1 Pɩɛr 2:12 - A SƐB-SÕW

¹² Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

1 Pɩɛr 2:12 ပူးပေါင်းရင်းမြစ်များ

Sɛb-sõw yielu 37:14

A nɩ-faar vʋ̃ɔnɛ nɩ a zɛbr-sɔ-kpɛ̃ɛ, bɛ dúore nɩ a tam, kɛ́ bɛ tɛ a bãbàal nɩ a nã́w sob lɔb, kɛ́ bɛ kʋ a bɛlɩ dem na cere vla a.

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Matie 10:25

A po-tuure wa ŋmɛ̃ mɛ̃ a ʋ zu-sob a, a sɛw ʋ na, a tõ-tõ-bie wa ŋmɛ̃ mɛ̃ a ʋ tõ-tõ-nɩ-kpɛ̃ɛ a, a sɛw ʋ na. Bɛ nɩ̃ɛ na bʋɔlɩ a yir sob Bɛlɩzebul, ɛ́ bɛ nãà yere a yir biir i!»

Matie 5:11

Zu-nʋ̃ɔ̀ dem'ɩ nyɩ, bɛlɛ wa tʋʋr nyɩ zʋmɛ, ɛ́ dɔwrɛ nyɩ, ɛ́ ŋmarɛ zir-pɛ-bʋʋrɛ za ƴãwn nyɩ, a mãa ƴãw a.

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Matie 9:8

A zu-sɛbla na tɩ nyɛ̃ à ŋá a, dɛ̃bɩ̃ɛ tɩ nyɔw bɛ na, ɛ̀ bɛ tɩ íre a Naaŋmɩn yúor-vɩɛlʋ-danʋ, ʋl na kʋ̀ a fãw ŋa tɔ a nɩsaalbɛ a.

Luka 1:68

«A Sore, a Ɩsɩrayɛl Naaŋmɩn tɛr'ɩ puoru, ʋ jɩ́r'ɩ a ʋ nɩ-bʋʋrɛ kaa ɛ́ faa bɛ,

Luka 19:44

Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»

Luka 6:22

«Zu-nʋ̃ɔ̀ dem n'ɩ nyɩ, a lɛn daar a nɩsaalbɛ nãà wa hɩ̃ɛn nyɩ, ɛ́ zawrɛ a nyɩ yele ɛ́ tʋʋr nyɩ, sãwnɛ nɩ a nyɩ yúor a Nɩsaal Bie ƴãw a.

Zã 13:31

A Zuda na wa yi baar'a, a Yeezu yel'a: «Ƴɛrɛŋa a, a Nɩsaal Bie pãa nyɛ̃ nɩ yúor-vɩɛlʋ-danʋ, ɛ́ Naaŋmɩn nyɛ̃ yúor-vɩɛlʋ-danʋ a ʋ pʋɔ.

Nɩ-toni 15:14

A Sɩmɩ̃ɔ lɛb'a manɩ kʋ̀ tɩ a ƴɛrɛŋa, a lɛ a pɛr-tib daar, a Naaŋmɩn na kaa a nɩ-bʋʋr-yoru zie, ɛ́ kaa ír nɩ-bʋʋrɛ a bɛ pʋɔ kɛ́ bɛ ɩ a ʋ nɩbɛ a.

Nɩ-toni 24:13

A nɩbɛ bɛ ŋa na manɛ a ɩ̃ sãwna kʋ̀rɛ fʋ a ƴɛrɛŋa a, bɛ kʋ̃ tʋ̃ɔ́ wul fʋ a sãá k'ɩ̃ɩ sãw na ɩ.

Nɩ-toni 25:7

Ʋ na wa ta a, a Zifʋ mɩnɛ bɛl na tɩ yi a Zerizalɛm wa a, tɩ ŋmãa na viiri koli ʋ ɛ́ manɛ a ʋ sãwna a bɛ tɩ dɩ vuo ɩ, ɛ́ kpɛ faa yaga. Ɛcɛ bɛ bɛ mɩ́ tɩ tʋ̃ɔ́ manɩ wul k'aa ɩ n sɩza ɩ.

Nɩ-toni 28:22

Ɛcɛ tɩ bɔbr'a kɛ́ fʋ̃ʋ tɔr za manɩ a fʋ tɩɛrʋ tɩ wõ. Bʋ̃ʋ n'ʋ vɛ̃, tɩ bãwnɩ a na a nɩbɛ na bɛ dier a fʋ puoru sɔ́r ŋa a ziir za a.»

Ʋrɔm 12:17

Nyɩ ta yarɛ nɩr kãw za yel-faa san ɛ. Nyɩ ƴãw fãw ɩrɛ a vla a nɩsaalbɛ za niŋé.

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.

Ʋrɔm 15:9

A bɛl na bɛ ɩ Zifʋ mɩnɛ a, a Naaŋmɩn nɩ-bàal-zɔba zũú n'a bɛ danɛ ʋ, a tu mɛ̃ a lɛ a Sɛb-sõw na yel a: «Alɛ n'a so ɩ̃ na danɛ fʋ nɩ-bʋʋr-yoru sɔgɔ, ɩ̃ na yiele na ƴãwnɛ nɩ a fʋ yúor.»

1 Korɛ̃tɩ 14:25

A ʋ pʋ-tɩɛr-sɔwla na sãá na. Ʋ na lo n tẽw vɔblɩ muru, ʋ na puore nɩ a Naaŋmɩn nɩ ʋ tʋɔra-siwru ɛ́ yere kɛ́ a Naaŋmɩn sɩrɩ na be a nyɩ sɔgɔ.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 13:7

Tɩ puore na kɛ́ Naaŋmɩn ta sàw nyɩ maalɩ yel-faa kãw za ɩ. Tɩ bɛ bɔbr kɛ́ tɩ ɩ a lɛ wul tɩ na bɛ guu a ɩ, tɩ bɔbr'a kɛ́ tɩ nyɛ̃ nyɩ, nyɩ ɩrɛ a vla, alɛ saa sãá mɛ̃ tɩ guu na a.

2 Korɛ̃tɩ 8:21

Tɩ bɛ bɔbr a vla maalʋ Sore yõ zie ɩ, tɩ mɩ̀ bɔbr'ɩ a lɛ a nɩsaalbɛ zie.

Efɛɛzɩ 2:3

A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.

Efɛɛzɩ 4:22

A koro za ɩ-ɩrɩ n'a a fɛr kɛ́ nyɩ bɛr, ɛ́ ír a nɩsaal kʋra bɛr, a ʋ bɛ̀lʋ tɩɛrʋ ɩ na ʋ wɩɛr a loba.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

1 Tesalonikɩ 4:12

Lɛ n'a a nyɩ cenu na mɩ́ ɩ a yẽw dem ƴãwnɛ nyɩ, ɛ́ nyɩ kʋ̃ ɩ nɩr za hanɛ a nyɩ ƴãw ɛ.

1 Timote 2:2

a na-mɩnɛ nɩ a bɛlɩ dem za na dɩ nɩ-kpɛ̃ɛnʋ a ƴãw: kɛ̀ tɩ taa nyɛrɛ damnʋ ɛ, ɛ́ tɛr ƴã-ɓaarʋ a tɩ nyɔ-vʋʋrʋ pʋɔ, ƴãwnɛ a Naaŋmɩn ɛ́ tɛr ɩb na sɛw taa nɩ a.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

Ebre 13:18

Nyɩ puore kʋ̀rɛ tɩ. Tɩ bãwnɩ a na a tɩ tɩɛrʋ na vɩɛl a, bʋ̃ʋ n'ʋ vɛ̃, tɩ bɔbr'a kɛ́ tɩ ɩrɛ vla a yele za pʋɔ.

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Zakɩ 3:13

Ãa n'ʋ bãw yã ɛ́ tɛr yã a nyɩ pʋɔ? Ʋ wul a sãá cenu na vɩɛl a pʋɔ, nɩ ɩ-ɩrɩ na ɩ yã-bãwnɛ nɩ su-siwra sob ɩ-ɩrɩ a pʋɔ.

1 Pɩɛr 2:15

A Naaŋmɩn bɔbr'a kɛ́ nyɩ ɩrɛ ɩ-vɩɛlɩ, k'aa bɛlɩ nɩbɛ nɛ na bɛ bãw bom, ɛ́ bɛ bãw yã a, ta mɩ́ nyɛ̃ ƴɛ̀rʋ ƴɛ̀r ɛ.

1 Pɩɛr 3:16

Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

2 Pɩɛr 3:11

A bome á ŋá na na sãw à ŋá a, nyɩ bãw lɛ a na fɛr kɛ́ nyɩ ɩrɛ a. A fɛr'a kɛ́ a nyɩ cenu vɩɛl, ɛ́ nyɩ tu a Naaŋmɩn pùor,

Urutɩ 3:14

Lɛ n'a ʋ tɩ gã a ʋ gbɛ́ɛ ƴãw tɩ ta a biɓaara. Ɛcɛ, a lɛn daar fʋ na kʋ̃ tʋ̃ɔ́ nyɛ̃ nɩr bãw a, a lɛn daar a, ʋ ìr. Bʋ̃ʋ n'ʋ vɛ̃, a Bowaazʋ bɛ tɩ bɔbr kɛ́ bɛ bãwnɩ a a Urutɩ na wa a ɔɔzʋ vab gbãgbala pʋɔ a ɩ.