1 Pɩɛr 2:7 - A SƐB-SÕW

⁷ A na ɩ lɛ a, nyɩɩm na sàw de a Naaŋmɩn a, nyɩmɛ so ƴãwfʋ. Ɛcɛ a bɛlɩ dem na bɛ sàw de a ƴãw, «a kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr», nɩ kɛ́:

1 Pɩɛr 2:7 ပူးပေါင်းရင်းမြစ်များ

Ɩzayi 28:5

A ʋlɩ bibir nɛ a, a Sore, a kpɛnʋ-za-sob, na ɩ n a ʋ nɩ-bʋʋrɛ na cɛ a nãà-kpawɔ-yúor nɩ kɔkɔrɩ́ bãzɔl-vla vla.

A naaŋmɩn-ƴɛ̀r-manɛ Aaze sɛbɛ 2:7

Ɩ̃ na dam'ɩ a nɩ-bʋʋr-yoru za, ɛ́ a bɛ na-bome na wa n yaga a ka, ɩ̃ɩ na kʋ̀ n vɩɛlʋ yaga a yir-kpɛ̃ɛ ŋa. A mãa Sore, a Kpɛnʋ-za-sob'ʋ yere.

Zakari 4:7

Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»

Matie 21:42

A Yeezu lɛb yel bɛ: «Nyɩ bɛ dãw kanɩ a ƴɛ̀r-bie á ŋá a Sɛb-sõw pʋɔ ɩ? “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr, a Sore n'ʋ tõ à à ŋá: nɔ-ɓãa-yel ʋ a tɩ zie.”

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Luka 2:34

A Sɩmɩ̃ɔ tɩ maalɩ bɛ na ɛ́ yel a bie mã Marya: «Nyɛ̃, a fʋ bie ŋa na so na nɩ-yaga lo ɛ́ nɩ-yaga lɛb ìr a Ɩsɩrayɛl bʋʋrɛ pʋɔ, ʋ na ɩ n bãwfʋ bɛ ŋmɩɛr'ɩ nɔkpɛn.

Luka 20:17

Ɛcɛ a Yeezu tɩ jɩ́r bɛ nɩ gbẽgbẽ ɛ́ sowri bɛ: «Alɛ wa ɩ à ŋá a, a Sɛb-sõw ƴɛ̀r-bir ŋa pɛr'ɩ bo: “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr?”

Zã 4:42

Bɛ tɩ yere nɩ a pɔw zie: «Ƴɛrɛŋa a, fʋ̃ʋ na yel a bɛ cãà n'a so tɩ sàw ɛ. Tɩ mɩ̀ wõ n a ʋ ƴɛ̀rʋ, ɛ́ tɩ bãw na kɛ́ ʋlɛ sɩrɩ n'ɩ a tẽ-daa Faarɛ.»

Nɩ-toni 26:19

«A na tɩ ɩ à á ŋa a, nãà Agɩrɩpa a, ɩ̃ bɛ zawrɩ na tu a nyɛ́b ŋa na yi a saa-zu wa ɩ̃ nyɛ̃ a ɩ.

Ʋrɔm 10:21

Ɛcɛ à ŋá n'a ʋ yel càar'ɩ a Ɩsɩrayɛl nɩbɛ: «Ɩ̃ tur'ɩ nuru bibi-ɓil za cɔw nɩbɛ na bɛ sàwr nʋɔr ɛ́ ɩ nɩ-gaarɩ a.»

Ʋrɔm 15:31

Nyɩ puore k'ɩ̃ɩ taa lore a Zude tẽw nɩbɛ bɛl na bɛ sàw de a nuru pʋɔ ɩ, ɛ́ a sõwfʋ ɩ̃ na cere nɩ a, a kɩrɩta-nɩbɛ sàw de ʋ vla.

2 Korɛ̃tɩ 2:16

Bɛ ŋa zie a, kũu nyũu na waar'ɩ kũu a n'a, ɛ́ bɛ ŋa zie a ɩ nyɔ-vʋʋrʋ nyũu na waar'ɩ nyɔ-vʋʋrʋ a. Ɛ́ ãa n'ʋ sɛw taa nɩ a ton ŋa tɔ?

Kɔlɔsɩ 2:10

ɛ́ a ʋ pʋɔ n'a nyɩ páw bom za, ʋl na ɩ naalʋ-dɩb za nɩ fãw bʋʋrɛ za yib zie a.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

Ebre 11:31

A sàw-deb zũú n'a a pɔw-yɛm Arahab bɛ tɩ kpi lãwnɩ a bɛlɩ dem na bɛ tɩ de a Naaŋmɩn a ɩ, ʋ na tɩ de a nɩbɛ na wa a tẽw piwru ƴãw a vla a.

Ebre 4:11

A na ɩ à ŋá a, nyɩ ɩ tɩ ƴãw fãw ta a pɩ̃ɛnʋ ŋa zie, a tɩ sãàkʋm-kore bɛ-wonu taa ɩrɛ tɩ kãw za ʋ lore ɩ.

1 Pɩɛr 1:8

a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,

1 Pɩɛr 2:4

Nyɩ taw pɩɛlɩ a Sore: ʋlɛ n'ɩ a kʋsɛ-mimir ʋl a nɩsaalbɛ na jɛ bɛr, ɛ́ a Naaŋmɩn zie ʋ ɩ kʋsɛ-kaa-íra nɩ kʋsɛ-yúor a.

1 Pɩɛr 2:8

«Ɛ́ ɩ a kʋsɩɛr ʋl ƴãw bɛ na mɩ́ ŋmɩɛr gbɛ́ɛ a, pìir kʋsɩɛr na ɩrɛ bɛ lore a.» A bɛlɩ dem na bɛ sàw de a, bɛ ŋmɩɛr'ɩ gbɛ́ɛ a ʋ ƴãw, a bɛ na bɛ sàw de a Naaŋmɩn ƴɛ̀rʋ a zũú. Ɛ́ lɛ n'a a tɩ fɛr k'aa ɩ a bɛ zie.