ̀r, a kanɛl, nɩ a alowɛsɩ nyũu, pàw nɩ a fʋ bʋ̃-suuri za. Korijom ŋmɩɛrʋ na ɩrɛ fʋ nʋ̃ɔ̀ a, ŋmɩɛr'a yire a fʋ diru bɛ na maalɩ, ɛ́ ƴãw wɔb nyɩmɛ bʋ̃-vɩɛlɩ a pʋɔ.

Eziptɩ tẽw yib 3:22

A Ɩsɩrayɛl nɩbɛ pɔw za na zɛlɩ nɩ salm-pla nɩ salm-zɩɛ bome nɩ kparɩ a Eziptɩ tẽw pɔwbɛ na kpɩɛr a bɛ yie pʋɔ bɩɩ a bɛ sɩman pʋɔ a zie. Nyɩ na tuo a nɩ a nyɩ bidɛbr nɩ a nyɩ pɔwyaar. À ŋá n'a nyɩ na fà a Eziptɩ tẽw dem.»

Eziptɩ tẽw yib 32:2

A Aarɔ̃ tɩ sɔw bɛ na: «Nyɩ yaarɩ a salm-zɩɛ tokpamɛ a nyɩ pɔwbɛ, a nyɩ bidɛbr nɩ a nyɩ pɔwyaar na ƴãw a, wa kʋ̀ m.»

Eziptɩ tẽw yib 33:4

A nɩbɛ na tɩ wõ a ƴɛ̀r-bi-kpɛn á ŋá a, pʋ-sãwna tɩ tɛr bɛ na. Nɩr za bɛ tɩ sàw ƴãw a ʋ pɩ̃ɛmɛ ɩ.

Eziptɩ tẽw yib 35:22

A dɛbr nɩ pɔwbɛ bɛl pʋʋr na pɛlɩ a tɩ wa n nɩ salm-zɩɛ pɩ̃ɛmɛ bʋʋrɛ za, pɩ̃ɛmɛ bɛ na mɩ́ caw kparʋ ƴãw a, bãw-vilovilo, nũ-tʋɛ bɩɩ kɔkɔrɩ́ pɩ̃ɛmɛ. Bɛ tɩ de a na kʋ̀ a Sore tu n a lɛ bɛ na mɩ́ ɩ de a bome kʋ̀ a Sore a.

Eziptɩ tẽw yib 38:8

Al pùorí, a Besalɛl tɩ maal'ɩ a kur-zɩɛ-dʋw, ɛ́ mɩ̀ maalɩ a ʋ dɔwlʋ zie nɩ a kur-zɩɛ. A pɔwbɛ na mɩ́ tɩ tone a tuor-taa pɛn-sɛw dɩ̃dɔrɩ́ a kur-zɩɛ caalɩ n'a ʋ tɩ de maal'ɩ.

Ɩzayi 52:1

Ìr, Sɩyɔ̃ tẽw i, ìr! Wul a fʋ kpɛnʋ! Zerizalɛm, tẽ-kpɛ̃ɛ-sõw i, su a fʋ dɛpaal bʋ̃-suuri. Bʋ̃ʋ n'ʋ vɛ̃, a nɩ-sãanbɛ nɩ a dɛwr dem kʋ̃ lɛb wa a fʋ zie towtow ɛ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 4:30

Ɛcɛ a fʋ̃ʋ, Zerizalɛm i, bʋ̃ʋ n'ʋ fʋ na ɩ? Fʋ su n pɛn-vɩɛlɩ vɩɛlɩ, ƴãw salm-zɩɛ pɩ̃ɛmɛ, ɛ́ ƴãw mimi-laara yɛ̀lɩ nɩ a fʋ mimie. Ɛcɛ zawla n'a fʋ maalɛ fʋ tʋɔra kɛ́ fʋ vɩɛl, a bɛlɩ dem na zɔrɛ tuur fʋ a jewre fʋ na, a fʋ kũu n'a bɛ bɔbr.

Ezekɩɛl 23:40

Lɛb waar mɩ̀, bɛ tɩ tõ n nɩr ʋ tɩ bʋɔlɩ tẽ-zãánɩ dɛbr. Bɛ na dɛ wa wõ a bɛ bʋɔlʋ a, bɛ ta n fɔ̃wlɛ a bɛ zie. A dɛbr ƴãw a, bɛ tɩ so n kʋ̃ɔ, ƴãw kpal, ɛ́ ƴãw pɩ̃ɛmɛ.

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

1 Pɩɛr 3:2

A nyɩ cenu na vɩɛl ɛ́ nyɩ ƴãwnɛ nɩbɛ a, a nyɛ́b tɛwr na sɛw bɛ na.