1 Na-mɩnɛ 8:3 - A SƐB-SÕW

³ A Ɩsɩrayɛl nɩbɛ nɩ-kore za na wa ta a, a bàwr-maalbɛ tuo nɩ a wõ-taa daga.

1 Na-mɩnɛ 8:3 ပူးပေါင်းရင်းမြစ်များ

2 Samɩɛl 6:12

Bɛ tɩ wa na wa yel a nãà Daviir à ŋá: «A Sore maal'ɩ a Ovɛdɩ-Edɔm yir, nɩ a ʋ bome za, a Naaŋmɩn wõ-taa daga ƴãw.» Lɛ n'a a Daviir tɩ cen tɩ ɓáw a Naaŋmɩn wõ-taa daga, a Ovɛdɩ-Edɔm yir, bɛ cɔrɩ ŋmɩɛr'ɩ nʋ̃ɔ̀ cɛlsɩ dúor'ɩ a Daviir Tẽ-kpɛ̃ɛ́.

1 Na-mɩnɛ 8:6

Al pùorí, a bàwr-maalbɛ tɩ kpɛ n nɩ a Sore wõ-taa daga, a zie ʋl na tɩ be be a ʋ ƴãw, a dĩo ʋl bɛ na bʋɔlɛ a zi-sõw-za-zi-sõw a pʋɔ, a seribɛ̃ pɩgɛ pile.

1 Bibie za yel-manɩ 15:2

Lɛ n'a ʋ tɩ yel: «Levitɩ mɩnɛ tɛwr nɛbɛ tɛr sɔ́r na tuo a Naaŋmɩn wõ-taa daga. Bʋ̃ʋ n'ʋ vɛ̃, bɛlɛ nɛbɛ a Sore kaa ír a ʋ wõ-taa daga tuofʋ nɩ a ʋ kaafʋ ƴãw kʋralɛ.»

Sɔr-nɛ́ɛ 4:15

A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr.

Sɔr-nɛ́ɛ 7:9

Ʋ bɛ tɩ kʋ̀ a Kehatɩ bʋʋrɛ torkori nɩ nĩi ɛ, bʋ̃ʋ n'ʋ vɛ̃, bɛlɛ tɩ so a bʋ̃-son kaafʋ, ɛ́ a tɩ fɛrɛ kɛ́ bɛ mɩ́ tuo a nɩ a bɛ bawŋmamɛ a.

Wulu-ayi-sob 31:9

A Moyiir tɩ sɛb'ɩ a Naaŋmɩn wulu ŋa, ɛ́ de ʋ kʋ̀ a bàwr-maalbɛ na ɩ a Levi bʋʋrɛ ɛ́ so a wõ-taa daga tuofʋ a, nɩ a Ɩsɩrayɛl nɩbɛ nɩ-kore za.

Zozue 3:3

yel a nɩbɛ à ŋá: «Nyɩmɛ wa nyɛrɛ a levitɩ mɩnɛ bɛl na ɩ bàwr-maalbɛ a bɛ tuo a Sore nyɩ Naaŋmɩn wõ-taa daga cere nɩ a, a lɛn daar a, nyɩɩm yi a zie ʋl nyɩ na be a, ɛ́ ìr tuur bɛ.

Zozue 3:6

A Zozue tɩ yel'ɩ a bàwr-maalbɛ: «Nyɩ tuo a wõ-taa daga tɔl de nɩ a nɩbɛ niwn.» Bɛ tɩ tuo nɩ a wõ-taa daga tɔl de nɩ a nɩbɛ niwn.

Zozue 4:9

A Zozue mɩ̀ tɩ ƴãw na bɛ wob kʋsɛbɛ pie nɩ ayi teli a Zurdɛ̃ sɔwlɩsɔw, a be a bàwr-maalbɛ na tɩ tuo a wõ-taa daga a, na tɩ tɛw àr a. A kʋsɛbɛ al cãà na nɩ dɩ̃a.

Zozue 6:6

A Nun bidɛb Zozue tɩ bʋɔl'ɩ a bàwr-maalbɛ wa yel bɛ à ŋá: «Nyɩ tuo a Sore wõ-taa daga a nyɩ bawŋmamɛ zu, ɛ́ bàwr-maalbɛ ayopõi de ʋ niwn nɩ ɩ́lɛ́ ayopõi.»