1 Pɩɛr 1:5 - A SƐB-SÕW

⁵ nyɩɩm a Naaŋmɩn na piw tɛr nɩ a ʋ fãw gùre nɩ a baarʋ daar a faafʋ na cɔbrɩ gã nãà wa sãá a, nyɩ na sàw de ʋ a ƴãw.

1 Pɩɛr 1:5 ပူးပေါင်းရင်းမြစ်များ

A Zɔb sɛbɛ 19:25

Ɛcɛ mãa a, ɩ̃ bãw na k'aa ɩ̃ faarɛ vʋʋrɛ na, ɛ́ a baarʋ daar a, ʋ na ìr'a àr a tẽw zu.

Sɛb-sõw yielu 37:28

bʋ̃ʋ n'ʋ vɛ̃, a Sore nɔnɛ na kɛ́ bɛ ɩrɛ mɛ̃ a lɛ-na-tu-sɔr-a, ɛ́ bɛ zawrɛ a ʋ nɩbɛ na sàw de ʋ a bɛrɛ ɩ. Ʋ gùre bɛ nɩ kʋralɛ, ɛcɛ bɛ na ír'ɩ a nɩ-faar bʋʋrɛ bʋʋrɛ bɛr.

Zʋkpaɩ 2:8

Ʋ mɩ́ sõw nɩ a bɛlɩ dem a ɩb na tu sɔ́r a, ʋ mɩ́ gù n a bɛlɩ dem na tuur ʋ bɛ lɛbr pùor a.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 51:6

Nyɩ úori a salom nyɛlɛ, al pùorí nyɩ jɩ́r a tẽw a pile ka: a salom na bɔr a mɛ̃ zʋ̀ʋ́r a, a tẽw na zaw na mɛ̃ kparʋ a, ɛ́ a ʋ nɩbɛ kpiir mɛ̃ nazʋʋr a. Ɛcɛ a ɩ̃ faafʋ na be n be kʋralɛ, ɛ́ a mɩnʋ ɩ̃ na waar'ɩ a kʋ̃ tɛr baarʋ daar ɛ.

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ɩzayi 66:22

A Sore yere na: «Mɛ̃ a lɛ a salom-paala nɩ a tẽsɔw-paala ɩ̃ na ír na kpɛmɛ àr a ɩ̃ niŋé a, lɛ n'a a nyɩ yúor nɩ a nyɩ bʋʋrɛ na be a ɩ̃ niŋé kʋralɛ.

Zeremi 23:4

Ɩ̃ na ƴãw nɩ dʋ̃-cɩ̃ɩn-sɩza mɩnɛ bɛ cɩ̃ɩnɛ a. Ɛ́ a bɛl zũú a, a kʋ̃ cãà bãw dɛ̃bɩ̃ɛ nɩ pʋl-vʋ̃ɔ ɩ. Been za bɛ lɛb cɩ́ɛr ɛ, a Sore n'ʋ yere.»

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Zã 12:48

Sob nɛ na zawrɩ mɛ̃ bɛr ɛ́ bɛ dier a ɩ̃ ƴɛ̀rʋ a, tɛr'ɩ a ʋ ƴɛ̀r-maalɛ: a ƴɛ̀rʋ ɩ̃ na ƴɛ̀r a na yel'ɩ a ʋ sãwna a bibi-pɛ-baara wa vɩɛ a.

Zã 17:15

Ɩ̃ bɛ zɛlɛ kɛ́ fʋ ír bɛ a tẽ-daa zu ɛ, ɩ̃ zɛlɛ na kɛ́ fʋ gùre bɛ a Faalʋ sob ƴãw.

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Ʋrɔm 11:20

Sɩza n'a, bɛ cɛ a na ŋma bɛr, a na bɛ sàw de a ƴãw, ɛ́ fʋ̃ʋ a, a fʋ sàw-deb zũú n'a fʋ lɩɛr'a. Ɛcɛ taa wa ɩrɛ pɔ̀l-ɩb ɛ, nɩ̃ɛ vɛ̃ kɛ́ zɔrɛ a Naaŋmɩn.

Ʋrɔm 8:18

Ɩ̃ bãwnɩ a na k'aa tuo tɩ na wone a ƴɛrɛŋa a, a bɛ bibli a yúor-vɩɛlʋ-danʋ a Naaŋmɩn nãà wa wul tɩ ʋ sãá a ɩ.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

2 Korɛ̃tɩ 1:24

Tɩ bɛ bɔbr kɛ́ tɩ fɛrɛ nyɩ a nyɩ naaŋmɩn-sàw-deb pʋɔ ɩ, bʋ̃ʋ n'ʋ vɛ̃, nyɩ kpɛmɛ nɩ a sàw-deb pʋɔ. Ɛcɛ tɩ bɔbr'a kɛ́ tɩ lãw nɩ nyɩ tone kɛ̀ nyɩ wone nʋ̃ɔ̀.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

Efɛɛzɩ 3:17

Ʋ sàw a Kɩrɩta kpɩɛr a nyɩ socie pʋɔ. A nyɩ naaŋmɩn-sàwfʋ zũú, nyɩ tɛ nyɩgɛ ɛ́ kpɛmɛ a nɔ̃wfʋ pʋɔ.

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Filib 4:7

Lɛ n'a a Naaŋmɩn ƴã-ɓaarʋ na zuo a nɩsaal yã a, na gù a nyɩ socie nɩ a nyɩ tɩɛrʋ a lãw nɩ a Yeezu Kɩrɩta.

2 Timote 3:15

A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 4:13

Nyɩ nɩ̃ɛ cɩlɛ nyɩ na pʋɔ a Kɩrɩta tuo pʋɔ a ƴãw, kɛ́ nyɩ mɩ̀ wa tʋ̃ɔ́ be a nʋ̃ɔ̀ nɩ a cɩlʋ pʋɔ, a lɛn daar a ʋ yúor-vɩɛlʋ-danʋ nãà wa sãá a.

1 Pɩɛr 5:1

Mãa mɩ̀ na pʋɔ a nɩ-kore pʋɔ ɛ́ dɩ a Kɩrɩta tuo-wob dãsɩɛ a, mãa mɩ̀ na na páw a yúor-vɩɛlʋ-danʋ na waar na sãá a, ɩ̃ zɛlɛ nɩ a nɩ-kore na be a nyɩ pʋɔ a:

2 Pɩɛr 1:3

A ʋ naaŋmɩnʋ fãw zũú, a Sore kʋ̀ tɩ nɩ bom za a na sɛw kɛ́ tɩ tɛr tʋ̃ɔ́ vʋʋrɛ nyɔ-vʋʋr-vla ɛ́ ƴãwnɛ a Naaŋmɩn a. Ʋ ɩ na tɩ bãw a Sob nɛ na ƴãw tɩ pʋɔ a ʋl mɩŋa yúor-vɩɛlʋ-danʋ pʋɔ, ɛ́ tɛr a ʋ fãw ʋ na tone nɩ tõ-vɩɛlɩ a.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,

1 Samɩɛl 2:9

A bɛlɩ dem na ƴãwnɛ ʋ a, ʋ mɩ́ gù n a bɛ nyɔ-vʋʋrʋ, ɛ́ a ɩ-fa-maalbɛ kpiir a lige pʋɔ. Bʋ̃ʋ n'ʋ vɛ̃, fãw bɛ n'a mɩ́ so a nɩsaal zɛb tʋ̃ɔ́ ɩ.