1 Na-mɩnɛ 3:3 - A SƐB-SÕW

³ A Salomɔ̃ tɩ wul'a k'ʋʋ nɔnɛ nɩ a Sore, ʋ na tɩ ɩrɛ a lɛ a ʋ sãà Daviir na tɩ yel kʋ̀ ʋ a ƴãw. Ɛcɛ ʋ mɩ̀ tɩ kʋrɛ nɩ dʋn maalɛ nɩ bagɛ, ɛ́ nyɩwr a tɩ-suur-zɔ̃-na-nyùur-vla-vla-a, a maalʋ-ziir.

1 Na-mɩnɛ 3:3 ပူးပေါင်းရင်းမြစ်များ

1 Na-mɩnɛ 11:34

Ɛcɛ a Salomɔ̃ zie bɛ n'a ɩ̃ na faa a naalʋ-tẽw za ɩ: ɩ̃ na bɛr ʋ na k'ʋ ɩ a Ɩsɩrayɛl nɩbɛ nɩ-kpɛ̃ɛ tɩ ta a ʋ nyɔ-vʋʋrʋ baarʋ daar, a ɩ̃ tõ-tõ-bie Daviir ɩ̃ na kaa ír a zũú, ʋʋ sàw a ɩ̃ nɛ-ƴãwnɩ nɩ a ɩ̃ wulu a.

1 Na-mɩnɛ 11:38

Fʋ̃ʋ wa bɛrɛ wone a lɛ za ɩ̃ na na yel kʋ̀ b a, fʋ̃ʋ wa tuur a sɔ́r ɩ̃ na na wul fʋ a, fʋ̃ʋ wa ɩrɛ vla a ɩ̃ zie a, fʋ̃ʋ wa sàwr a wulu nɩ a nɛ-ƴãwnɩ ɩ̃ na na kʋ̃ b a, mɛ̃ a lɛ a ɩ̃ tõ-tõ-bie Daviir na tɩ ɩrɛ a, a lɛn daar a, ɩ̃ na be n a fʋ zie, ɩ̃ na zɩɩl'ɩ a naalʋ ʋ kpɛmɛ a fʋ yir pʋɔ, mɛ̃ a lɛ ɩ̃ na ɩ a Daviir ƴãw a. Ɩ̃ na kʋ̀ b ɩ a Ɩsɩrayɛl nɩbɛ dɔwlʋ pie,

1 Na-mɩnɛ 11:4

A Salomɔ̃ na wa kor baar'a, a ʋ pɔwbɛ tɩ taw ʋ na tu n ŋmɩn-yoru puoru, ʋ bɛ tɩ cãà tu a Sore ʋ Naaŋmɩn, nɩ a ʋ pʋɔ za, mɛ̃ a ʋ sãà Daviir a ɩ.

1 Na-mɩnɛ 11:6

Ʋ tɩ ɩ n a lɛ na bɛ vɩɛl a, a Sore zie, bʋ̃ʋ n'ʋ vɛ̃, ʋ bɛ tɩ sàwr a Sore nʋɔr vla, mɛ̃ a ʋ sãà Daviir a ɩ.

1 Na-mɩnɛ 14:23

Bɛ mɩ̀ tɩ cɔbr'ɩ maalʋ-ziir, bin kʋsɛ-teli nɩ dà-barɩ a tãli za na tɛr tɩ-zimpiri zimpiri a zu.

1 Na-mɩnɛ 14:8

Ɩ̃ faa nɩ a naalʋ a Daviir yir dem zie kʋ̀ b. Ɛcɛ fʋ bɛ ɩ mɛ̃ a ɩ̃ tõ-tõ-bie Daviir a ɩ. Ʋ tɩ sàwr'ɩ a ɩ̃ nɛ-ƴãwnɩ ɛ́ tone mɛ̃ nɩ a ʋ pʋɔ za, ɛ́ ɩrɛ a lɛ tɛwr na pɛlɩ a ɩ̃ pʋɔ a.

1 Na-mɩnɛ 15:11

A Asa tɩ ɩ n a lɛ na vɩɛl a, a Sore zie, mɛ̃ a ʋ sãàkʋm-kʋra Daviir a.

1 Na-mɩnɛ 15:14

Ɛcɛ ʋ bɛ tɩ ír a maalʋ-ziir bɛr ɛ, ʋ na saa tɩ tu a Sore nɩ ʋ pʋɔ za, a ʋ nyɔ-vʋʋrʋ daar za a.

1 Na-mɩnɛ 15:3

A Abiyam tɩ maal'ɩ a yel-bebe al za a ʋ sãà na de niwn a ʋ ƴãw maalɩ a. Ʋ bɛ tɩ tu a Sore ʋ Naaŋmɩn nɩ a ʋ pʋɔ za, mɛ̃ a lɛ a ʋ sãàkʋm-kʋra na tɩ ɩ a ɩ.

1 Na-mɩnɛ 15:5

Bʋ̃ʋ n'ʋ vɛ̃, a Daviir tɩ ɩ n a lɛ na vɩɛl a, a Sore niŋé. A ʋ nyɔ-vʋʋrʋ daar za a, ʋ bɛ tɩ zawrɩ a Sore nɔ-ƴãwna been kãw za ɩ, alɛ bɛ ɩ a Uuri na ɩ Hititɩ a yele pʋɔ a.

1 Na-mɩnɛ 22:43

A Zozafatɩ tɩ tu n a ʋ sãà Asa gbɛ́ɛ, ɛ́ bɛ bɩɛ ɩ, ɩrɛ a lɛ na pɛlɩ a Sore pʋɔ a.

1 Na-mɩnɛ 22:44

Ɛcɛ ʋ bɛ tɩ ír a maalʋ-ziir bɛr ɛ. A nɩbɛ tɩ cãà na cere a be, tɩ kʋrɛ a dʋn maalɛ nɩ a bagɛ, ɛ́ nyɩwr a tɩ-suur-zɔ̃-na-nyùur-vla-vla-a.

1 Na-mɩnɛ 3:14

Fʋ̃ʋ wa tuur a ɩ̃ sɛ́ɛ, fʋ̃ʋ wa sàwr a ɩ̃ wulu, nɩ a ɩ̃ nɛ-ƴãwnɩ mɛ̃ a fʋ sãà Daviir a, ɩ̃ na kʋ̀ b'ɩ nyɔ-vʋʋr-wogo.»

1 Na-mɩnɛ 3:6

A Salomɔ̃ tɩ sɔw na: «Fʋ tu n a fʋ tõ-tõ-bie ɩ̃ sãà Daviir pùor nɩ nɔ̃wfʋ yaga za, ʋ na tɩ cere a fʋ niŋé, ɩ yel-mɩŋa nɩr, nɩ-mɩŋa nɩ nɩsaal-dẽdẽ a. Fʋ cãà na tɛr a fʋ nɔ̃wfʋ a ʋ zie, kʋ̀ ʋ bidɛb na zɩ̃ a ʋ naalʋ-dà-kɔw zu a dɩ̃a a.

1 Na-mɩnɛ 8:25

Ƴɛrɛŋa a, Sore e, Ɩsɩrayɛl Naaŋmɩn i, mɩ̀ maalɩ a lɛ fʋ na tɩ ƴãw a nʋɔr a fʋ tõ-tõ-bie ɩ̃ sãà Daviir zie a, a lɛn daar fʋ na tɩ yel ʋ à ŋá a: “A fʋ bʋʋrɛ wa ɩrɛ vla a ɩ̃ zie mɛ̃ a lɛ a fʋ̃ʋ mɩŋa na ɩ a, a bɛ kãw na mɩ́ be n a ɩ̃ niŋé kʋralɛ, dɩrɛ naalʋ a Ɩsɩrayɛl nɩbɛ zu, a fʋ pùorí.”

1 Na-mɩnɛ 8:61

A lɛ a, a Sore tɩ Naaŋmɩn na so nɩ a nyɩ socir za, ʋ sàwr a ʋ wulu nɩ a ʋ nɛ-ƴãwnɩ, mɛ̃ a lɛ nyɩ na ɩrɛ a dɩ̃a a.»

1 Na-mɩnɛ 9:4

Ɛ́ a fʋ̃ʋ a, fʋ̃ʋ wa ɩrɛ a ɩ̃ zie mɛ̃ a fʋ sãà Daviir a, fʋ̃ʋ wa tu m nɩ a fʋ pʋɔ za, ɛ́ cere dẽdẽ a, fʋ̃ʋ wa ɩrɛ a lɛ za ɩ̃ na yere kʋ̀rɛ fʋ a, fʋ̃ʋ wa sàwr a wulu nɩ a tub ɩ̃ na kʋ̀ b a,

2 Na-mɩnɛ 12:3

A Zowasɩ tɩ ɩ n a lɛ na vɩɛl a, a Sore zie, a ʋ nyɔ-vʋʋrʋ daar za, a bàwr-maalɛ Yehoyada na tɩ wul ʋ vla a ƴãw.

2 Na-mɩnɛ 12:4

Ɛcɛ a maalʋ-ziir tɩ cãà nɩ be, a nɩbɛ tɩ cãà na cere a be tɩ maalɛ a bagɛ, ɛ́ nyɩwr a tɩ-suur-zɔ̃-na-nyùur-vla-vla-a.

2 Na-mɩnɛ 14:3

A Amazɩasɩ tɩ ɩ n a lɛ na vɩɛl a, a Sore zie, ɛcɛ a bɛ tɩ ɩ mɛ̃ a ʋ sãàkʋm-kʋra Daviir a ɩ. Ʋ tɩ ɩ na mɛ̃ a lɛ tɔr za a ʋ sãà Zowasɩ na ɩ a.

2 Na-mɩnɛ 14:4

Ɛcɛ ʋ tɩ cãà na bɛr a maalʋ-ziir, a nɩbɛ cãà cere tɩ maalɛ a bagɛ, nyɩwr'ɩ a tɩ-suur-zɔ̃-na-nyùur-vla-vla-a.

2 Na-mɩnɛ 15:35

Ɛcɛ ʋ tɩ cãà na bɛr a maalʋ-ziir, a nɩbɛ cãà cere tɩ maalɛ a bagɛ, ɛ́ nyɩwr a tɩ-suur-zɔ̃-na-nyùur-vla-vla-a. A Yotam n'ʋ tɩ mɛ a Sore Ŋmɩn-yir-kpɛ̃ɛ dɩ̃dɔ-kpɛ̃ɛ.

2 Na-mɩnɛ 15:4

Ɛcɛ ʋ tɩ cãà na bɛr a maalʋ-ziir, a nɩbɛ cãà cere tɩ maalɛ a bagɛ, nyɩwr'ɩ a tɩ-suur-zɔ̃-na-nyùur-vla-vla-a.

2 Na-mɩnɛ 18:22

Ɛcɛ mɛ̃ nyɩ taa na yel mɛ̃ k'aa Sore nyɩ Naaŋmɩn ƴãw n'a nyɩ ƴãw a nyɩ tɩɛrʋ. Ɛcɛ a fʋ̃ʋ Ezekɩasɩ tɔr za n'ʋ ír a ʋ maalʋ-ziir, nɩ a ʋ bàwr-maal-kube bɛr, ɛ́ yel a Zerizalɛm nɩ a Zuda tẽw dem, k'aa Zerizalɛm bàwr-maal-kuur ŋa yõ niŋé n'a bɛ na puore a Sore.

2 Na-mɩnɛ 18:4

Ʋlɛ n'ʋ tɩ diw a maalʋ-ziir bɛr, ŋmɛr a kʋsɛ-teli bɛr, ɛ́ cɛ̀ a dà-barɩ ŋma. Ʋ mɩ̀ tɩ ƴãw na bɛ ŋmɛr a kur-zɩɛ waab a Moyiir na tɩ maalɩ a bɛr. Bʋ̃ʋ n'ʋ vɛ̃, wa tɩ tɔ a lɛn daar a, a Ɩsɩrayɛl nɩbɛ tɩ nyɩwr'ɩ tɩ-suur-zɔ̃-na-nyùur-vla-vla-a, a waab ŋa bɛ na tɩ bʋɔlɛ kɛ́ Nehusɩtan a ƴãwfʋ ƴãw.

2 Bibie za yel-manɩ 15:17

Ɛcɛ ʋ bɛ tɩ ír a maalʋ-ziir bɛr a Ɩsɩrayɛl tẽw pʋɔ ɩ, ʋ na saa tɩ tu a Sore nɩ ʋ pʋɔ za a ʋ nyɔ-vʋʋrʋ daar za a.

Sɛb-sõw yielu 145:20

A Sore mɩ́ gùre nɩ a bɛlɩ dem za na nɔnɛ ʋ a, ɛcɛ ʋ mɩ́ kʋ n a nɩ-faar za.

Sɛb-sõw yielu 31:23

Mãa ƴãw a, a tɩɛrʋ tɩ dam mɛ̃ na, ɩ̃ yere: «Mãa n'ɩ ŋan bɛ diw bɛr a fʋ niŋé.» Ɛcɛ ɩ̃ na tɩ zɛlɛ fʋ a yãayãa a, fʋ tɩ wõ a na, a lɛ ɩ̃ na tɩ kone bʋɔlɛ fʋ a.

Levitɩ mɩnɛ 17:5

A nʋɔr ŋa fɛrɛ nɩ a Ɩsɩrayɛl nɩbɛ kɛ́ bɛ mɩ́ tɛr a dʋn wa n a bàwr-maalɛ zie a tuor-taa pɛn-sɛw dɩ̃dɔr nʋɔr wa maal'ɩ lãw-taa bàwr kʋ̀ a Sore, ɛ́ ta cãà kʋrɛ a a wɩ̀ɛ pʋɔ ɩ.

Matie 22:37

A Yeezu tɩ sɔw ʋ na: «“Fʋ na nɔnɛ nɩ a Sore fʋ Naaŋmɩn nɩ a fʋ socir za, nɩ a fʋ sɩ́ɛ za, nɩ a fʋ yã za.”

Zã 14:15

«Nyɩmɛ wa nɔnɛ mɛ̃ a, nyɩ na sàwr'ɩ a ɩ̃ nɛ-ƴãwnɩ vla.

Zã 14:21

Ʋlɩ sob na sàwr a ɩ̃ nɛ-ƴãwnɩ ɛ́ tuur a vla a, a sob ŋa n'ʋ nɔnɛ mɛ̃. Ɛ́ ʋlɩ sob na nɔnɛ mɛ̃ a, a ɩ̃ Sãà na nɔnɛ ʋ na, ɩ̃ mɩ̀ na nɔnɛ ʋ na, ɩ̃ɩ na wul'ɩ ɩ̃ tʋɔra a ʋ sob.»

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

1 Korɛ̃tɩ 8:3

Ɛcɛ nɩr wa nɔnɛ Naaŋmɩn a, a Naaŋmɩn mɩ́ bãw ʋ na.

Wulu-ayi-sob 10:12

Ƴɛrɛŋa a, Ɩsɩrayɛl nɩbɛ ɛ, bʋ̃ʋ n'ʋ a Sore nyɩ Naaŋmɩn gùre a nyɩ zie? A ʋlɩ bom nɛ tɛwr ʋ na gùre a, ʋlɛ n'ɩ kɛ́ nyɩ zɔrɛ ʋ, maalɛ a ʋ pʋ-tɩɛrʋ, nɔnɛ ʋ, ɛ́ tone a ʋ tome nɩ a nyɩ pʋɔ za, nɩ a nyɩ sɩ́ɛ za.

Wulu-ayi-sob 10:13

Ʋ gù na kɛ́ nyɩ sàwr a ʋ nɛ-ƴãwnɩ nɩ a ʋ wulu ɩ̃ na kʋ̀rɛ nyɩ a dɩ̃a, a nyɩ vla ƴãw a.

Wulu-ayi-sob 11:13

Nyɩmɛ wa sɩrɩ sàwr a ɩ̃ nɛ-ƴãwnɩ ɩ̃ na kʋ̀rɛ nyɩ a dɩ̃a a, nyɩmɛ wa nɔnɛ a Sore nyɩ Naaŋmɩn nɩ a nyɩ pʋɔ za nɩ a nyɩ sɩ́ɛ za a,

Wulu-ayi-sob 30:16

Nʋɔr ŋa n'ʋ ɩ̃ ƴãwnɛ kʋ̀rɛ nyɩ a dɩ̃a: nyɩ nɔnɛ a Sore nyɩ Naaŋmɩn, nyɩ tuur a sɔ́r ʋ na wul nyɩ a, nyɩ sàwr a ʋ nɛ-ƴãwnɩ, a ʋ wulu nɩ a ʋ tub. A lɛ pʋɔ a, nyɩ na vʋʋrɛ na, nyɩ na yɛ̀r a yãwmɛ, ɛ́ a Sore nyɩ Naaŋmɩn na maalɩ nyɩ nɩ a tẽw nyɩ na cere kɛ́ nyɩ tɩ so a pʋɔ.

Wulu-ayi-sob 30:20

Nyɩ nɔnɛ a Sore nyɩ Naaŋmɩn, wone a ʋ ƴɛ̀rʋ, ɛ́ tu ʋ. À ŋá n'a nyɩ na vʋʋrɛ, ɛ́ kpɛ a tẽw a Sore na pɔ yel k'ʋʋ na kʋ̀ n a nyɩ sãàkʋm-kore Abraham, Ɩzaakɩ nɩ Zakɔb a, cɛlɩ.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

1 Samɩɛl 9:12

A pɔwsɩrali tɩ sɔw bɛ na: «Ʋ̃ʋ, ƴɛrɛŋa n'a ʋ de niwn ta a nyɩ ƴãw. A tɩ maalʋ-zie bàwr bibir'ɩ a dɩ̃a, alɛ so ʋ wa a tɩ tẽw pʋɔ a dɩ̃a, nyɩ cen fɔ̃w,