1 Na-mɩnɛ 5:1 - A SƐB-SÕW

¹ A naalʋ tẽli za na yi a Efaratɩ man-kpɛ̃ɛ ɛ́ cen tɩ tɔ a Filisɩtɛ̃ mɩnɛ tẽw, ɛ́ cãà lɛb tɩ tɔ a Eziptɩ tẽw tʋr-bɔw a, a Salomɔ̃ tɩ dɩrɛ nɩ naalʋ a za zu. Ʋlɛ n'ʋ tɩ so a naalʋ ten á ŋá na-mɩnɛ za, bɛ yarɛ a zuru-yar kʋ̀rɛ ʋ a ʋ nyɔ-vʋʋrʋ daar za.

1 Na-mɩnɛ 5:1 ပူးပေါင်းရင်းမြစ်များ

Yele-za-pɛr-tib 15:18

A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man.

2 Samɩɛl 5:11

Tɩ́ɩ̀r tẽw nãà, Hiram, tɩ tõ n nɩbɛ a Daviir zie, nɩ sɛɛdɩr dàar, nɩ dà-fɔwrbɛ nɩ kʋsɛ-pɛnbɛ, kɛ́ bɛ tɩ mɛ nãà yir kʋ̀ a Daviir.

2 Samɩɛl 8:10

Lɛ n'a ʋ tɩ tõ a ʋ bidɛb Yoram a Daviir zie, k'ʋʋ tɩ puor'ʋ, ɛ́ mʋʋr'ʋ, ʋ na zɛb tʋ̃ɔ́ a Hadadezɛɛr a, bʋ̃ʋ n'ʋ vɛ̃, a Hadadezɛɛr tɩ ɩ n a Tɔɩ dɔ̃ sob. A Yoram tɩ tɛr'ɩ salm-pla, salm-zɩɛ nɩ kur-zɩɛ bome cen nɩ tɩ kʋ̀ a Daviir.

1 Na-mɩnɛ 10:25

Yũon za a, a nɩbɛ bɛ ŋa mɩ́ tɩ wa n nɩ bome wa kʋ̀ ʋ, salm-pla nɩ salm-zɩɛ bome, kparɩ, zɛbr bome, kãá-nyuure, wie nɩ mílɛ̀.

1 Na-mɩnɛ 5:10

A Salomɔ̃ yã-bãwfʋ tɩ zuo nɩ a Arabi nɩ a Eziptɩ ten yã-bãwnbɛ za dem.

1 Na-mɩnɛ 5:13

Ʋ ƴɛ̀r'ɩ tɩ-bʋʋrɛ bʋʋrɛ za ƴɛ̀rʋ, a Libã tẽw sɛɛdɩr tɩɛ tɩ tɔ a ɩzɔpɩ váar na mɩ́ bul dacĩ-sɩɛ ƴãw a. Ʋ mɩ̀ ƴɛ̀r'ɩ dʋn ƴɛ̀rʋ, lili, bʋ̃-vuri nɩ zʋ́mɛ́ ƴɛ̀rʋ.

1 Bibie za yel-manɩ 14:1

Tɩ́ɩ̀r tẽw nãà, Hiram, tɩ tõ n nɩbɛ a Daviir zie nɩ sɛɛdɩr dàar, nɩ dà-fɔwrbɛ nɩ kʋsɛ-pɛnbɛ kɛ́ bɛ tɩ mɛ nãà yir kʋ̀ a Daviir.

2 Bibie za yel-manɩ 17:11

Filisɩtɛ̃ mɩnɛ tɛɛ za tɩ wa n nɩ bʋ̃-kʋ̀rɩ nɩ zuru-yar na ɩ salm-pla a wa kʋ̀ a Zozafatɩ, ɛ́ Arabʋ mɩnɛ wa n pʋ́rɩ túr ayopõi dɔwlɩ kɔbr ayopõi (7 700) nɩ bʋrɩ túr ayopõi dɔwlɩ kɔbr ayopõi (7 700) wa kʋ̀ ʋ.

2 Bibie za yel-manɩ 2:3

Bʋ̃ʋ n'ʋ vɛ̃, mãa n'ɩ ŋan bɔbr k'ɩ̃ɩ ŋmãa yir kʋ̀ a Sore ɩ̃ Naaŋmɩn, Ŋmɩn-yir-kpɛ̃ɛ ʋ na na so a. A ʋ pʋɔ n'a bɛ na mɩ́ nyɩw a parfɛ̃ ɛ́ bin a dipɛ̃-son kʋralɛ. Be n'a bɛ na maalɛ a nyɩw-a-za-bagɛ biɓaarɛ nɩ zaanʋɔrɛ, a pɩ̃ɛnʋ-bibie, cuw-paalɛ daar nɩ a Sore tɩ Naaŋmɩn cuwr al za na cɛ a daar. A nɛ́ɛ á ŋá na ƴãw kʋ̀ a Ɩsɩrayɛl nɩbɛ a na tuur'ɩ kʋralɛ.

2 Bibie za yel-manɩ 9:26

Ʋ tɩ so nɩ a na-mɩnɛ za, yi n a Efaratɩ man-kpɛ̃ɛ tɩ sãá nɩ a Filisɩtɛ̃ mɩnɛ tẽw ɛ́ tɩ tɔ a Eziptɩ tẽw.

Ɛsɩdɩrasɩ 4:20

Na-mɩnɛ na kpɛmɛ a tɩ dãw na be a Zerizalɛm so a Efaratɩ gãwn vuo za na be a mʋ̃tɔ̃w-kpɛb-lowr a, a nɩbɛ tɩ yarɛ nɩ yar-bʋʋrɛ bʋʋrɛ nɩ zuru-yar nɩ sɔr-yar kʋ̀rɛ bɛ.

Sɛb-sõw yielu 45:12

Ɛ́ a nãà na nɔ̃w nɩ a fʋ vɩɛlʋ. Ʋ na ɩ a fʋ sore a, gbĩ dume gũu tɩ tɔ tẽw a ʋ niŋé.

Sɛb-sõw yielu 72:8

Ʋ na mɩ́ dɩ n naalʋ kʋ̃ɔ-kpɛ̃ɛ ƴãw tɩ tɔ n kʋ̃ɔ-kpɛ̃ɛ, a Efaratɩ man ƴãw tɩ tɔ n a tẽw baarʋ zie.

Sɛb-sõw yielu 80:12

Ʋ zɔ n gbɛ́ɛ bɛr a tɩ tɔ a kʋ̃ɔ-kpɛ̃ɛ, ɛ́ a wuli-tɔm-paalɛ tɩ tɔ a Efaratɩ man.

Eziptɩ tẽw yib 34:24

Ɩ̃ na diw nɩ tẽ-ɓile nɩbɛ a nyɩ niŋé, ɛ́ ɩ a nyɩ tẽw ʋ kpɛ kpɛ̃ɛ, ɛ́ nɩr za kʋ̃ mɩ́ bɔbr k'ʋʋ de a nyɩ tẽw, a gb'a ata al nyɩ na na mɩ́ cen a ɩ̃ zi-sõw pʋɔ a yũon pʋɔ a ɩ.

Ɩzayi 23:1

Ƴɛ̀rʋ na ƴɛ̀r Tɩ́ɩ̀r ƴãw a. «Nyɩ ŋmɩɛr kuor cɛlsɩ, nyɩɩm gbor-bɛrɛ na mɩ́ cen tẽ-zãánɩ a, bʋ̃ʋ n'ʋ vɛ̃, a zie za sãw na, a yie bɛ cãà be ɩ.» Gbor-bɛrɛ na yi a kʋ̃ɔ-kpɛ̃ɛ-sɔgɔ-tẽw, Sɩɩpʋr, wa ta a n'a wõ a yel ŋa.

Ezekɩɛl 19:11

A wuli tɩ kpɛmɛ na, a wa lɩɛb'ɩ nãà-dabɔlɛ. Ʋ tɩ kɛrɩ na zuo a tɩɩr. Nɩr za tɩ nyɛ̃ ʋ na, a ʋ kɛrʋ nɩ a ʋ wuli za zũú.

Amɔsɩ 1:9

À ŋá n'a a Sore yere: «A Tɩ́ɩ̀r tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na nyɔw nɩ-yaga yaga cen nɩ tɩ kʋ̀ a Edɔm tẽw dem, ɛ́ yiiri a yɛbr wõ-taa na be bɛlɛ nɩ a Ɩsɩrayɛl nɩbɛ cará a zũú,

Sɔr-nɛ́ɛ 24:7

A ɩ na mɛ̃ kʋ̃ɔ na paalɩ yi a ƴãwfʋ zie gbɔlɛ yaga za a bʋ̃-kʋ́ɔrɩ pʋɔ a. A Ɩsɩrayɛl nɩbɛ nãà na tʋ̃ɔ́ nɩ a Agagɩ, ɛ́ a bɛ naalʋ-tẽw yɛlɛ cere.

Luka 7:5

ʋ nɔnɛ nɩ a tɩ bʋʋrɛ nɩbɛ, ɛ́ ʋlɛ n'ʋ ŋmãa a tɩ puoru-dĩo kʋ̀ tɩ.»

Wulu-ayi-sob 20:11

Bɛlɛ wa sàw ɛ́ yuo a tẽ-kpɛ̃ɛ dɩ̃dɛɛ a, bɛ za na tone nɩ pɔ̃tɔrɩ tome a nyɩ ƴãw.

1 Samɩɛl 10:27

Ɛcɛ nɩbɛ kãw na bɛ tɛr pɛr towtow a, tɩ yel'a: «Ŋmɩŋmɩn n'a a nɩr ŋa na tʋ̃ɔ́ faa tɩ?» Bɛ tɩ jewr'ʋ na, ɛ́ bɛ wa n bom za wa kʋ̀ ʋ ɛ. Ɛcɛ a bɛ tɩ ɩ a Sawul bom za ɩ.