1 Pɩɛr 2:8 - A SƐB-SÕW

⁸ «Ɛ́ ɩ a kʋsɩɛr ʋl ƴãw bɛ na mɩ́ ŋmɩɛr gbɛ́ɛ a, pìir kʋsɩɛr na ɩrɛ bɛ lore a.» A bɛlɩ dem na bɛ sàw de a, bɛ ŋmɩɛr'ɩ gbɛ́ɛ a ʋ ƴãw, a bɛ na bɛ sàw de a Naaŋmɩn ƴɛ̀rʋ a zũú. Ɛ́ lɛ n'a a tɩ fɛr k'aa ɩ a bɛ zie.

1 Pɩɛr 2:8 ပူးပေါင်းရင်းမြစ်များ

A Zɔb sɛbɛ 23:14

Ʋlɩ bom nɛ ʋ na mɩ́ yel a ɩ̃ ƴãw a, ʋ mɩ́ ɩ ʋ na, mɛ̃ a lɛ ʋ na mɩ́ ɩ a yele al za a ʋ pʋ-tɩɛrʋ na tɩɛrɩ bin a.

Eziptɩ tẽw yib 9:16

Ɛcɛ ɩ̃ bɛr fʋ na fʋ cãà k'ɩ̃ɩ wul a ɩ̃ kpɛnʋ, ɛ́ a ɩ̃ yúor yi a tẽw zu ziir za.

Ɩzayi 37:26

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá koro kãw za, daar na bɛ gbʋ́r a n'a ɩ̃ tɩɛrɩ a bɛr, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ kɛ́ fʋ wa ɩ a tẽ-bɛrɛ bɛ na cɔbrɩ a kpɛmɛ a zɛbr ƴãw a, a lɩɛbɩ a deboru.

Ɩzayi 57:14

A Sore yel a: «Nyɩ maalɩ a sɔ́r, nyɩ ɩ fɔ̃w, nyɩ puo a sɔ́r, nyɩ ír a bome na piw a ɩ̃ nɩ-bʋʋrɛ sɔ́r a bɛr.»

Ɩzayi 8:14

Ʋ na ɩ n zi-sõw, kʋsɩɛr ƴãw bɛ na ŋmɩɛr gbɛ́ɛ a, pìir kʋsɩɛr na ɩrɛ bɛ lore a, a Ɩsɩrayɛl yie a za ayi ƴãw. Ʋ na ɩ n mɩ̃ɛ nɩ bɛra a Zerizalɛm tẽw dem ƴãw.

Luka 2:34

A Sɩmɩ̃ɔ tɩ maalɩ bɛ na ɛ́ yel a bie mã Marya: «Nyɛ̃, a fʋ bie ŋa na so na nɩ-yaga lo ɛ́ nɩ-yaga lɛb ìr a Ɩsɩrayɛl bʋʋrɛ pʋɔ, ʋ na ɩ n bãwfʋ bɛ ŋmɩɛr'ɩ nɔkpɛn.

Ʋrɔm 9:22

Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

1 Korɛ̃tɩ 1:23

Ɛcɛ tɩɩm a, Kɩrɩta bɛ na kpa da-gara zu a n'ʋ tɩ hiere: ʋ ɩ n yel-faa na bɛ sɛw taa nɩ a, a Zifʋ mɩnɛ zie, ɛ́ ɩ gẽgemi a nɩ-bʋʋr-yoru zie.

2 Korɛ̃tɩ 2:16

Bɛ ŋa zie a, kũu nyũu na waar'ɩ kũu a n'a, ɛ́ bɛ ŋa zie a ɩ nyɔ-vʋʋrʋ nyũu na waar'ɩ nyɔ-vʋʋrʋ a. Ɛ́ ãa n'ʋ sɛw taa nɩ a ton ŋa tɔ?

Galasi 5:11

Mãa ƴãw a, yɛbr i, mãa tɩ ɩ mɛ̃ ɩ̃ cãà na kanɛ k'aa fɛr'a kɛ́ bɛ mɩ́ ŋmãa a yʋ̀ɔr a, bʋ̃ʋ ƴãw n'a bɛ nãá cãà dɔwrɛ mɛ̃? A lɛ pʋɔ a, a Kɩrɩta da-gara zu kũu ƴɛ̀rʋ kʋ̃ʋ damnɛ nɩr za ɩ.

1 Tesalonikɩ 5:9

Bʋ̃ʋ n'ʋ vɛ̃, a Naaŋmɩn bɛ ír tɩ ƴãw a ʋ suur ƴãw ɛ, ʋ ír tɩ na ƴãw kɛ́ tɩ wa páw a faafʋ a tɩ Sore Yeezu Kɩrɩta ƴãw.

1 Pɩɛr 2:6

Lɛ so bɛ sɛb a Sɛb-sõw pʋɔ kɛ́: «Mãa n'ɩ ŋa n ƴãwnɛ dacĩ-goraa kʋsɩɛr a Sɩyɔ̃ tẽw pʋɔ, kʋsɛ-yúor ɩ̃ na kaa ír a. Ʋlɩ sob na de a ʋ tɩɛrʋ ƴãw a ʋ ƴãw a, ʋ kʋ̃ nyɛ̃ vĩ ɛ.»

1 Pɩɛr 2:7

A na ɩ lɛ a, nyɩɩm na sàw de a Naaŋmɩn a, nyɩmɛ so ƴãwfʋ. Ɛcɛ a bɛlɩ dem na bɛ sàw de a ƴãw, «a kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr», nɩ kɛ́:

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.