1 Pɩɛr 2:9 - A SƐB-SÕW

⁹ Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 2:9 ပူးပေါင်းရင်းမြစ်များ

Sɛb-sõw yielu 106:5

Lɛ n'a tɩ na nyɛ̃ a bɛlɩ dem fʋ na kaa ír a nʋ̃ɔ̀, tɩ na lãwnɩ a fʋ nɩ-bʋʋrɛ cɩlɛ, ɛ́ danɛ tɩ tʋɔra lãwnɩ a nɩbɛ fʋ na só a.

Sɛb-sõw yielu 118:27

— A Sore ɩ n Naaŋmɩn, ʋ caalɩ tɩ na nɩ a ʋ cãà! Nyɩ cɔrɩ nɩ a nyɩ váar tɩ ta n a bàwr-maal-kuur ɩ́lɛ́ ƴãw.

Sɛb-sõw yielu 135:4

A Sore kaa na ír a Zakɔb a ʋl mɩŋa ƴãw, ʋ ɩ na a Ɩsɩrayɛl lɩɛbɩ a ʋ bʋ̃-sora mɩŋa.

Sɛb-sõw yielu 22:30

A tẽw nũ-kpɛn dem za na dɩ na ɛ́ gbĩ dume gũu tɩ tɔ tẽw a ʋ niŋé. Bɛlɩ dem za na lɛb lɩɛbɛ uuru a, na gbĩ n dume gũu tɩ tɔ tẽw a ʋ niŋé — a bɛlɩ dem na kpiir a.

Sɛb-sõw yielu 33:12

Zu-nʋ̃ɔ̀ dem'ɩ a tẽw ʋl dem a Sore na ɩ a Naaŋmɩn a, zu-nʋ̃ɔ̀ dem'ɩ a nɩ-bʋʋrɛ bɛl ʋ na kaa ír so a.

Sɛb-sõw yielu 73:15

Ɛcɛ mãa tɩ yel k'ɩ̃ɩ na ƴɛ̀rɛ na mɛ̃ a bɛl a, Naaŋmɩn i, ɩ̃ nãà mɩl'ɩ a fʋ bibiir.

Ɩzayi 26:2

Nyɩ yuo a dɩ̃dɛɛ, nyɩ bɛr a nɩ-bʋʋrɛ na tuur a mɩnʋ a bɛ kpɛ, bɛl na bɛ lɛb pùor a.

Ɩzayi 41:8

Ɛcɛ fʋ̃ʋ a, Ɩsɩrayɛl i, fʋ ɩ n a ɩ̃ tõ-tõ-bie, Zakɔb i, fʋ ɩ n a nɩ-bʋʋrɛ ɩ̃ na kaa ír a, a ɩ̃ bá Abraham bʋʋrɛ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 44:1

Ɛcɛ ƴɛrɛŋa a, bɛrɛ wone, ɩ̃ tõ-tõ-bie Zakɔb i, fʋ̃ʋ Ɩsɩrayɛl ɩ̃ na kaa ír a.

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Ɩzayi 62:12

Bɛ na bʋɔlɛ bɛ nɩ “Nɩ-bʋʋr-sõw”, “nɩbɛ a Sore na ya de a”. Ɛ́ fʋ̃ʋ, Zerizalɛm i, bɛ kʋ̃ cãà bʋɔlɛ fʋ “a tẽ-kpɛ̃ɛ bɛ na zawrɩ bɛr a ɩ”, bɛ na bʋɔlɛ fʋ nɩ “tẽ-kpɛ̃ɛ bɛ na bɔbr a”.

Ɩzayi 66:21

Ɩ̃ mɔ̃ mɩ̀ na kaa na ír bàwr-maalbɛ nɩ levitɩ mɩnɛ a nɩ-bʋʋrɛ bɛ ŋa pʋɔ. A Sore n'ʋ yel.»

Ɩzayi 9:2

Sore e, fʋ ɩ na a cɩlʋ laarɩ bɛ, fʋ ɩ na a bɛ nʋ̃ɔ̀ kpɛ kpɛ̃ɛ. Bɛ cɩlɛ nɩ a fʋ niŋé mɛ̃ kɔb bome bɛ na mɩ́ dier cɩlɛ nɩ a, mɛ̃ dɔ̃ dem na-bome bɛ na mɩ́ pone ŋmɩɛr'ɩ nʋ̃ɔ̀ cɛlsɩ a.

Malasɩ 3:17

Al pùorí, a Sore kpɛnʋ-za-sob tɩ yel: «A bibir ʋl ɩ̃ na cɔbrɛ a vɩɛfʋ daar a, bɛ na ɩ n a ɩ̃ nɩ-sori, a ɩ̃ nɩ-bʋʋrɛ ɩ̃ na so a. Ɩ̃ na zɔ n bɛ nɩbaalʋ, mɛ̃ sãà na zɔrɛ a ʋ bie, na tone a ʋ tome a, nɩbaalʋ a.

Matie 4:16

A nɩ-bʋʋrɛ bɛl na tɩ be lige pʋɔ a, nyɛ̃ nɩ cãà kpɛ̃ɛ. Cãà caal'ɩ a bɛl na tɩ be a kũu tẽ-lige pʋɔ a.»

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Luka 1:79

Ʋ tɩ pur'a, k'ʋʋ caalɩ a bɛlɩ dem na be a lige pʋɔ nɩ a kũu ɓaarʋ́ a, ɛ́ tɛr tɩ lo n a ƴã-ɓaarʋ sɔ́r.»

Zã 17:19

Ɩ̃ dier'ɩ ɩ̃ tʋɔra kʋ̀rɛ fʋ k'ɩ̃ɩ ɩ sõw a bɛl ƴãw, kɛ̀ bɛ mɩ̀ ɩ son a fʋ ƴãw nɩ yel-mɩŋa.»

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Nɩ-toni 26:28

Lɛ n'a a Agɩrɩpa lɩɛb yel a Pol: «Fʋ tɩɛr kɛ́ fʋ ɩ ɩ̃ lɩɛbɩ kɩrɩta-nɩr fɔ̃wlɛ à ŋá ʋ?»

Ʋrɔm 9:24

Tɩ mɩ̀ pʋɔ na, tɩɩm ʋ na bʋɔlɩ, a bɛ ɩ a Zifʋ mɩnɛ tɛwr pʋɔ, ɛ́ mɩ̀ ɩ a nɩ-bʋʋr-yoru pʋɔ a.

1 Korɛ̃tɩ 3:17

Nɩr wa sãw a Naaŋmɩn yir bɛr a, Naaŋmɩn mɩ̀ na sãw nɩ a ʋ sob bɛr. Bʋ̃ʋ n'ʋ vɛ̃, a Naaŋmɩn yir ɩ n sõw, ɛ́ nyɩmɛ n'ɩ a yir ŋa.

Efɛɛzɩ 1:14

a tɩ gbã-dɩ-bom bʋ̃-dãw tɩ páw sɛr, gùre nɩ a faafʋ za tɩ nãà wa páw a Naaŋmɩn yúor-vɩɛlʋ-danʋ ƴãw a.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Efɛɛzɩ 3:21

ʋlɛ so yúor-vɩɛlʋ-danʋ a Lãw-yir pʋɔ a Yeezu Kɩrɩta yúor ƴãw, kʋralɛ nɩ yome yome za. Amɛn.

Wulu-ayi-sob 10:15

Ɛcɛ a koro koro a, a nyɩ sãàkʋm-kore pùor'a a Sore tɩ tu k'ʋʋ nɔnɛ bɛ, ɛ́ ƴɛrɛŋa a, a nyɩɩm na ɩ a bɛ bʋʋrɛ a, nyɩmɛ nɛbɛ ʋ kaa ír a nɩ-bʋʋrɛ za pʋɔ, mɛ̃ nyɩ na nyɛ̃ a dɩ̃a a.

Wulu-ayi-sob 14:2

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore na sʋ̃ɔmɩ bul so a. Nyɩmɛ nɛbɛ ʋ kaa ír a tẽw zu nɩ-bʋʋrɛ za pʋɔ, kɛ́ nyɩ ɩ a ʋ na-bom.

Wulu-ayi-sob 18:2

A levitɩ mɩnɛ kʋ̃ tɛr tẽsɔwr a Ɩsɩrayɛl nɩbɛ ŋmãa sɔgɔ ɩ. A bɛ bom'ɩ a Sore, mɛ̃ a lɛ ʋ na yel kʋ̀ bɛ a.

Wulu-ayi-sob 4:20

Ɛcɛ a nyɩɩm a, a Sore de nyɩ na, tɛr nyɩ yi n a Eziptɩ wʋ̀ʋr-kpɛ̃ɛ pʋɔ, kɛ́ nyɩ tʋ̃ɔ́ lɩɛbɩ a nɩ-bʋʋrɛ ʋ na so a, mɛ̃ à à ŋá nyɩ na ɩ ʋ a dɩ̃a a.

Wulu-ayi-sob 7:6

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore nyɩ Naaŋmɩn na so a. Nyɩmɛ nɛbɛ a Sore kaa ír, a tẽw zu nɩ-bʋʋrɛ za pʋɔ, kɛ́ nyɩ ɩ nɩ-bʋʋrɛ ʋ na sʋ̃ɔmɩ bul so a.

Filib 3:14

Ɩ̃ zɔrɛ na wɩɛr a tab zie, k'ɩ̃ɩ tɩ tʋ̃ɔ́ páw a sã-ya ʋl a Naaŋmɩn na bʋɔlɛ tɩ kɛ́ tɩ wa páw a Kɩrɩta ƴãw a saa-zu a.

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 20:6

Bɛlɩ dem na pʋɔ a kũu-pʋɔ-lɛb-yibu dãw-niwn sob ŋa pʋɔ a, bɛ ɩ n zu-nʋ̃ɔ̀ dem ɛ́ ɩ Naaŋmɩn nɩ-sori. A kũu-gb'a ayi sob bɛ ɩrɛ bɛ bom za ɩ: bɛ na ɩ n a Naaŋmɩn nɩ a Kɩrɩta bàwr-maalbɛ, ɛ́ bɛ na lãw nɩ nɩ a Kɩrɩta dɩ naalʋ yome túr (1 000).

Yel-wula 5:10

Fʋ ɩ na bɛ ɩ na-mɩnɛ nɩ-bʋʋrɛ nɩ bàwr-maalbɛ a tɩ Naaŋmɩn ƴãw, ɛ́ bɛ na dɩrɛ nɩ naalʋ a tẽw zu.»

1 Samɩɛl 12:22

Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.