1 Na-mɩnɛ 8:9 - A SƐB-SÕW

⁹ A Naaŋmɩn wulu kʋsɛ-pamɛ ayi a Moyiir na tɩ ƴãw a daga pʋɔ a, al tɛwr'a tɩ be be. A kʋsɛ-pamɛ ʋ na tɩ páw a Orɛb tãw zu a n'a, a lɛn daar a Sore na tɩ maal'ɩ a Ɩsɩrayɛl nɩbɛ wõ-taa, ʋ na tɩ tɛr bɛ yi n a Eziptɩ tẽw baarɩ a.

1 Na-mɩnɛ 8:9 ပူးပေါင်းရင်းမြစ်များ

1 Na-mɩnɛ 8:21

Ɩ̃ cɔbr'ɩ zie a ʋ pʋɔ, a daga na tɛr a Sore wõ-taa ƴɛ̀rʋ a ƴãw. Ʋ tɩ maal'ɩ a wõ-taa ŋa nɩ a tɩ sãàkʋm-kore, a lɛ ʋ na tɩ tɛr bɛ yi n a Eziptɩ tẽw a.

2 Bibie za yel-manɩ 5:10

A Naaŋmɩn wulu kʋsɛ-pamɛ ayi a Moyiir na tɩ ƴãw a daga pʋɔ a, al tɛwr'a tɩ be be. A kʋsɛ-pamɛ ʋ na tɩ páw a Orɛb tãw zu a n'a, a lɛn daar a Sore na tɩ maal'ɩ a Ɩsɩrayɛl nɩbɛ wõ-taa, ʋ na tɩ tɛr bɛ yi n a Eziptɩ tẽw baarɩ a.

2 Bibie za yel-manɩ 5:9

A dàar á ŋá tɩ wõwme na, fʋ̃ʋ wa be a wõ-taa daga nɩ a càará dɩ̃dɔrɩ́ cará a n'a fʋ mɩ́ tʋ̃ɔ́ nyɛ̃ a nyɛɛ. Ɛcɛ fʋ̃ʋ wa be a yẽw a, fʋ bɛ mɩ́ nyɛ̃ a ɩ. A cãà nɩ be nɩ dɩ̃a.

Eziptɩ tẽw yib 13:21

A Sore mɩŋa tɩ de bɛ nɩ niwn, mɩ́ ɩ zũzuwr na ɩ mɛ̃ kpul a, a mʋ̃tɔ̃w, k'ʋʋ wule bɛ a sɔ́r, ɛ́ ɩ vũu na ɩ mɛ̃ kpul a, a tɩ̃ɩsɔw, k'ʋʋ caalɛ bɛ. À ŋá n'a bɛ tɩ tʋ́ɔr cere mʋ̃tɔ̃w nɩ tɩ̃ɩsɔw.

Eziptɩ tẽw yib 14:24

A zie na wa bɩ põ-zɛ̃-taa tɔl blã a, a Sore tɩ be n a vũu nɩ a zũzuwr na ɩ mɛ̃ kpul a pʋɔ, ɛ́ jɩ́r a Eziptɩ tẽw zɛbr-nɩbɛ, dam bɛ nyaw taa.

Eziptɩ tẽw yib 16:10

A Aarɔ̃ na tɩ ƴɛ̀rɛ a Ɩsɩrayɛl nɩbɛ za zie a, bɛ tɩ lɩɛb'a jɩ́rɛ a wɛja-kpalɛ lowr, wa bere a Sore yúor-vɩɛlʋ-danʋ sãá a zũzuwr pʋɔ.

Eziptɩ tẽw yib 16:33

Al pùorí, a Moyiir yel a Aarɔ̃: «De duwle, manɩ ta litɩr anaar mãan ƴãw bin a Sore niŋé, a gã a nyɩ bʋʋrɛ ƴãw.»

Eziptɩ tẽw yib 25:16

Fʋ na ƴãw nɩ a wõ-taa kʋsɛ-pamɛ ɩ̃ na na kʋ̀ b a, a daga pʋɔ.

Eziptɩ tẽw yib 25:21

Fʋ na ƴãw nɩ a wõ-taa kʋsɛ-pamɛ ɩ̃ na na kʋ̀ b a, a daga pʋɔ, ɛ́ de a daw-pàwra dɔwlɩ pàw.

Eziptɩ tẽw yib 40:20

A Moyiir tɩ de nɩ a wõ-taa kʋsɛ-pamɛ ƴãw a daga pʋɔ. Nɩbɛ tɩ su n a daga dàar ƴãw a daga ƴãw, ɛ́ ƴãw a ʋ nɔ-pàwra pàw ʋ.

Ezekɩɛl 10:4

A Sore yúor-vɩɛlʋ-danʋ na tɩ be a seribɛ̃ zu-sɔw a tɩ cere nɩ a Ŋmɩn-yir-kpɛ̃ɛ dɩ̃dɔrɩ́. Lɛ n'a a zũzuwr tɩ paalɩ a Ŋmɩn-yir-kpɛ̃ɛ, ɛ́ a Sore yúor-vɩɛlʋ-danʋ cãà paalɩ a davʋra.

Levitɩ mɩnɛ 16:2

«Yel a fʋ yɛb Aarɔ̃ k'ʋʋ taa bʋ̀nɛ kpɩɛr a zi-sõw-za-zi-sõw pʋɔ ɩ, a pɛn-yawla na bʋ́r a diru a pùorí ɛ, a be a wõ-taa daga nɩ a ʋ pàwra na be a. Lɛ n'a ʋ kʋ̃ kpi mãa wa sãá a zũzuwr pʋɔ a daw-pàwra zu-sɔw a ɩ.»

Sɔr-nɛ́ɛ 17:10

«Nyɩ yi zaa a lãw nɩbɛ bɛ ŋa pʋɔ, ɩ̃ na kʋ bɛ na pàw pɛr pɛtɛlʋlɛ.» A Moyiir nɩ a Aarɔ̃ tɩ lo na vɔblɩ muru,

Sɔr-nɛ́ɛ 9:15

A ʋlɩ bibir bɛ na tɩ maalɩ a kpɛb-zi-sõw a, a zũzuwr tɩ wa na wa pàw a pɛn-sɛw, a be a wõ-taa kʋsɛ-pamɛ na be a. A zaanʋɔra a, a zũzuwr tɩ ɩ na mɛ̃ vũu a, ɛ́ tɩ ta a biɓaara.

Wulu-ayi-sob 31:26

«Nyɩ de a Naaŋmɩn wulu sɛbɛ ŋa, bin kɔwlɩ a Sore nyɩ Naaŋmɩn wõ-taa daga. Ʋ na be n a be, ɩ dãsɩɛ bom, wule a Ɩsɩrayɛl nɩbɛ sãwna.

Wulu-ayi-sob 4:13

Ʋ tɩ ɩ na nyɩ bãw a ʋ wõ-taa ʋ na maal'ɩ nyɩ a. Ʋ tɩ yel'a kɛ́ nyɩ maal tɛr ʋ, sàwr a nɛ-ƴãwnɩ pie ʋ na tɩ sɛb ƴãw kʋsɛ-pamɛ ayi zu a.

Ebre 9:4

A ʋ pʋɔ n'a a salm-zɩɛ bàwr-maal-kuur be, a ʋl zu bɛ na mɩ́ nyɩw a tɩ-suur-zɔ̃-na-nyùur-vla-vla-a. A ʋ pʋɔ mɩ̀ n'a a Wõ-taa daga bɛ na nyɩl salm-zɩɛ pàw ʋ za a mɩ̀ be, ɛ́ a daga pʋɔ a, a salm-zɩɛ duwle na ƴãw a mãan a, nɩ a Aarɔ̃ dabɔl na tɩ pu a, nɩ a kʋsɛ-pamɛ zu a Wõ-taa nɛ-ƴãwnɩ na tɩ sɛb ƴãw a, tɩ be n be.

Yel-wula 15:8

A Naaŋmɩn yúor-vɩɛlʋ-danʋ nɩ a ʋ kpɛnʋ tɩ ɩ na zʋ̀ʋ́r paalɩ a Ŋmɩn-yir-kpɛ̃ɛ, ɛ́ a bɛ tɩ tɛr nɩr na kpɛ a ʋ pʋɔ ɩ, ɛ̀ gù a malkɩ ayopõi bʋ̃-faar ayopõi tɩ tɔl baarɩ.