1 Na-mɩnɛ 2:3 - A SƐB-SÕW

³ Sàwr a Sore fʋ Naaŋmɩn nʋɔr: tuur a ʋ sɛ́ɛ, maal tɛr a ʋ wulu, a ʋ nɛ-ƴãwnɩ, a ʋ tub, nɩ a ʋ fɛrʋ, nɩ bom za na sɛb a Moyiir wulu pʋɔ a. Lɛ n'a a fʋ yele za nɩ a fʋ tɩɛrʋ za na mɩ́ tu b.

1 Na-mɩnɛ 2:3 ပူးပေါင်းရင်းမြစ်များ

2 Samɩɛl 8:14

Ʋ tɩ zɩɩl'ɩ na-kpɛ̃ɛ-lɩɛrbɛ a Edɔm tẽw. A Edɔm tẽw za pʋɔ n'a ʋ tɩ zɩɩl'ɩ na-kpɛ̃ɛ-lɩɛrbɛ, ɛ́ a Edɔm tẽw dem za lɩɛbɩ a Daviir tõ-tõ-biir. À ŋá n'a a Sore mɩ́ tɩ ɩ a Daviir zɛb tʋ̃ɔ́, zie nɛ za ʋ na mɩ́ cen a zɛbr a.

2 Samɩɛl 8:6

A Daviir tɩ zɩɩl'ɩ na-kpɛ̃ɛ-lɩɛrbɛ a Siiri tẽw dem ƴãw, bɛ lɩɛbɩ a Daviir tõ-tõ-biir, a fɛr kɛ́ bɛ yarɛ zu-yar. Zie nɛ za a Daviir na mɩ́ tɩ cen a zɛbr a, a Sore mɩ́ tɩ ɩ na ʋ zɛb tʋ̃ɔ́.

1 Na-mɩnɛ 3:3

A Salomɔ̃ tɩ wul'a k'ʋʋ nɔnɛ nɩ a Sore, ʋ na tɩ ɩrɛ a lɛ a ʋ sãà Daviir na tɩ yel kʋ̀ ʋ a ƴãw. Ɛcɛ ʋ mɩ̀ tɩ kʋrɛ nɩ dʋn maalɛ nɩ bagɛ, ɛ́ nyɩwr a tɩ-suur-zɔ̃-na-nyùur-vla-vla-a, a maalʋ-ziir.

2 Na-mɩnɛ 18:7

A Sore tɩ be n a Ezekɩasɩ zie, kɛ̀ bom za ʋ na ɩrɛ a tuur ʋ. A Ezekɩasɩ bɛ tɩ cãà sàw a Asiiri tẽw nãà nɩ-kpɛ̃ɛnʋ a ʋ zu ɛ, bɛ cãà sàw ʋ so ʋ ɛ.

1 Bibie za yel-manɩ 29:19

Kʋ̀ a ɩ̃ bidɛb Salomɔ̃ soci-dẽdẽ na tuur a fʋ nɛ-ƴãwnɩ, a fʋ wulu nɩ a lɛ za fʋ na mɩ́ yel a, ʋ tʋ̃ɔ́ tu a yele za vla, ɛ́ ŋmãa a nãà yir ɩ̃ na cɔbrɩ a.»

Sɛb-sõw yielu 119:111

A lɛ fʋ na yel a ɩ n na-bom kʋralɛ a ɩ̃ zie, a mɩ́ ɩ na k'ɩ̃ tɛr su-nʋ̃ɔ̀.

Sɛb-sõw yielu 119:138

A lɛ fʋ na yel a, a mɩnʋ nɩ a yel-mɩŋa tɔr za n'a a tu.

Sɛb-sõw yielu 119:2

Zu-nʋ̃ɔ̀ dem'ɩ a bɛl na mɩ́ tuur a lɛ ʋ na yel a, a bɛl na mɩ́ bɔbr ʋ nɩ bɛ pʋɔ za a.

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

Levitɩ mɩnɛ 8:35

Nyɩ na be n a tuor-taa pɛn-sɛw dɩ̃dɔr nʋɔr, mʋ̃tɔ̃w nɩ tɩ̃ɩsɔw, bibie ayopõi, al pùorí a, nyɩ na tʋ̃ɔ́ na tone a Sore tome ɛ́ taa kpiir ɛ. À à ŋá n'a a Sore yel kʋ̀ m.»

Wulu-ayi-sob 29:8

Alɛ n'a so a fɛr kɛ́ nyɩ maal tɛr a wõ-taa, a Naaŋmɩn na maal'ɩ nyɩ a, ƴɛ̀rʋ vla, ɛ́ sàwr a. À ŋá n'a a nyɩ yele za na mɩ́ cere vla.

Wulu-ayi-sob 29:9

Ɩsɩrayɛl nɩbɛ ɛ, nyɩmɛ n'ɩ bɛ ŋa àr nyɩ za a Sore nyɩ Naaŋmɩn niŋé a dɩ̃a: a nyɩ nɩ-bɛrɛ, a nyɩ dɔwlʋ nɩ-bɛrɛ, a nyɩ nɩ-kore nɩ a nyɩ sɛ-sɛbrbɛ, a Ɩsɩrayɛl dɛbr za,

Wulu-ayi-sob 4:1

A Moyiir tɩ cãà na cow yel à ŋá: Ɩsɩrayɛl nɩbɛ ɛ, nyɩ wone a wulu nɩ a tub ɩ̃ na wule nyɩ kɛ́ nyɩ tuur a. A na ɩ na nyɩ vʋʋrɛ, ɛ́ so a tẽw a Sore nyɩ sãàkʋm-kore Naaŋmɩn na kʋ̀rɛ nyɩ a.

Wulu-ayi-sob 4:45

Bɛ na tɩ yi a Eziptɩ baar'a n'a ʋ manɩ a fɛrʋ, a wulu nɩ a tub na be be a kʋ̀ bɛ.

Wulu-ayi-sob 4:5

Nyɩ nyɛ̃, ɩ̃ kʋ̀rɛ nyɩ nɩ wulu nɩ tub, mɛ̃ a lɛ a Sore ɩ̃ Naaŋmɩn na yel kʋ̀ m a. Nyɩmɛ wa kpɛ a tẽw nyɩ na na so a pʋɔ a, nyɩ tuur a wulu nɩ a tub á ŋá.

Wulu-ayi-sob 4:8

Nɩ-bʋʋrɛ kãw be n be, a nɩ-bʋʋr-bɛrɛ bɛrɛ za pʋɔ, tɛr wulu nɩ tub a tɛr yel-mɩŋa man a al na be a wulu pʋɔ, ɩ̃ na kʋ̀rɛ nyɩ a dɩ̃a bɩɩ?

Wulu-ayi-sob 5:1

A Moyiir tɩ bʋɔl'ɩ a Ɩsɩrayɛl nɩbɛ za wa yel bɛ à ŋá: «Ɩsɩrayɛl nɩbɛ ɛ, nyɩ wone a wulu nɩ a tub ɩ̃ na kʋ̀rɛ nyɩ a dɩ̃a a. Nyɩ zanɩ a ɛ́ ƴãw fãw tuur a.

Zozue 22:5

Ɛcɛ, nyɩ dɛ tɩ ƴãw fãw tuur a wulu a Sore nyɩ Naaŋmɩn tõ-tõ-bie Moyiir na kʋ̀ nyɩ a: nyɩ nɔnɛ a Sore nyɩ Naaŋmɩn, nyɩ maalɛ a ʋ pʋ-tɩɛrʋ, nyɩ tuur a ʋ nɛ-ƴãwnɩ, nyɩ sàw de ʋ nɩ nyɩ pʋɔ za, nyɩ maalɛ ʋ nɩ a nyɩ tɩɛrʋ za, nɩ a nyɩ sɩ́ɛ za.»

Zozue 23:6

A na ɩ à ŋá a, nyɩ kpɛmɛ yaga, ɛ́ sɩrɩ tuur a lɛ za na sɛb a Moyiir wulu sɛbɛ pʋɔ a, nyɩ tuur a, ɛ́ taa bɛrɛ a towtow ɛ.

1 Samɩɛl 18:14

ɛ́ kʋralɛ ʋ na mɩ́ tɩ yi a zɛbr a, ʋ mɩ́ zɛb'a tʋ̃ɔ́, bʋ̃ʋ n'ʋ vɛ̃, a Sore tɩ be n a ʋ zie.

1 Samɩɛl 18:30

A lɛn daar a, a Filisɩtɛ̃ mɩnɛ nɩ-bɛrɛ tɩ yi na kɛ́ bɛ zɛb'ɩ a Ɩsɩrayɛl nɩbɛ. Zɩ̃ k'aa zɛbr za pʋɔ a, a Daviir mɩ́ tɩ zɛb'a tʋ̃ɔ́ zuo a Sawul sojarɩ nɩ-bɛrɛ za na cɛ a, lɛ n'a a Daviir yúor tɩ yi yaga za.

1 Samɩɛl 18:5

Zie nɛ za a Sawul na mɩ́ tɩ tõ a Daviir a zɛbr a, ʋ mɩ́ tɩ zɛb'a tʋ̃ɔ́. Lɛ so a Sawul tɩ ƴãw ʋ ɩ a zɛbr-nɩbɛ nɩ-kpɛ̃ɛ. A sojarɩ za tɩ lãwnɩ a sojarɩ nɩ-bɛrɛ tɩ nɔnɛ ʋ na.