1 Na-mɩnɛ 2:6 - A SƐB-SÕW

⁶ Alɛ so, fʋ na bãw a ɩb ɩ: fʋ kʋ̃ bɛr ʋ ʋ kor tɩ kpi zaa zoom ɛ.

1 Na-mɩnɛ 2:6 ပူးပေါင်းရင်းမြစ်များ

Yele-za-pɛr-tib 42:38

A Zakɔb tɩ sɔw na: «A ɩ̃ bidɛb bɛ páwr nyɩ cere ɩ! A ʋ yɛb kpi na, ʋʋ cɛ ʋ yõ. Bʋ̃-kãw wa ɩ ʋ a sɔ́r zu a, nyɩmɛ nɛbɛ n'a so ɩ̃ cen a kpɩmɛ tẽw nɩ pʋ-sãwna, a mãa na kor à à ŋá a.»

Yele-za-pɛr-tib 9:5

A nyɩ zɩ̃ɩ mɩ̀ na ɩ a nyɩ nyɔ-vʋʋrʋ a, ɩ̃ na sowr'ɩ a san dʋ̃w za zie ɛ́ mɩ̀ sowri a san a nɩsaal zie. Ŋa za zie n'a ɩ̃ na mɩ́ sowri a ʋ nɩsaal-tɔ nyɔ-vʋʋrʋ san.

Yele-za-pɛr-tib 9:6

Nɩr wa ɩ nɩsaal zɩ̃ɩ a cir a, nɩsaal'ʋ na ɩ a ʋ zɩ̃ɩ a cir. Bʋ̃ʋ n'ʋ vɛ̃, Naaŋmɩn ír'ɩ a nɩsaal ʋ ɩ a ʋ ŋmɛ̃-ta-tɔ.

2 Samɩɛl 3:39

Mãa a, ɩ̃ na saa ɩ nãà a, ɛcɛ ɩ̃ cãà na nyɛ̃ ɩ̃ bɛ tɛr fãw a nɩbɛ bɛ ŋa a bɛ mã na dɩ kɛ́ Seruya a, nɩ-fa-ɩb niŋé ɩ. Ɛcɛ a Sore tɔr za, ʋ dɔwrɩ a nɩ-faa sɛwnɩ a ʋ nɩ-fa-ɩb.

1 Na-mɩnɛ 2:7

Fʋ mɩ̀ cãà na bãwnɩ a Barzilaɩ, na yi Galaadɩ a, bidɛbr. Bɛ wa na wa sõw mɛ̃, a ʋlɩ bibir a fʋ yɛb Abɩsalɔm na tɩ diwr mɛ̃ ɩ̃ zɔrɛ a. A lɛ pʋɔ a, fʋ na maal'a tɛr bɛ, ɛ́ bɛ dɩrɛ bibie za a fʋ zie.

1 Na-mɩnɛ 2:9

Ƴɛrɛŋa a, fʋ kʋ̃ nyɛ̃ ʋ ʋ ɩ nɩr na bɛ tɛr sãwna a ɩ. Fʋ ɩ n yã-bãwnɛ, fʋ na bãw nɩ a lɛ fʋ na ɩrɛ ʋ a. Ʋ kor'ɩ yaga, ɛcɛ fʋ kʋ̃ bɛr ʋ ʋ kpi ɓaar ɓaar ɛ.»

1 Na-mɩnɛ 3:12

ɩ̃ na kʋ̀ b'ɩ a ʋlɩ bom nɛ fʋ na zɛlɩ a: a yã-bãwfʋ nɩ a yã. Nɩr bɛ dãw de niwn tɛr a man fʋ ɛ, ɛ́ nɩr kʋ̃ tɛr a a pùorí man fʋ ɛ.

2 Na-mɩnɛ 22:20

Alɛ n'a so ɩ̃ na bɛr fʋ, fʋ lɛb cen tɩ páw a fʋ sãà mɩnɛ, ɛ́ siw a bɔw pʋɔ nɩ ƴã-ɓaarʋ, ɛ́ bɛ nyɛ̃ a faa al za ɩ̃ na na ɩ a páw a Zerizalɛm a ɩ.”» A bàwr-maal-kara Hɩlkɩahu nɩ a ʋ taabɛ tɩ lɛb'a wa n a sɔwfʋ ŋa, wa yel kʋ̀ a nãà Zozɩasɩ.

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

Zʋkpaɩ 20:26

Nãà na ɩ yã-bãwnɛ a mɩ́ diw nɩ a nɩ-faar yaarɩ. Ʋ mɩ́ nɛb bɛ na ŋmɛr.

Zʋkpaɩ 28:17

Nɩ-kʋrɛ na zɔ na tɩ ta a ʋ yàa-bɔw nʋɔr: nɩr za taa nyɔwr ʋ tɛrɛ ɩ.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ɩzayi 48:22

Ɛcɛ a Sore yere na kɛ́ ƴã-ɓaarʋ bɛ ka a nɩ-faar ƴãw ɛ.

Ɩzayi 57:2

Ɛcɛ a ƴã-ɓaarʋ na wa na, ɛ́ a bɛlɩ dem na ɩrɛ vla a na mɩ́ gúre nɩ zoom a bɛ bʋ̃-gana zu.

Ɩzayi 57:21

A ɩ̃ Naaŋmɩn yel a: «Ƴã-ɓaarʋ bɛ be a nɩ-faar ƴãw ɛ.»

Ɩzayi 65:20

Bibie à ŋá tɛwr bi-pɩɩla bɛ lɛb kpiir a be ɩ. Dɛnyãw na bɛ ta a ʋ daar a bɛ lɛb kpiir ɛ. Nɩr na tɛr yome kʋba (100) kpi n a, ʋ ɩ n pɔlbile ɛ́ kpi. Ɛ́ nɩr bɛ wa ta yome kʋba (100) a, bɛ na jɩ́rɛ ʋ na mɛ̃ nɩr bɛ na ŋmɛ ƴãw a.

Sɔr-nɛ́ɛ 35:33

Nyɩ bɛ dɛwr a tẽw nyɩ na na kpɩɛr a bɛrɛ ɩ. Ɛcɛ nɩr kʋb dɛwr'ɩ a tẽw. Ɛ́ a nɩ-kʋrɛ kũu yõ n'a pɛ́wr a zɩ̃ɩ na dɛw a tẽw a.