1 Na-mɩnɛ 13:9 - A SƐB-SÕW

⁹ Bʋ̃ʋ n'ʋ vɛ̃, nʋɔr ŋa n'ʋ a Sore ƴãw kʋ̀ m: “Fʋ bɛ 'wɔbr dipɛ̃, bɛ nyuur kʋ̃ɔ ɩ, ɛ́ fʋ bɛ tuur a sɔ́r ʋl fʋ na tu wa a, lɛbr kule ɩ.”»

1 Na-mɩnɛ 13:9 ပူးပေါင်းရင်းမြစ်များ

1 Na-mɩnɛ 13:1

Zɩ̃ k'aa Sore na yel a zũú a, Naaŋmɩn nɩr kãw tɩ yi n a Zuda tẽw wa ta a Betɛl, a lɛn daar a Zerobowam na tɩ nyɩwr bàwr-maal-bom, a bàwr-maal-kuur zu a.

1 Na-mɩnɛ 13:10

Lɛ n'a ʋ tɩ lɛb de sɔr-yũo, ʋ bɛ tɩ lɛb de a sɔ́r ʋl ʋ na tu wa a Betɛl a ɩ.

1 Na-mɩnɛ 13:16

Ɛcɛ a Naaŋmɩn nɩr tɩ sɔw ʋ na: «Ɩ̃ kʋ̃ tʋ̃ɔ́ lɛb pùor páw fʋ kul ɛ, ɩ̃ bɛ tɛr sɔ́r na dɩ bom bɩɩ nyũ bom a Betɛl ɛ.

1 Na-mɩnɛ 13:19

A Naaŋmɩn nɩr tɩ páw ʋ na lɛb kul a ʋ yir, tɩ dɩ kɛ́ nyũ.

1 Na-mɩnɛ 13:8

Ɛcɛ a Naaŋmɩn nɩr tɩ sɔw nɩ a nãà: «Fʋ̃ʋ mɩ̀ saa na kʋ̀ m a fʋ bʋ̃-tɛrɩ põ-zɛ̃-taa zie a, ɩ̃ bɛ kpɩɛr a fʋ yir ɛ, ɩ̃ bɛ 'wɔbr dipɛ̃, bɛ nyuur kʋ̃ɔ a ka ɩ.

A Zɔb sɛbɛ 23:12

Ɩ̃ tu n a ʋ nɛ-ƴãwnɩ bɛ cɛ ɩ, ɩ̃ nɔ̃w nɩ a lɛ ʋ na mɩ́ yel a, zuo a lɛ a mãa na mɩ́ bɔbr a.

Sɛb-sõw yielu 141:4

Piw mɛ̃ tɛr, ɩ̃ ta lãw nɩ a yel-fa-maalbɛ ƴɛ̀rɛ ƴɛ̀r-faar bɩɩ maalɛ faa ɩ. Ɩ̃ bɛ bɔbr k'ɩ̃ɩ pʋɔ a bɛ nɔrʋ pʋɔ ɩ.

Sɔr-nɛ́ɛ 16:26

A Moyiir tɩ yel'ɩ a lãw nɩbɛ za à ŋá: «Nyɩ taw zãá nɩ a nɩ-faar bɛ ŋa pɛnɛ-sɛwr. Nyɩ taa tʋɔr a bɛ bom kãw za ɩ, alɛ bɛ ɩ lɛ, nyɩ mɩ̀ na kpi n a bɛ yel-bebe za zũú.»

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Zã 15:14

Nyɩ ɩ n a ɩ̃ bárɩ nyɩmɛ wa maalɛ a lɛ ɩ̃ na ƴãw a nʋɔr kʋ̀ nyɩ a.

Ʋrɔm 16:17

Yɛbr i, ɩ̃ kpaalɛ nyɩ na kɛ́ nyɩ gùre nyɩ tʋɔra a bɛlɩ dem na bɛ dier a wulu bɛ na kʋ̀ nyɩ a ƴãw, ɛ́ mɩ́ ƴãwnɛ bʋ́r-taa a kɩrɩta-nɩbɛ sɔgɔ, ɛ́ ɩrɛ bɛ bɔrɛ a. Nyɩ taw zãá nɩ bɛ,

1 Korɛ̃tɩ 5:11

Ɩ̃ sɛb nyɩ na kɛ́ nyɩ ta pɩɛlɛ nɩr na dɩ kɛ́ kɩrɩta-nɩr a, ʋlɛ wa ɩ pɩ̃ɔ-yel-maalɛ, nɩr na mɩ́ nyɛ̃ a ʋ tɔ bom a mimir zaalɛ a, bɩɩ ʋlɛ wa maalɛ tɩbɛ bɩɩ ɩ gɛgɛra, dã-kuole nɩ nyãnyuge a. Nyɩ mɩ̀ ta mɩ́ lãw nɩ a nɩr ŋa tɔ dɩ bom ɛ.

Efɛɛzɩ 5:11

Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

Yel-wula 18:4

Ɩ̃ lɛb tɩ wõ n kɔkɔ-yũo ʋ yire a salom zu yere: «Ɩ̃ nɩbɛ ɛ, nyɩ yi zaa a ʋ pʋɔ, taa pʋɔrɛ a ʋ yel-bebe pʋɔ ɩ, ɛ́ mɩ̀ taa pʋɔrɛ a ʋ dɔwrʋ na waar a pʋɔ ɩ.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.