Ɛcɛ ƴɛrɛŋa a, ʋ kpi na. Bʋ̃ʋ ƴãw n'a ɩ̃ na cãà tɛr a mʋta-tuo? Ɩ̃ na tʋ̃ɔ́ na ɩ ʋ lɛb vʋʋrɛ bɩɩ? Mãa n'ʋ nãà cen tɩ páw ʋ, ʋl kʋ̃ lɛb wa a ɩ̃ zie ɩ.»
Fʋ̃ʋ wa tuur a nɛ́ɛ nɩ a tub al a Sore na kʋ̀ a Moyiir a Ɩsɩrayɛl ƴãw a, fʋ na ɩ n nɩr a yele za pʋɔ. Kpɛmɛ ɛ́ kpɛ socir. Ta zɔrɛ bom ɛ, ɛ́ ta kpɛ dɛ̃bɩ̃ɛ ɩ.
Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.
Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»
Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.
Mãa kule na mɛ̃ tẽw zu bom za na tɔlɛ a. Ɛcɛ nyɩɩm a, nyɩ sàw nɩ nyɩ tɩɛrʋ za, nɩ nyɩ sɩ́ɛ za, k'aa ƴɛ̀r-vɩɛlɩ al za a Sore nyɩ Naaŋmɩn na tɩ ƴɛ̀r a nyɩ ƴãw a, been bɛ cɛ bɛ tu a ʋ tub ɛ. A za tu na tɩ ɓɩɩlɩ.