1 Na-mɩnɛ 9:4 - A SƐB-SÕW

⁴ Ɛ́ a fʋ̃ʋ a, fʋ̃ʋ wa ɩrɛ a ɩ̃ zie mɛ̃ a fʋ sãà Daviir a, fʋ̃ʋ wa tu m nɩ a fʋ pʋɔ za, ɛ́ cere dẽdẽ a, fʋ̃ʋ wa ɩrɛ a lɛ za ɩ̃ na yere kʋ̀rɛ fʋ a, fʋ̃ʋ wa sàwr a wulu nɩ a tub ɩ̃ na kʋ̀ b a,

1 Na-mɩnɛ 9:4 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 20:5

A Abraham mɩŋa n'ʋ yel mɛ̃ k'ʋʋ yeepuule n'ʋ, ʋʋ mɩ̀ yel k'ʋʋ yɛ-dɛb ʋ. Ɩ̃ pʋ-pla n'ʋ ɩ̃ ɩ n, ɛ́ bɛ sãw bom za ɩ.»

2 Samɩɛl 22:22

Bʋ̃ʋ n'ʋ vɛ̃, ɩ̃ tu n a Sore sɛ́ɛ, ɩ̃ bɛ ɩ ɩb kãw sãw a ɩ̃ Naaŋmɩn ɛ.

1 Na-mɩnɛ 11:38

Fʋ̃ʋ wa bɛrɛ wone a lɛ za ɩ̃ na na yel kʋ̀ b a, fʋ̃ʋ wa tuur a sɔ́r ɩ̃ na na wul fʋ a, fʋ̃ʋ wa ɩrɛ vla a ɩ̃ zie a, fʋ̃ʋ wa sàwr a wulu nɩ a nɛ-ƴãwnɩ ɩ̃ na na kʋ̃ b a, mɛ̃ a lɛ a ɩ̃ tõ-tõ-bie Daviir na tɩ ɩrɛ a, a lɛn daar a, ɩ̃ na be n a fʋ zie, ɩ̃ na zɩɩl'ɩ a naalʋ ʋ kpɛmɛ a fʋ yir pʋɔ, mɛ̃ a lɛ ɩ̃ na ɩ a Daviir ƴãw a. Ɩ̃ na kʋ̀ b ɩ a Ɩsɩrayɛl nɩbɛ dɔwlʋ pie,

1 Na-mɩnɛ 11:4

A Salomɔ̃ na wa kor baar'a, a ʋ pɔwbɛ tɩ taw ʋ na tu n ŋmɩn-yoru puoru, ʋ bɛ tɩ cãà tu a Sore ʋ Naaŋmɩn, nɩ a ʋ pʋɔ za, mɛ̃ a ʋ sãà Daviir a ɩ.

1 Na-mɩnɛ 11:6

Ʋ tɩ ɩ n a lɛ na bɛ vɩɛl a, a Sore zie, bʋ̃ʋ n'ʋ vɛ̃, ʋ bɛ tɩ sàwr a Sore nʋɔr vla, mɛ̃ a ʋ sãà Daviir a ɩ.

1 Na-mɩnɛ 14:8

Ɩ̃ faa nɩ a naalʋ a Daviir yir dem zie kʋ̀ b. Ɛcɛ fʋ bɛ ɩ mɛ̃ a ɩ̃ tõ-tõ-bie Daviir a ɩ. Ʋ tɩ sàwr'ɩ a ɩ̃ nɛ-ƴãwnɩ ɛ́ tone mɛ̃ nɩ a ʋ pʋɔ za, ɛ́ ɩrɛ a lɛ tɛwr na pɛlɩ a ɩ̃ pʋɔ a.

1 Na-mɩnɛ 15:5

Bʋ̃ʋ n'ʋ vɛ̃, a Daviir tɩ ɩ n a lɛ na vɩɛl a, a Sore niŋé. A ʋ nyɔ-vʋʋrʋ daar za a, ʋ bɛ tɩ zawrɩ a Sore nɔ-ƴãwna been kãw za ɩ, alɛ bɛ ɩ a Uuri na ɩ Hititɩ a yele pʋɔ a.

1 Na-mɩnɛ 3:14

Fʋ̃ʋ wa tuur a ɩ̃ sɛ́ɛ, fʋ̃ʋ wa sàwr a ɩ̃ wulu, nɩ a ɩ̃ nɛ-ƴãwnɩ mɛ̃ a fʋ sãà Daviir a, ɩ̃ na kʋ̀ b'ɩ nyɔ-vʋʋr-wogo.»

1 Na-mɩnɛ 3:3

A Salomɔ̃ tɩ wul'a k'ʋʋ nɔnɛ nɩ a Sore, ʋ na tɩ ɩrɛ a lɛ a ʋ sãà Daviir na tɩ yel kʋ̀ ʋ a ƴãw. Ɛcɛ ʋ mɩ̀ tɩ kʋrɛ nɩ dʋn maalɛ nɩ bagɛ, ɛ́ nyɩwr a tɩ-suur-zɔ̃-na-nyùur-vla-vla-a, a maalʋ-ziir.

1 Na-mɩnɛ 3:6

A Salomɔ̃ tɩ sɔw na: «Fʋ tu n a fʋ tõ-tõ-bie ɩ̃ sãà Daviir pùor nɩ nɔ̃wfʋ yaga za, ʋ na tɩ cere a fʋ niŋé, ɩ yel-mɩŋa nɩr, nɩ-mɩŋa nɩ nɩsaal-dẽdẽ a. Fʋ cãà na tɛr a fʋ nɔ̃wfʋ a ʋ zie, kʋ̀ ʋ bidɛb na zɩ̃ a ʋ naalʋ-dà-kɔw zu a dɩ̃a a.

1 Na-mɩnɛ 6:12

Ʋ tɩ yel ʋ na: «Fʋ̃ʋ n'ɩ ŋan ŋmaarɛ a yir ŋa a ɩ̃ ƴãw! Fʋ̃ʋ wa tuur a ɩ̃ wulu a, fʋ̃ʋ wa tɛr a ɩ̃ tub tuur a, fʋ̃ʋ wa sàwr a ɩ̃ nɛ-ƴãwnɩ a, ɩ̃ na tu n a lɛ ɩ̃ na tɩ yel a fʋ ƴãw a fʋ sãà Daviir zie a.

1 Na-mɩnɛ 8:25

Ƴɛrɛŋa a, Sore e, Ɩsɩrayɛl Naaŋmɩn i, mɩ̀ maalɩ a lɛ fʋ na tɩ ƴãw a nʋɔr a fʋ tõ-tõ-bie ɩ̃ sãà Daviir zie a, a lɛn daar fʋ na tɩ yel ʋ à ŋá a: “A fʋ bʋʋrɛ wa ɩrɛ vla a ɩ̃ zie mɛ̃ a lɛ a fʋ̃ʋ mɩŋa na ɩ a, a bɛ kãw na mɩ́ be n a ɩ̃ niŋé kʋralɛ, dɩrɛ naalʋ a Ɩsɩrayɛl nɩbɛ zu, a fʋ pùorí.”

2 Na-mɩnɛ 20:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a. Ɩ̃ tɩ ɩ n a lɛ na vɩɛl a fʋ zie a, kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

2 Bibie za yel-manɩ 17:4

Ɛcɛ ʋ tɩ ƴãw nɩ fãw bɔbr a Sore, a ʋ sãà Naaŋmɩn, ɛ́ tuur a ʋ nɛ-ƴãwnɩ, ɛ́ bɛ cɔwrɛ a lɛ a saa-pɛrɩ́-gʋba-lowr naalʋ-tẽw nɩbɛ na tɩ ɩrɛ a ɩ.

Sɛb-sõw yielu 101:2

Ɩ̃ na ƴãw nɩ fãw cere vla. — Debor'a fʋ na wa a ɩ̃ zie? A ɩ̃ yir pʋɔ a, ɩ̃ na tɛr'ɩ ɩb na vɩɛl a.

Sɛb-sõw yielu 128:1

Zerizalɛm dob daar yielu. Zu-nʋ̃ɔ̀ dem'ɩ a bɛlɩ dem za na zɔrɛ a Sore, ɛ́ tuur a ʋ sɛ́ɛ a.

Sɛb-sõw yielu 15:2

— Sob nɛ na bɛ tɛr sãwna bɛ yere a n'ʋ, ʋ tuur'ɩ yel-mɩnʋ, ɛ́ yere a ʋ pʋɔ yel-mɩŋa.

Sɛb-sõw yielu 26:1

Daviir so ʋ. Sore e, dɩ n mɛ̃ a ƴɛ̀rʋ wul a ɩ̃ yel-mɩŋa, bʋ̃ʋ n'ʋ vɛ̃, sãwna bɛ be a ɩ̃ cenu pʋɔ ɩ, ɛ́ a tɩɛrʋ ɩ̃ na ƴãw a fʋ ƴãw a, kʋ̃ bãw damnʋ ɛ.

Sɛb-sõw yielu 26:11

Mãa a, sãwna bɛ be a ɩ̃ cenu pʋɔ ɩ, zɔ ɩ̃ nɩbaalʋ ɛ́ faa mɛ̃.

Sɛb-sõw yielu 78:72

A Daviir tõ n a ʋ ton nɩ soci-vla, ʋ kaa nɩ a Naaŋmɩn nɩ-bʋʋrɛ zie nɩ yã-bãwfʋ.

Zʋkpaɩ 10:9

Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.

Zʋkpaɩ 20:7

A nɩ-mɩŋa mɩ́ tuur'ɩ a lɛ na sɛw taa nɩ a. Zu-nʋ̃ɔ̀ dem'ɩ a ʋ bibiir a ʋ pùorí.

Zʋkpaɩ 28:18

Sob nɛ a nyɔ-vʋʋrʋ na tori a na nyɛ̃ nɩ faafʋ. Ɛcɛ sob nɛ a nyɔ-vʋʋrʋ na tu sɛ́ɛ ayi a na bɔr'ɩ a kãw nɛ za zu.

Ezekɩɛl 18:9

Ʋ sàwr'ɩ a ɩ̃ wulu ɛ́ tuur a ɩ̃ nɛ-ƴãwnɩ kʋ̃ lɛb pùor ɛ. Nɩ-mɩŋa sɩrɩ n'ʋ, ʋ na vʋʋrɛ na, a mãa Sore Naaŋmɩn n'ʋ yere.

Zakari 3:7

À ŋá n'a a Sore, a Kpɛnʋ-za-sob, yere: «Fʋ̃ʋ wa ɩrɛ a lɛ ɩ̃ na yel a, fʋ̃ʋ wa tuur a ɩ̃ sɛ́ɛ a, fʋ̃ʋ n'ʋ na kaarɛ a ɩ̃ yir-kpɛ̃ɛ nɩ a ʋ davʋrɩ zie, ɩ̃ɩ na ɩ na fʋ pʋɔ a nɩbɛ bɛl na mɩ́ àr a ka tone a ɩ̃ tome a pʋɔ.»

Luka 1:6

Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Wulu-ayi-sob 28:1

Nyɩmɛ wa sɩrɩ bɛrɛ wone a Sore nyɩ Naaŋmɩn ƴɛ̀rʋ a, nyɩmɛ wa ƴãw fãw sàwr a nɛ-ƴãwnɩ za ɩ̃ na kʋ̀rɛ nyɩ a dɩ̃a a, a Sore nyɩ Naaŋmɩn na ɩ na nyɩ zuo a tẽw zu nɩ-bʋʋr-yoru za.