1 Na-mɩnɛ 3:7 - A SƐB-SÕW

⁷ Sore ɩ̃ Naaŋmɩn i, fʋ̃ʋ n'ʋ ƴãw k'ɩ̃ ɩ a nãà lɩɛrɩ a ɩ̃ sãà Daviir. Ɛcɛ ɩ̃ cãà na ɩ pɔlbil-vɛlvɛl, bɛ bãw a nɩ-kpɛ̃ɛnʋ dɩb ɛ.

1 Na-mɩnɛ 3:7 ပူးပေါင်းရင်းမြစ်များ

2 Samɩɛl 5:2

A koro za a, a Sawul na tɩ ɩ a tɩ nãà a, fʋ̃ʋ n'ʋ mɩ́ tɩ tɛr a Ɩsɩrayɛl sojarɩ cen nɩ a zɛbr zie. Ɛ́ a Sore tɩ yel fʋ na: “Fʋ̃ʋ n'ʋ na cɩ̃ɩnɛ a ɩ̃ nɩ-bʋʋrɛ Ɩsɩrayɛl, fʋ̃ʋ n'ʋ na ɩ a Ɩsɩrayɛl nɩ-kpɛ̃ɛ.”»

1 Bibie za yel-manɩ 22:5

A Daviir tɩ tɩɛr'ɩ ʋ pʋɔ à ŋá: «A ɩ̃ bidɛb Salomɔ̃ cãà na ɩ pɔlbile ɛ́ bɛ bãw bom sɛr ɛ, ɛ́ a yir na na ŋmãa a Sore ƴãw a, a fɛr'a k'ʋʋ tɛr yúor a ten za pʋɔ, a ʋ kpɛ̃ɛnʋ nɩ a ʋ vɩɛlʋ zũú. A na ɩ à ŋá a, ɩ̃ na cɔbr'ɩ bome bin ʋ.» À ŋá n'a a Daviir tɩ cɔbrɩ yel-yaga, ɛ́ bãw kpi.

1 Bibie za yel-manɩ 22:9

Ɛcɛ fʋ na dɔw nɩ bidɛb: ʋ na ɩ n ƴã-ɓaarʋ nɩr, ɩ̃ɩ kʋ̃ bɛr a ʋ dɔ̃ dem na jil koli ʋ a, dam ʋ ɛ. Ʋ na dɩ na kɛ́ Salomɔ̃, — a pɛr lɛ kɛ́: “Ƴã-ɓaarʋ nɩr”—, ɛ́ a ʋ naalʋ daar a, ɩ̃ na ɩ na a Ɩsɩrayɛl be ƴã-ɓaarʋ pʋɔ bɛ bãw damnʋ ɛ.

1 Bibie za yel-manɩ 29:1

A nãà Daviir tɩ yel'ɩ a lãw nɩbɛ za: «A ɩ̃ bidɛb Salomɔ̃ a Naaŋmɩn na kaa ír a, ʋ ɩ n pɔlbile ɛ́ bɛ bãw bom sɛr ɛ. Ɛcɛ a ton ɩ n kpɛ̃ɛ bɛ dɩ vuo ɩ, bʋ̃ʋ n'ʋ vɛ̃, a nãà yir ŋa bɛ ɩ nɩsaal ƴãw ɛ, a Sore Naaŋmɩn ƴãw n'a.

Sɛb-sõw yielu 121:8

A Sore na gù b'ɩ a fʋ cenu daar tɩ ta n a fʋ lɛb-waa daar, a ƴɛrɛƴɛrɛŋa nɩ kʋralɛ!

Zʋkpaɩ 18:12

A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

Ekilezɩasɩ 10:16

Zu-bio tẽw n'ɩ a tẽw ʋl a nãà na ɩ bibi-cãpile, ɛ́ a ʋ tõ-tõ-bi-bɛrɛ za mɩ́ so dɩb tɛwr dɩrɛ a.

Zeremi 1:6

Ɩ̃ tɩ sɔw na: «'Woi! Sore Naaŋmɩn i, ɩ̃ na ɩ n ŋmɩn ƴɛ̀r, ɩ̃ ɩ n pɔlbil-vɛlvɛl lɛ.»

Zeremi 1:7

Ɛcɛ a Sore tɩ yel mɛ̃ na: «Ta yel kɛ́: “Ɩ̃ ɩ n pɔlbil-vɛlvɛl lɛ” ɩ. Zie nɛ za ɩ̃ na tone fʋ a, fʋ na cen nɩ a be. Fʋ na tɩ yel'ɩ bom nɛ za ɩ̃ na yel kɛ́ fʋ yel a.

Sɔr-nɛ́ɛ 27:17

nɩ-kpɛ̃ɛ na na tʋ̃ɔ́ kaarɛ a bɛ zie a yele za pʋɔ a, a fʋ lãw nɩbɛ ta ɩ mɛ̃ píir na bɛ tɛr cɩ̃ɩnɛ a ɩ.»

Zã 10:9

Mãa n'ɩ a dɩ̃dɔr. Nɩr wa tuur a ɩ̃ zie kpɩɛr a, ʋ na nyɛ̃ nɩ faafʋ. Ʋ na mɩ́ kpɛ na ɛ́ yi, ʋʋ na nyɛ̃ nɩ bʋ̃-dɩrɩ.

Wulu-ayi-sob 31:2

«Ɩ̃ tɛr'ɩ yome lɩz'a ayʋɔb (120) ƴɛrɛŋa, ɩ̃ kʋ̃ tʋ̃ɔ́ cãà ɩ a nyɩ nɩ-kpɛ̃ɛ ɩ, ɛ́ a Sore yel mɛ̃ k'ɩ̃ɩ kʋ̃ gãw a Zurdɛ̃ ɩ.

1 Samɩɛl 18:16

Ɛcɛ a Ɩsɩrayɛl nɩbɛ nɩ a Zuda nɩbɛ za tɩ nɔnɛ nɩ a Daviir, bʋ̃ʋ n'ʋ vɛ̃, ʋlɛ n'ʋ mɩ́ tɩ de bɛ niwn a zɛbr ƴãw.