1 Pɩɛr 1:8 - A SƐB-SÕW

⁸ a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,

1 Pɩɛr 1:8 ပူးပေါင်းရင်းမြစ်များ

A Yielu za pʋɔ yiel-vla vla 1:7

Fʋ̃ʋ ɩ̃ na nɔnɛ a, yel kʋ̀ m, nyɩnɛ n'a fʋ mɩ́ àr'ɩ a fʋ dʋn? Nyɩnɛ n'a fʋ mɩ́ dùo a a mʋ̃tɔ̃-tuo? A lɛ pʋɔ a, ɩ̃ kʋ̃ ɩ mɛ̃ ɩ̃ zɔrɛ na cɔlɛ a ziir za, a fʋ taabɛ dʋn zie ɩ.

A Yielu za pʋɔ yiel-vla vla 5:16

A ʋ nʋɔr ɩ n a nʋ̃ɔ̀ mɩŋa, ɛ́ a ʋ tɔr za n'ʋ ɩ̃ bɔbr. Zerizalɛm pɔwsɩrali i, nyɩ nyɛ̃ a ɩ̃ nɩ-nɔna, nyɩ nyɛ̃ a ɩ̃ sɛn!

A Yielu za pʋɔ yiel-vla vla 5:9

Fʋ̃ʋ na pɔ̀l gãw a pɔwbɛ za a, yel kʋ̀ tɩ, bʋ̃ʋ n'ʋ a fʋ nɩ-nɔna tɛr gãw nɩ-yũo? Bʋ̃ʋ n'ʋ ʋ tɛr gãw nɩ-yũo, kɛ̀ fʋ zɛlɛ tɩ à à ŋá?

Matie 10:37

Nɩr na nɔnɛ a ʋ sãà bɩɩ a ʋ mã zuo mɛ̃ a bɛ sɛwnɩ mɛ̃ ɩ. Nɩr na nɔnɛ a ʋ bidɛb bɩɩ a ʋ pɔwyaa zuo mɛ̃ a bɛ sɛwnɩ mɛ̃ ɩ.

Zã 14:15

«Nyɩmɛ wa nɔnɛ mɛ̃ a, nyɩ na sàwr'ɩ a ɩ̃ nɛ-ƴãwnɩ vla.

Zã 14:21

Ʋlɩ sob na sàwr a ɩ̃ nɛ-ƴãwnɩ ɛ́ tuur a vla a, a sob ŋa n'ʋ nɔnɛ mɛ̃. Ɛ́ ʋlɩ sob na nɔnɛ mɛ̃ a, a ɩ̃ Sãà na nɔnɛ ʋ na, ɩ̃ mɩ̀ na nɔnɛ ʋ na, ɩ̃ɩ na wul'ɩ ɩ̃ tʋɔra a ʋ sob.»

Zã 14:24

Nɩr na bɛ nɔnɛ mɛ̃ a, ʋ bɛ dier a ɩ̃ ƴɛ̀rʋ ɛ. Ɛcɛ a ƴɛ̀rʋ nyɩ na wone a, a bɛ yi mãa zie ɩ, a ɩ̃ Sãà na tõ m a zie n'a a yi.

Zã 16:22

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»

Zã 20:29

A Yeezu tɩ yel ʋ na: «Fʋ na nyɛ̃ m a bɛ n'a fʋ sàw de e? Zu-nʋ̃ɔ̀ dem'ɩ a bɛl na bɛ nyɛ̃ ɛ́ sàw de a!»

Zã 8:42

A Yeezu lɛb yel bɛ: «A Naaŋmɩn tɩ ɩ a nyɩ sãà a, nyɩ nãá nɔnɛ mɛ̃ na, ɩ̃ na yi a Naaŋmɩn zie wa a ƴãw. Ɩ̃ bɛ nyɛ̃ ɩ̃ tʋɔra wa ɩ, ʋlɛ n'ʋ tõ m.

Nɩ-toni 16:34

Ʋ tɩ tɛr'ɩ a Pol nɩ a Sɩlasɩ do n a ʋ yir tɩ ɩ bʋ̃-dɩrɩ kʋ̀ bɛ, ɛ́ ʋlɛ nɩ a ʋ yir dem za tɩ cɩlɛ, bɛ na sàw de a Naaŋmɩn a.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

1 Korɛ̃tɩ 16:22

Nɩr bɛ wa nɔnɛ a Sore a, ʋ ɩ nɩ-ŋmɛ-ƴãwna. Marana ta (Tɩ Sore e, wa!)

2 Korɛ̃tɩ 1:22

ʋl na ŋmãa a ʋ bãwfʋ ƴãw tɩ, ɛ́ ƴãw a Vʋʋrʋ Sõw a tɩ socie pʋɔ, ʋ ɩ a maalʋ tɩ nãà páw a bãwfʋ a.

2 Korɛ̃tɩ 12:4

bɛ ír ʋ na do n tɩ ta n a tẽ-vla, be n'a ʋ wõ ƴɛ̀r-bie ʋ na kʋ̃ tʋ̃ɔ́ manɩ a, ɛ́ nɩsaal bɛ tɛr sɔ́r k'ʋʋ lɛb yel a.

2 Korɛ̃tɩ 4:18

A bom nɛ tɩ na bɔbr kɛ́ tɩ páw a, ʋ bɛ ɩ bom bɛ na mɩ́ nyɛ̃ a ɩ, bom bɛ na bɛ mɩ́ nyɛ̃ a n'ʋ. Bom bɛ na mɩ́ nyɛ̃ a be n be sɛr, ɛcɛ a bom bɛ na bɛ mɩ́ nyɛ̃ a be kʋralɛ.

2 Korɛ̃tɩ 5:7

Bʋ̃ʋ n'ʋ vɛ̃, naaŋmɩn-sàw-deb'a so tɩ cere, nyɛ́b bɛ n'a so ɩ.

2 Korɛ̃tɩ 9:15

Naaŋmɩn so puoru, a maalʋ na bɛ tɛr manʋ ʋ na tɩrɛ a ƴãw!

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Efɛɛzɩ 6:24

A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.

Filib 1:25

Ɩ̃ mɩŋa za bãwnɩ a na, ɩ̃ bãw na k'ɩ̃ɩ na be n be, ɩ̃ na be n be pɩɛlɩ nyɩ za, cãà sõwne nyɩ, nyɩ kɛrɛ dɔwlɛ ɛ́ tɛr nʋ̃ɔ̀ a nyɩ naaŋmɩn-sàwfʋ pʋɔ.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.

Ebre 11:1

A naaŋmɩn-sàw-deb n'ɩ fʋ na bɛ bʋ́nɛ kɛ́ fʋ na páw nɩ a bom ʋl fʋ na tɩɛrɛ a, ʋ mɩ́ wul'a kɛ́ a yele fʋ na bɛ mɩ́ nyɛ̃ a be na.

Ebre 11:27

A sàw-deb zũú n'a a Moyiir tɩ yi kɛ́ bɛr a Eziptɩ tẽw, ɛ́ bɛ tɩ zɔ dɛ̃bɩ̃ɛ a nãà na na nyɛ̃ suur a ƴãw ɛ. Ʋ tɩ kpɛmɛ na be be, mɛ̃ ʋ nyɛrɛ nɩ a Naaŋmɩn nɩr na kʋ̃ tʋ̃ɔ́ nyɛ̃ a.

1 Pɩɛr 1:6

Nyɩ̀ cɩlɛ nɩ nyɩ za a al ƴãw, yel-kpɩɛrɩ bʋʋrɛ za saa na ɩ nyɩ tɛr pʋ-sãwna blã a ƴɛrɛŋa a.

1 Pɩɛr 2:7

A na ɩ lɛ a, nyɩɩm na sàw de a Naaŋmɩn a, nyɩmɛ so ƴãwfʋ. Ɛcɛ a bɛlɩ dem na bɛ sàw de a ƴãw, «a kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr», nɩ kɛ́:

1 Pɩɛr 5:4

A Pi-cɩ̃ɩn-kara wa sãá a lɛn daar a, nyɩ na páw nɩ a yúor-vɩɛlʋ-danʋ dɛpaal-kpawʋɔ na bɛ tɛr sãwfʋ a.